. විශේෂ මහ සභාවට අතුරු තහනමක් | කෙළිමඬල
2019 අපේ‍්‍රල් මස 20 වැනි සෙනසුරාදා
විශේෂ මහ සභාවට අතුරු තහනමක්
2019-04-09 16:01:07 | උණවටුන ඩී.ජී.සුගතපාල

ගාල්ල ක්‍රිකට් සමාජයේ විශේෂ මහා සභා රැස්වීම සම්බන්ධයෙන් ඉදිරිපත් කර තිබු පෙත්සමක් සළකා බැලු ගාල්ල අතිරේක දිසා විනිසුරු විෂාන් ඒකනායක මහතා දින 14කට බලපැවැත්වෙන පරිදි එම විශේෂ මහ සභා රැස්වීම තහනම් කරමින් අතුරු තහනම් නියෝගයක් නිකුත් කළේය. අතුරු තහනම් නියෝගයක් නිකුත් නොකිරිමට හේතු තිබේනම්  අප්‍රියල් 11 වන දින අධිකරණයේ පෙනි සිට ඉදිරිපත් කරන  ලෙසද වග උත්තරකරුවන්ට නොතිසි නිකුත් කිරිමටද නියෝග කළේය.

කුමාර සමරසිංහ (ගාල්ල ක්‍රිකට් සමාජයේ සභාපති), ගජබා සුසන්ත පිටිගල (ගාල්ල ක්‍රිකට් සමාජයේ ලේකම්), කොඩිතුවක්කු ආරච්චිගේ දිලිප චාර්ල්ස් සිල්වා (ගාල්ල ක්‍රිකට් සමාජයේ ක්‍රීඩා ලේකම්), නිහාල් ධර්මසිරි (ගාල්ල ක්‍රිකට් සමාජයේ භාණ්ඩාගාරික), දුමින්ද කුමාරසිංහ (ගාල්ල ක්‍රිකට් සමාජයේ ක්‍රීඩාපිටි ලේකම්), හසිත රාජපක්ෂ (ගාල්ල ක්‍රිකට්  සාමාජික කමිටු සාමාජික), මහේෂ් සංජිව (ගාල්ල ක්‍රිකට් සමාජයේ කමිටු සාමාජික), අහමඞ් ෂහාන් ජමිල් (ගාල්ල ක්‍රිකට් සමාජයේ කමිටු සාමාජික), ගයාන් සිරිසෝම (ගාල්ල ක්‍රිකට් සමාජයේ කමිටු සාමාජික) යන නමදෙනා විසින් මෙම පෙත්සම ඉදිරිපත් කර තිබිණ. 

පෙත්සමේ වගඋත්තරකරුවන් ලෙස ශාන්තිලාල් අබේගුණවර්ධන (ගාල්ල ක්‍රිකට් සමාජයේ හිටපු උප සභාපති), දාසින් ද සිල්වා (ගාල්ල ක්‍රිකට් සමාජයේ හිටපු උප ලේකම්) ජයන්ති ලාල්ද සිල්වා (ගාල්ල ක්‍රිකට් සමාජයේ කමිටු සාමාජික) බන්දුල අතුකෝරල (ගාල්ල ක්‍රිකට් සමාජයේ හිටපු අවන්හල් ලේකම්) යන සිව්දෙනා නම්කර ඇත.

පෙත්සම්කරුවන් කියා සිටින්නේ ගාල්ල ක්‍රිකට් සමාජය 1976 දි ආරම්භ කර ඇති අතර එහි ප්‍රධාන කාර්යාලය මේ වනවිට ගාල්ල අන්තර් ජාතික ක්‍රිකට් ක්‍රිඩාංගණයේ පිහිටුවා ඇති බවත්ය. ව්‍යවස්ථාවක් මගින් එය පාලනය වන අතර එහි 24 වන වගන්ති අනුව මැතිවරණ දෙපාර්තමේන්තුව විසින් පවත්වන ලද ඡන්දයේදි 2018 ජූනි මාසයේ සිට 2020 ජූනි දක්වා කාලය සඳහා තමන් මෙම තනතුරු සඳහා පත්වු බවත්ය.

මෙහි වගඋත්තරකරුවන් පිළිවෙළින් උප සභාපති, උප ලේකම්, අවන්හල් සේවක, කමිටු සාමාජික යන තනතුරු දරා සිටි බවත් 2019 පෙබරවාරි මාසයේ 16 වැනි දින කමිටු රැස්වීම පවත්වා තිබියදී ව්‍යවස්ථාවේ අවශ්‍යතාවයන් ඉටු නොකර විශේෂයෙන් සභාපතිවරයා ඇතුළු සෙසු සාමාජිකයන්ද දැනුම්වත් නොකර වගඋත්තරකරුවන් විසින් 2019 පෙබරවාරි 28 වනදින කමිටු රැස්විමක් කැඳවා 2වන පෙත්සම්කරුගේ කමිටු සාමාජිකත්වය තාවකාලිව අත්හිටුවිමට තීරණය කළ බවට 2 වැනි වගඋත්තරකරු විසින් ක්‍රිකට් සමාජයේ ලිපිශිර්ෂයකින් ලිපියක් එවා ඇති බවද එහෙත් එය නිති විරෝධි රැස්විමක් බවදපෙත්සමේ සඳහන් කර ඇත.

එම කමිටු රැස්විමේදි  වගඋත්තරකරුවන් විසින් ගන්නා ලද තිරණ බලරහිත බවට ක්‍රිකට් ආයතනයේ ප්‍රධාන විධායක නිලධාරිවරයාට දන්වා යැවු බවත් වගඋත්තරකරුවන්ට විනය පරික්ෂණ පැවැත්විමට තිරණය කරඇති බවත් කියා  සිටින පෙත්සම්කරුවන් වගඋත්තරකරුවන් අප්‍රියල් මස 6වනදින සියලුසාමාජිකයින්ට නොදන්වා විශේෂ මහා සභාවක් කැඳවිමට කටයුතු කර ඇති බව දැනගැනිමට තිබෙන නිසා එම රැස්විම වලක්වාලමින් වාරණ නියෝගයක් හා අතුරු තහනම් නියෝගයක් නිකුත් කරන ලෙසත් ඉල්ලා මෙම පෙත්සම ඉදිරිපත් කරඇත.

කරුණු සලකා බැලු දිසා විනිසුරුවරයා වගඋත්තරකරුවන් පැවැත්විමට සූදානම්කර තිබු මහා සභා රැස්විම එදිනට පැවැත්විම වළක්වාලමින් දින 14 කට බලපැවැත්වෙන පරිදි මෙසේ  අතුරු තහනම් නියෝගයක් නිකුත් කළේය.

මේ සම්බන්ධයෙන් විමසුවිට පලමුවන වගඋත්තරකාර ශාන්තිලාල් අබේගුණවර්ධන මහතා කියා සිටියේ මේ හේතුව නිසා සාමාජිකයින්ට සිදුවු අපහසුව පිළිබඳ කණගාටුවන අතර අධිකරණ කටයුතුවලින් පසු හැකි ඉක්මනින්ම රැස්වීම කැඳවීමට පියවර ගන්නා බවය. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ලෝක කුසලාන පිලේ නායකත්වය දිමුත්ට...
2019-04-16 12:50:36
ලබන මාසයේදී ආරම්භ වන ලෝක කුසලාන තරගාවලියේදී ශ්‍රී ලංකා කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට පැවරෙනු ඇතැයි වාර්තා වේ. ලෝක කු...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
ලෝක කුසලාන තරගාවලියෙන් ප්‍රබලයෝ විසිවෙති...
2019-04-18 13:53:06
එංගලන්තයේදී ලබන මැයි මස 30 වැනිදා ආරම්භ වන ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතයෙන් ශ්‍රී ලංකා පිලේ හිටපු ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
ආරම්භක පිතිකරුවන් තෝරාගැනීමේ හිසරදය...
මේ පාර ලෝක කුසලානය දිනන්න ඕනි නෑ. 2023 ලෝක කුසාලනය ඉලක්ක කරගෙනවත් ටීම් එක තේරුවනම් හොදයි. ක්‍රිකට් දන්න අය ගහපු හැටි අපි දැක්කා හොදටම. අලුත් ක...