. ආසියානු වෙරළ වොලිබෝල් තරගාවලියට යති | කෙළිමඬල
2019 අපේ‍්‍රල් මස 20 වැනි සෙනසුරාදා
ආසියානු වෙරළ වොලිබෝල් තරගාවලියට යති
2019-04-10 18:20:20 | නාමල් පතිරගේ

තායිලන්තයේ ‘සම්ලා’ වෙරළේදී රටවල් 37 ක කණ්ඩායම් තරග වදින ආසියානු වෙරළ (බීච්) වොලිබෝල් (කාන්තා/පිරිමි) ශූරතාමාලාවට සහභාගිවන ශ්‍රී ලංකා කාන්තා හා පිරිමි කණ්ඩායම් හෙට (11) දිවයිනෙන් පිටත්ව යයි.

මෙතෙක් ජ්‍යෙෂ්ඨතම වොලිබෝල් ක්‍රීඩිකාවක් ලෙසත්, ශ්‍රී ලංකා කාන්තා වොලිබෝල් කණ්ඩායමේ නායිකාවක් ලෙසත් කටයුතු කර ඇතැයි නාවික හමුදාවේ දිනේෂා ප්‍රසාදිනි පළමු වතාවට වෙරළ වොලිබෝල් ක්‍රීඩිකාවක් ලෙස මෙම සංචාරයට එක්ව සිටී.

ඇය මෙතැන් සිට වෙරළ වොලිබෝල් ක්‍රීඩිකාවක් ලෙස දිගටම කටයුතු කරන බවත් එළඹන සාෆ් ක්‍රීඩා උළෙලේදීත් ඇය ශ්‍රී ලංකා වෙරළ වොලිබෝල් (කාන්තා) කණ්ඩායම නියෝජනය කිරීමට සූදානමින් සිටින බවත් වාර්තාවේ.

දේශීය වොලිබෝල් ක්‍රීඩකයෙකුට හෝ ක්‍රීඩිකාවකට එක් අවස්ථාවකදී නියෝජනය කළ හැක්කේ ජාතික වොලිබෝල් සංචිතය හෝ ජාතික වෙරළ සංචිතය යන දෙකෙන් එකක් පමණි. ඒ අනුව ඇය මෙතැන් සිට වෙරළ වොලිබෝල් ක්‍රීඩිකාවක් ලෙස දිගටම කටයුතු කිරීමට තීරණය කර තිබේ.

තරගාවලිය ලබන සිකුරාදා (12) සිට මෙම 17 වැනිදා දක්වා ‘සම්ලා’ වෙරළේදී පැවැත්වේ. ශ්‍රී ලංකා වොලිබෝල් සම්මේලනයේ ලේකම් ඒ. එස්. නාලක මහතා ‘ලංකාදීප’යට පැවැසුවේ තරග කාලසටහන එළිදැක්වෙන විවෘත කුසපත් ඇදීමෙන් පසුව ශ්‍රී ලංකාවට තරගාවලියේදී මුණගැසෙන ප්‍රතිවාදීන් ප්‍රකාශයට පත්වන බවයි. කුසපත් ඇදීම හෙට (11) සිදුකෙරේ.

ශ්‍රී ලංකා කණ්ඩායම් සඳහා මාස හතරකට ආසන්න කාලයක් පුරා නේවාසික පුහුණුවීම් ලබාදී තිබේ. ඒ සුගතදාස එළිමහන් පිටියේ ස්ථාපිත කෘත්‍රිම වෙරළ වොලිබෝල් පිටිය ඇතුළුව ගල්කිස්ස  හා මීගමුව යන වෙරළ තීරයන්හිදීය.

ආසියානු වෙරළ වොලිබෝල් තරග මාලාවේදී ශ්‍රී ලංකා පිරිමි කණ්ඩායම මෙතෙක් පැමිණි උපරිම දුර අටවැනි ස්ථානයයි.


පිරිමි කණ්ඩායම
මලිත්ත යාපා (නායක), ඉන්දික ටිරෝන්, අංජන සංදීපන, අශේන් රස්මිත, පුහුණුකරු - ජූඩ් මහේෂ් පෙරේරා

කාන්තා කණ්ඩායම
දිනේෂා ප්‍රසාදිනි (නායිකා), කසුනි තාරුකා, දීපිකා බණ්ඩාර, චතුරිකා වීරසිංහ, පුහුණුකරු - ප්‍රියන්ත රාජපක්ෂ.
කණ්ඩායම් දෙකේම කළමනාකරු ලෙස ඩී. එස්. ඒ. අරුණ ශාන්ත මහතා කටයුතු කරයි.

 

ආසියානු ශූරතා වෙරළ වොලිබෝල් තරග මාලාවට සහභාගිවන ශ්‍රී ලංකා වෙරළ වොලිබෝල් කාන්තා හා පිරිමි කණ්ඩායම් ශ්‍රී ලංකා වොලිබෝල් සම්මේලනයේ සභාපති රංජිත් සියඹලාපිටිය හා එහි ලේකම් ඒ. එස්. නාලක යන මහත්වරුන් සමග.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ලෝක කුසලාන පිලේ නායකත්වය දිමුත්ට...
2019-04-16 12:50:36
ලබන මාසයේදී ආරම්භ වන ලෝක කුසලාන තරගාවලියේදී ශ්‍රී ලංකා කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට පැවරෙනු ඇතැයි වාර්තා වේ. ලෝක කු...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
ලෝක කුසලාන තරගාවලියෙන් ප්‍රබලයෝ විසිවෙති...
2019-04-18 13:53:06
එංගලන්තයේදී ලබන මැයි මස 30 වැනිදා ආරම්භ වන ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතයෙන් ශ්‍රී ලංකා පිලේ හිටපු ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
ආරම්භක පිතිකරුවන් තෝරාගැනීමේ හිසරදය...
මේ පාර ලෝක කුසලානය දිනන්න ඕනි නෑ. 2023 ලෝක කුසාලනය ඉලක්ක කරගෙනවත් ටීම් එක තේරුවනම් හොදයි. ක්‍රිකට් දන්න අය ගහපු හැටි අපි දැක්කා හොදටම. අලුත් ක...