. වෝනර් - ස්මිත් අපසු එන බවට ප්‍රබල ඉඟියක් | කෙළිමඬල
2019 අපේ‍්‍රල් මස 20 වැනි සෙනසුරාදා
වෝනර් - ස්මිත් අපසු එන බවට ප්‍රබල ඉඟියක්
2019-04-12 11:35:25 | .

වැලි කඩදාසියක් උපයෝගී කරගනිමින් පන්දුව පළුදු කිරීමේ චෝදනාවට වැරදිකරුවන් වූ, ඕස්ට්‍රේලියානු පිලේ හිටපු නායක ස්ටීවන් ස්මිත් සහ හිටපු උපනායක ඬේවිඞ් වෝනර් දෙදෙනාම ලබන මාසයේදී නවසීලන්තයට එරෙහිව පැවැත්වෙන පෙරහුරු තරගාවලියකට මුහුණ දිය යුතුව තිබෙන බව ඕස්ට්‍රේලියානු ක්‍රිකට් බලධාරීහු කියති. ලෝක කුසලාන තරගාවලියට යන නවසීලන්ත කණ්ඩායමම නොව, ඊට වඩා ශක්තියෙන් අඩු නවසීලන්ත කණ්ඩායමක් සමග ලබන මාසයේ බ්‍රිස්බේන්හිදී  පැවැත්වෙන මෙම තරගාවලියට ක්‍රීඩා කිරීම යනු වෝනර් සහ ස්මිත් දෙදෙනාම ලෝක කුසලාන තරගාවලියට තෝරාගනු ලබන බවට ලැබෙන පළමු ඉඟියයි. 

ලෝක කුසලාන තරගාවලිය සඳහා වන ඕස්ට්‍රේලියානු කණ්ඩායම ලබන සඳුදා (15 වැනිදා) නම් කිරීමට නියමිතය. 

දකුණු අප්‍රිකාවේ කේප්ටවුන් නුවරදී පසුගිය වසරේ මාර්තු මාසයේ පැවැති ටෙස්ට් තරගයකදී පන්දුව පළුදු කිරීමේ සිදුවීමෙන් පසු වෝනර් හෝ ස්මිත් දෙදෙනාගෙන් කවරෙක් හෝ ඕස්ට්‍රේලියාව වෙනුවෙන් ක්‍රීඩා නොකළේය. 

නවසීලන්තයේ කණ්ඩායමකට එරෙහිව, මැයි මස 5, 7 සහ 9 දිනවලදී පැවැත්වෙන මෙම පෙරහුරු තරග තුනම නිල එක්දින තරග නොවේ. එහෙත් එහෙත් ඕස්ට්‍රේලියානු නිල ඇඳුමෙන් තරග කරන බැවින්ද, ලෝක කුසලාන තරගාවලිය සඳහා පූර්ව සූදානමක් වන හෙයින්ද, වෝනර් සහ ස්මිත් දෙදෙනාටම මෙම තරගාවලිය ඉතාම වැදගත් වේ. 

නවසීලන්තයේ කණ්ඩායම ක්‍රීඩකයෝ 13 දෙනකුගෙන් සමන්විත වන අතර ටොම් ලෙතම් එහි නායකත්වය දරයි. කෙසේ වෙතත් ලෝක කුසලාන තරගාවලියට නම් කරන ලද නවසීලන්ත ක්‍රීඩකයන් 15 දෙනාගෙන් 10 දෙනකුම මෙම තරගාවලියට නොපැමිණෙති. 

එසේ වුවත් ඕස්ට්‍රේලියාව වෙනුවෙන් සම්පූර්ණ ලෝක කුසලාන කණ්ඩායමම මෙම තරගාවලියට සහභාගි වෙයි. 

නවසීලන්තයේ සිට බ්‍රිස්බේන් බලා එන කණ්ඩායම 
ටොම් ලෙතම් (නායක), ටොඞ් ඇස්ට්ල්, හමීෂ් බෙනට්, ටොම් බ්ලන්ඩල්, ඩග් බ්‍රේස්වෙල්, මැතිව් හෙන්රි, ඩැරිල් මිචෙල්, ජේම්ස් නීෂම්, හෙන්රි නිකොල්ස්, හමීෂ් රදර්ෆර්ඞ්, බ්ලෙයාර් තික්නර්, ජෝර්ජ් වර්කර් සහ විල් යංග්

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ලෝක කුසලාන පිලේ නායකත්වය දිමුත්ට...
2019-04-16 12:50:36
ලබන මාසයේදී ආරම්භ වන ලෝක කුසලාන තරගාවලියේදී ශ්‍රී ලංකා කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට පැවරෙනු ඇතැයි වාර්තා වේ. ලෝක කු...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
ලෝක කුසලාන තරගාවලියෙන් ප්‍රබලයෝ විසිවෙති...
2019-04-18 13:53:06
එංගලන්තයේදී ලබන මැයි මස 30 වැනිදා ආරම්භ වන ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතයෙන් ශ්‍රී ලංකා පිලේ හිටපු ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
ආරම්භක පිතිකරුවන් තෝරාගැනීමේ හිසරදය...
මේ පාර ලෝක කුසලානය දිනන්න ඕනි නෑ. 2023 ලෝක කුසාලනය ඉලක්ක කරගෙනවත් ටීම් එක තේරුවනම් හොදයි. ක්‍රිකට් දන්න අය ගහපු හැටි අපි දැක්කා හොදටම. අලුත් ක...