. පළමු කොටසේ ශූරතාව ශා.ජෝසප් විද්‍යාලයට | කෙළිමඬල
2019 අපේ‍්‍රල් මස 20 වැනි සෙනසුරාදා
පළමු කොටසේ ශූරතාව ශා.ජෝසප් විද්‍යාලයට
2019-04-12 16:12:55 | රොෂාන් ගුණරත්න

අන්තර් පාසල් වයස 19 න් පහළ ‘සිංගර් කුසලාන’ ක්‍රිකට් තරගාවලියේ පළමු කොටසේ ශූරතාව දිනාගැනීමට කොළඹ ශාන්ත ජෝසප් විද්‍යාලයට අද (12 වැනිදා) සමත්විය. අනුශූරතාව ගල්කිස්ස සාන්ත තෝමස් විද්‍යාලයට හිමිවිය.

කොළඹ රාජකීය විද්‍යාලීය ක්‍රීඩාංගණයේදී පැවැති අවසන් මහ තරගයේදී ගල්කිස්ස සාන්ත තෝමස් විද්‍යාලයට එරෙහිව පළමු ඉනිමේ ජයග්‍රහණයක් හිමිකරගත් ශාන්ත ජෝසප් විද්‍යාලය ශූරතාව දිනාගත්තේය.

කාසියේ වාසිය දිනා පළමුව පන්දුවට පහරදුන් සාන්ත තෝමස් විද්‍යාලයට සිය පළමු ඉනිම සඳහා සියලුදෙනා දැවී රැස්කිරීමට හැකිවූයේ ලකුණු 216 ක් පමණි.

හුදකලා සටනක නිරතවූ සිතාර හපුහින්න (117) ශතකයක් ලබාගනිමින් සාන්ත තෝමස් විද්‍යාලය ලකුණු 200 සීමාවෙන් ඔබ්බට රැගෙන යාමට සමත්විය.

දක්ෂ පන්දු යැවීමක නිරතවූ දුනිත් වෙල්ලාලගේ ලකුණු 45 කට කඩුලු 5 ක් ද ශාලින්ද සෙනවිරත්න සහ අෂීන් ඩැනියල් කඩුලු 2 බැගින්ද දවාගනිමින් සාන්ත තෝමස් විද්‍යාලය අඩු ලකුණු සංඛ්‍යාවකට සීමාකිරීමට සමත්වූහ.

පිළිතුරු ඉනිම ඇරඹු ශාන්ත ජෝසප් විද්‍යාලය සියලුදෙනා දැවී පළමු ඉනිම සඳහා ලකුණු 269 ක් රැස්කිරීමට සමත්විය. පන්දුවෙන් මෙන්ම පිත්තෙන්ද දස්කම් දැක්වූ දුනිත් වෙල්ලාලගේ (88) අර්ධ ශතකයක් ලබාගනිමින් ශාන්ත ජෝසප් විද්‍යාලය ජයග්‍රහණය කරා රැගෙන යාමට අවශ්‍ය අඩිතාලම දමා දුන්නේය. දිනෙත් ජයකොඩි ලකුණු 44 ක් සහ සචින්ද රවිඳු ලකුණු 34 ක් ලබාගැනීමට සමත්වූහ.

තෙවින් ඊරියගම, ශැනන් ප්‍රනාන්දු සහ කළණ පෙරේරා කඩුලු 2 බැගින් දවාගනිමින් පන්දුවෙන් දස්කම් දැක්වූහ.
ලකුණු 53 ක් පසුපසින් සිට සිය දෙවැනි ඉනිම ඇරඹූ සාන්ත තෝමස් විද්‍යාලය කඩුලු 2 කට ලකුණු 67 ක් රැස්කර සිටියදී දෙපිලේම එකඟතාව මත තරගය අතහැර දැමීමට තීරණය කළේය.


සා.තෝමස් විද්‍යාලය - පළමු ඉනිම - ඕවර 59.1 කදී සියලුදෙනා දැවී ලකුණු 216
(සිතාර හපුහින්න 117, රයන් ප්‍රනාන්දු 24, ඩෙලන් ප්‍රනාන්දු 21, දුනිත් වෙල්ලාලගේ 45/5, ශාලින්ද සෙනවිරත්න 34/2, අෂීන් ඩැනියල් 61/2)

ශා.ජෝසප් විද්‍යාලය - පළමු ඉනිම - ඕවර 72 කදී සියලුදෙනා දැවී ලකුණු 269
(දුනිත් වෙල්ලාලගේ 88, දිනෙත් ජයකොඩි 44, සචින්ද රවිඳු 34, තෙවින් ඊරියගම 26/2, ශැනන් ප්‍රනාන්දු 49/2, කළණ පෙරේරා 97/2)

සා.තෝමස් විද්‍යාලය - දෙවැනි ඉනිම - ඕවර 12.1 කදී කඩුලු 2 ක් දැවී ලකුණු 67
(සිතාර හපුහින්න 38, ශලින් ද මෙල් 24)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ලෝක කුසලාන පිලේ නායකත්වය දිමුත්ට...
2019-04-16 12:50:36
ලබන මාසයේදී ආරම්භ වන ලෝක කුසලාන තරගාවලියේදී ශ්‍රී ලංකා කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට පැවරෙනු ඇතැයි වාර්තා වේ. ලෝක කු...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
ලෝක කුසලාන තරගාවලියෙන් ප්‍රබලයෝ විසිවෙති...
2019-04-18 13:53:06
එංගලන්තයේදී ලබන මැයි මස 30 වැනිදා ආරම්භ වන ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතයෙන් ශ්‍රී ලංකා පිලේ හිටපු ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
ආරම්භක පිතිකරුවන් තෝරාගැනීමේ හිසරදය...
මේ පාර ලෝක කුසලානය දිනන්න ඕනි නෑ. 2023 ලෝක කුසාලනය ඉලක්ක කරගෙනවත් ටීම් එක තේරුවනම් හොදයි. ක්‍රිකට් දන්න අය ගහපු හැටි අපි දැක්කා හොදටම. අලුත් ක...