. විදූෂා තුන් පිම්ම ලෝකඩ පදක්කම දිනයි | කෙළිමඬල
2019 මැයි මස 19 වැනි ඉරිදා
විදූෂා තුන් පිම්ම ලෝකඩ පදක්කම දිනයි
2019-04-24 15:33:30 | .

දෝහා කටාර්හිදී පැවැත්වෙන 23 වැනි ආසියානු මලල ක්‍රීඩා තරගාවලියේදී ශ්‍රී ලංකා ක්‍රීඩිකා විදූෂා ලක්‍ෂානි, තුන් පිම්ම කාන්තා ඉසව්වේ ලෝකඩ පදක්කම දිනාගැනීමට සමත් වූවාය. විදූෂා එහිදී මීටර 13.53 ක දුරක් වාර්තා කිරීමට සමත් වූවාය.  

මෙම තරගාවලියේදී ශ්‍රී ලංකාව හිමිකරගත් එකම සහ පළමු පදක්කම මෙය වේ. මෙම තරගාවලිය හෙට (25) අවසන් වීමට නියමිතය.  

ඇය තරගය ආරම්භයේ සිටම වර්ධනයක් පෙන්වමින් පළමු අවස්ථාවේදී මීටර 13.40 ක් ද, දෙවැනි අවස්ථාවේදී මීටර 13.46 ක් ද, පැනීමට සමත් වූ අතර ඇය තෙවැනි අවස්ථාවේදී මීටර 13.53 ක පිම්මක් ප්‍රදර්ශනය කළාය. කෙසේ වෙතත් ඇයගේ සිවුවැනි සහ පස්වැනි පැනීම් අසාර්ථක විය.

මෙම ජයග්‍රහණයෙන් පසුව විදූෂා පැවසුවේ තමන් සාර්ථක වේ යැයි කිසිවකු බලාපොරොත්තු නොවූ බවයි.
“මෙම ජයග්‍රහණය ගැන මම ගොඩක් සතුටු වෙනවා. මට ගිය වර ඉන්දියාවේදී සෙන්ටිමීටර දෙකකින් ලෝකඩ පදක්කම අහිමිවුණා. මෙවර කවුරුත් බලාපොරොත්තු වුණේ නෑ මම පදක්කමක් දිනයි කියලා. නමුත් මගේ පුහුණුකරු මට කිව්වා පදක්කමක් දිනන්න පුළුවන් කියලා. මට එය කරන්න පුළුවන් වුණා” යැයි විදූෂා වැඩි දුරටත් පැවසීය.

විදූෂා, මීගමුව නිව්ස්ටඞ් බාලිකා විදුහලේ ආදි ශිෂ්‍යාවක් වන අතර ඇය කටාන ප්‍රදේශයේ පදිංචිකාරියකි. පසුගියදා කටාන ප්‍රදේශයේ දේවස්ථානක් තුළ සිදුවූ බෝම්බ පිපිරීමෙන් ඇයගේ හිතවතුන් කීපදෙනකු ද ජීවිතක්‍ෂයට පත්වූ බව ද වාර්තා වේ.

- 048

ඔබේ ප්‍රතිචාර
prasad liyanage2019-04-25 03:17:53
නියමයි සහෝදරිය....

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...