. මාලිංග මුම්බායි පිලට ජය ගෙනෙයි | කෙළිමඬල
2019 මැයි මස 19 වැනි ඉරිදා
මාලිංග මුම්බායි පිලට ජය ගෙනෙයි
2019-04-26 19:48:09 | ...

ඉන්දීය ප්‍රිමියර් ලීග් ක්‍රිකට් තරගාවලියේ 44 වැනි තරගය ලෙස චෙන්නායි සුපර් කිංග්ස් සහ මුම්බායි ඉන්දියන්ස් කණ්ඩායම් අතර චෙන්නායිහිදී අද (26 වැනිදා) පැවැති තරගය ලකුණු 46 කින් ජයගැනීමට මුම්බායි පිල සමත්විය.

ජයග්‍රහණය සඳහා ලකුණු 156 ක ඉලක්කයක් හඹාගිය චෙන්නායි පිලට ඕවර 17.4 කදී සියලුදෙනා දැවී රැස්කිරීමට හැකිවූයේ ලකුණු 109 ක් පමණි. ඒ අනුව චෙන්නායි පිල සත්කාරකත්වය දරමින් දැවී ගිය අඩුම ලකුණු සංඛ්‍යාව ලෙස මෙම තරගය වාර්තාවිය.

පන්දු 35 කදී හයේ පහරක් සහ හතරේ පහර 3 ක් සමගින් ලකුණු 38 ක් රැස්කළ මුරලි විජේ චෙන්නායි පිල වෙනුවෙන් වැඩිම ලකුණු රැස්කළ පිතිකරුවා බවට පත්විය.

දක්ෂ පන්දු යැවීමක නිරතවූ ලසිත් මාලිංග ලකුණු 37 කට කඩුලු 4 ක් දවාගනිමින් මුම්බායි පිල ජයග්‍රහණය කරා රැගෙන යාමට සමත්විය. කෲනාල් පාණ්ඩ්‍යා ලකුණු 07 කට කඩුලු 2 ක් සහ ජස්ප්‍රීට් බුම්රා ලකුණු 10 කට කඩුලු 2 ක් දවාගනිමින් පන්දුවෙන් දස්කම් දැක්වූහ.

තරගයේ පළමුව පන්දුවට පහරදුන් මුම්බායි පිල ඕවර 20 අවසානයේ කඩුලු 4 ක් දැවී ලකුණු 155 ක් රැස්කිරීමට සමත්විය.

නායක රෝහිත් ෂර්මා පන්දු 48 කදී හයේ පහර 3 ක් සහ හතරේ පහර 6 ක් සමගින් ලකුණු 67 ක් රැස්කරමින් මුම්බායි පිලේ ලකුණු සංඛ්‍යාව ඉහළ දැමීමට සමත්විය.

එවින් ලෙවිස් සමගින් දෙවැනි කඩුල්ල සඳහා පන්දු 57 කදී ලකුණු 75 ක සම්බන්ධතාවයක් ගොඩනැගීමට රෝහිත් ෂර්මා සමත්විය.

දක්ෂ පන්දු යැවීමක නිරතවූ මිචෙල් සැන්ටර් සිය ඕවර 4 ලකුණු 13 කට සීමාකරමින් කඩුලු 2 ක් දවාගැනීමට සමත්විය.

කාසියේ වාසිය ලැබූ චෙන්නායි කණ්ඩායමේ නායක සුරේෂ් රයිනා පළමුව පන්දු යැවීමට තීරණය කළේය.

 

මුම්බායි ඉන්දියන්ස් - ඕවර 20 කදී කඩුලු 4 ක් දැවී 155
(රෝහිත් ෂර්මා 67, එවින් ලෙවිස් 32, මිචෙල් සැන්ටර් 13/2)

චෙන්නායි සුපර් කිංග්ස් - ඕවර 17.4 කදී සියලුදෙනා දැවී 109
(මුරලි විජේ 38, ඞ්වයින් බ්‍රාවෝ 20, මිචෙල් සැන්ටර් 22, ලසිත් මාලිංග 37/4, කෲනාල් පාණ්ඩ්‍යා 07/2, ජස්ප්‍රීට් බුම්රා 10/2)

 

 

ඡායාරූප - අයි.පී.එල්. නිලවෙබ්අඩවිය අනුග්‍රහයෙනි

ඔබේ ප්‍රතිචාර
RUWAN JAYAWARDANA2019-04-27 06:05:26
මාලිංග ඔබට මගේ සුබපැතුම්!!!

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...