. පිතිකරුවෝ බංග්ලාදේශය දිනවති | කෙළිමඬල
2019 මැයි මස 19 වැනි ඉරිදා
පිතිකරුවෝ බංග්ලාදේශය දිනවති
2019-05-08 15:13:48 | .

බටහිර ඉන්දීය කොදෙව් දූපත්, බංග්ලාදේශය සහ අයර්ලන්තය අතර පැවැත්වෙන තුන්කොන් ක්‍රිකට් තරගාවලියේ දෙවැනි තරගය ලෙස බටහිර ඉන්දීය කොදෙව් කණ්ඩායමට එරෙහිව ඩබ්ලින්හිදී පැවැති තරගයෙන් කඩුලු 8 ක පහසු ජයක් අත්කර ගැනීමට බංග්ලාදේශ කණ්ඩායම ඊයේ (7 වැනිදා) සමත් විය. 

ජයග්‍රහණය සඳහා ලකුණු 262 ක ඉලක්කයක් හඹාගිය බංග්ලාදේශ ක්‍රීඩකයෝ ඕවර 45 ක් අවසානයේ කඩුලු 2 ක් පමණක් දැවී එම ඉලක්කය පසුකර ගියහ. එහිදී සකීබ් අල් හසන් (නොදැවී 61) සහ මුෂ්ෆිකුර් රහීම් (නොදැවී 32) එක්ව තෙවැනි කඩුල්ල වෙනුවෙන් පන්දු 50 කදී ලකුණු 68 ක සම්බන්ධතාවක් ගොඩනගමින් බංග්ලාදේශ කණ්ඩායම ජයග්‍රහණය කරා ගෙන ගියහ.

පන්දු 61 කදී වාර්තා වූ සකීබ්ගේ අර්ධ ශතකය හයේ පහර 2 කින් සහ හතරේ පහර 3 කින් සමන්විත වූ අතර පන්දු 25 කදී වාර්තා වූ රහීම්ගේ ඉනිමට හයේ පහර 2 ක් සහ හතරේ පහර 2 ක් ඇතුළත් විය. ආරම්භක පිතිකරුවන් වූ ටමීම් ඉක්බාල් හතරේ පහර 7 ක් සමග ලකුණු 80 ක්ද, සෞම්‍ය සාකර් හයේ පහරක් සහ හතරේ පහර 9 ක් සමග ලකුණු 73 ක්ද රැස්කරමින් බංග්ලාදේශ කණ්ඩායමේ ජයග්‍රහණය සඳහා මනා අඩිතාලමක් දැමූහ. 

කාසියේ වාසිය දිනා පළමුවෙන් පන්දුවට පහරදුන් කොදෙව් කණ්ඩායමේ පළමු කඩුල්ල වෙනුවෙන් පන්දු 98 කදී ලකුණු 89 ක සම්බන්ධතාවක් ගොඩනැගීමට ශායි හෝප් (109) සහ සුනිල් ඇම්බි්‍රස් (38) සමත් වූහ. මෙම තරගාවලියේදී හෝප් පිට පිටම ලබාගත් දෙවැනි ශතකය මෙය වන අතර පන්දු 132 කට මුහුණදුන් ඔහු හයේ පහරකින් සහ හතරේ පහර 11 කින් එම ශතකය අලංකාර කළේය. 

රොස්ටන් චේස් (51) සමග එක්ව තෙවැනි කඩුල්ල වෙනුවෙන් පන්දු 141 කදී ලකුණු 115 ක සම්බන්ධතාවක් ගොඩනැගීමටද හෝප් සමත් වූ අතර පන්දු 62 කදී ලබාගත් චේස්ගේ අර්ධ ශතකයට හයේ පහරක් සහ හතරේ පහර 2 ක් අන්තර්ගත විය. 
දක්ෂ පන්දු යැවීමක නිතර වූ නායක මෂ්රෆී මොටාසා ලකුණු 49 කට කඩුල 3 ක් දවාගත් අතර මොහොමඞ් සයිෆුඩීන් සහ මුස්තෆිසුර් රෙහෙමාන් කඩුලු 2 බැගින් දවාගනිමින් කොදෙව් ඉනිම සුනුවිසුණු කිරීම සඳහා මොටාසාට අනගි සහායක් දුන්හ.  

 

බටහිර ඉන්දීය කොදෙව් පිල - ඕවර 50 කදී කඩුලු 9 ක් දැවී 261  
(ශායි හෝප් 109, සුනිල් ඇම්බ්‍රිස් 38, රොස්ටන් චේස් 51, ඈෂ්ලි නර්ස් 19, නායක මෂ්රෆී 49/3, මොහොමඞ් සයිෆුඩීන් 47/2, මොහොමඞ් සයිෆුඩීන් 84/2) 

බංග්ලාදේශ පිල - ඕවර 45 කදී කඩුලු 2 ක් දැවී 264  
(ටමීම් ඉක්බාල් 80, සෞම්‍ය සාකර් 73, සකීබ් අල් හසන් නොදැවී 61, මුස්තෆිසුර් රෙහෙමාන් නොදැවී 32) 

-036 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...