. ක්‍රිකට් ආයතන මහ සභාව නීත්‍යානුකූලයි-ලේකම් මොහාන් ද සිල්වා | කෙළිමඬල
2019 මැයි මස 19 වැනි ඉරිදා
ක්‍රිකට් ආයතන මහ සභාව නීත්‍යානුකූලයි-ලේකම් මොහාන් ද සිල්වා
2019-05-12 15:29:30 | යොහාන් භාසුර

ශ්‍රී ලංකා ක්‍රිකට් ආයතනයේ මහ සභාව සම්පූර්ණයෙන් නීත්‍යානුකූල බවත්, 2017 වසරේ ගිණුම් වාර්තා සහ රැස්වීම් වාර්තාව සම්මත කළ බවත් ශ්‍රී ලංකා ක්‍රිකට් ආයතනයේ ලේකම් මොහාන් ද සිල්වා මහතා ‘ලංකාදීප’යට පැවසීය.

ශ්‍රී ලංකා ක්‍රිකට් ආයතනයේ 58 වැනි වාර්ෂික මහ සභාව ක්‍රිකට් මූලස්ථානයේදී ඊයේ (11) පෙරවරුවේ පැවැත්විණි.

කෝල්ට්ස් ක්‍රීඩා සමාජයේ සභාපති සහ ශ්‍රී ලංකා ක්‍රිකට් ආයතනයේ හිටපු ලේකම්වරයකු වන නිශාන්ත රණතුංග මහතා මෙම මහ සභාව නීති විරෝධී යැයි පවසමින් ඉවත්ව ගොස් තිබේ.

ශ්‍රී ලංකා ක්‍රිකට් ආයතනයේ ලේකම් මොහාන් ද සිල්වා මහතාගෙන් මේ පිළිබඳව කළ විමසීමකදී පැවසුවේ කීපදෙනෙකු ඉවත්ව ගිය ද මහ සභාව පැවැත්වූ බවයි.
 
“මෙම සභාව පැවැත්වූයේ 2017 ගිණුම් සම්මත කිරීම සහ විධායක කමිටුවේ පුරප්පාඩු වෙලා තිබූ තනතුරුවලට නිලධාරින් පත්කර ගන්නයි. අපි එම ගිණුම් සම්ම්ත කළා. ඒ වගේම පුරප්පාඩු පිරෙව්වා. අපි පත්වුණේ 2018 වසරේ පෙබරිවාරි මාසෙ 21 වැනිදා. අපිට ඒ අවුරුද්දෙ ගිණුම් වාර්තා දැම්ම දෙන්න බෑ”

“ඔය කියන අයට නීති විරෝධී වෙන්න පුළුවන්. නමුත් අපිට නීති විරෝධී නෑ. සාමාජිකයන් වැඩි සංඛ්‍යාවක් රැස්වීමට සහභාගි වුණා” යැයි ලේකම්වරයා වැඩි දුරටත් පැවසීය.
 
ශ්‍රී ලංකා ක්‍රිකට් ආයතනයේ ව්‍යවස්ථාවට අනුව 2018 වසරේ ගිණුම් වාර්තා මහ සභාවට දින 14කට පෙර සාමාජිකයන්ට ලැබිය යුතු වුවද ගිණුම් වාර්තා ලැබී නොමැති බවත් ඒ හේතුවෙන් මෙම මහ සභාව සම්බන්ධයෙන් නීතිමය පියවර ගන්නා බව පවසමින් එහිදී නිශාන්ත රණතුංග මහතා ඇතුළු කීපදෙනෙක් පිටවත් ගිය බව වාර්තා වේ.

වර්තමාන උප සභාපතිවරයකු වන කේ. මතිවානන් මහතාද මෙහිදී රැස්වීමෙන් ඉවත්ව ගිය බව වාර්තා වේ.
මෙම මහ සභාවේදී ක්‍රිකට් නිලවරණයෙන් පත්නොවූ කමිටු කීපයකටද නිලධාරීන් පත්කරගෙන තිබේ.  

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...