. සුපර්නෝවා පිල විස්සයි20 අභියෝගය ජයගනී | කෙළිමඬල
2019 මැයි මස 19 වැනි ඉරිදා
සුපර්නෝවා පිල විස්සයි20 අභියෝගය ජයගනී
2019-05-12 17:47:43 | .

ඉන්දීය ප්‍රිමියර් ලීග් තරගාවලියට සමගාමීව පැවැති කාන්තා විස්සයි20 අභියෝග ක්‍රිකට් තරගාවලියේ ශූරතාව දිනාගැනීමට චමරි අතපත්තු ක්‍රීඩා කරන සුපර්නෝවා කණ්ඩායම ඊයේ (11 වැනිදා) සමත් විය. ඒ අවසන් මහ තරගයේදී වෙලෝසිටි කණ්ඩායමට එරෙහිව කඩුලු 4 ක ජයක් වාර්තා කරමිනි.

ජයග්‍රහණය සඳහා ලකුණු 122 ක ඉලක්කයක් හඹාගිය සුපර්නෝවා ක්‍රීඩිකාවෝ කඩුලු 6 ක් දැවී අවසන් පන්දුවේදී එම ඉලක්කයක පසුකර ගියහ. ඇමීලියා කේර් යැවූ අවසන් ඕවරයේදී සුපර්නෝවා කණ්ඩායමට ලකුණු 7 ක් රැස්කිරීමට සිදුවූ අතර එහි පළමු පන්දුවට ලකුණු ලබාගැනීමට අපොහොසත් වූ හර්මන්ප්‍රීත් කෞර් දෙවැනි පන්දුවේදී දැවී ගියාය. ඉන් අනතුරුව පිටියට පිවිසි රාධා යාදව් තෙවැනි, සිවුවැනි සහ පස්වැනි පන්දුවලට ලකුණු 2 බැගින් ලබාගනිමින් තරගය අවසන් පන්දුව දක්වා ඇදගෙන ගිය අතර අවසන් පන්දුව හතරේ සීමාව කරා යවමින් තරගයේ ජයග්‍රහණයද තහවුරු කළාය.

එහිදී නායකත්වයේ ඉනිමක් ක්‍රීඩා කළ හර්මන්ප්‍රීත් කෞර් පන්දු 37 කදී හයේ පහර 3 ක් සහ හතරේ පහර 4 ක් සමග ලකුණු 51 ක් රැස්කරමින් තරගයේ දක්ෂතම ක්‍රීඩිකාව බවට පත් වූවාය. ආරම්භක පිතිකාරිණි ප්‍රියා පූනියා පන්දු 31 කදි හතරේ පහර 5 ක් සමග ලකුණු 29 ක්ද, ජෙමියා රොඩි්‍රගස් පන්දු 25 කදී හතරේ පහර 3 ක්ද රැස්කරමින් සුපර්නෝවා කණ්ඩායමේ ජයග්‍රහණය සඳහා මනා අඩිතාලමක් දැමූහ.

සුපර්නෝවා කණ්ඩායමේ ආරම්භක පිතිකාරිණිය ලෙස කටයුතු කළ චමරි අතපත්තු මෙම තරගයේදී ලකුණු 2 ක් ලබා සිටියදී එක්තා බිෂ්ට්ගේ සහ සුෂ්මා වෙර්මාගේ දක්ෂ පන්දු රැකීම හමුවේ දුවද්දී දැවී යෑමකට හසුව පිටියෙන් ඉවත්ව ගියාය.

පළමුවෙන් පන්දුවට පහරදුන් වෙලෝසිටි කණ්ඩායම ඕවර 20 අවසානයේ කඩුලු 6 ක් දැවී ලකුණු 121 ක් ලබාගත් අතර වෙලෝසිටි ඉනිමේ වැඩිම ලකුණු ලාභිණිය බවට පත්වූ සුෂ්මා වෙර්මා පන්දු 32 කදී හයේ පහරක් සහ හතරේ පහර 3 ක් සමග නොදැවී ලකුණු 40 ක් රැස්කළාය. ඇමීලියා කේර් (36) සමග එක්ව හයවැනි කඩුල්ල වෙනුවෙන් පන්දු 65 කදී ලකුණු 71 ක සම්බන්ධතාවක් ගොඩනැගීමටද වෙර්මා සමත් වූ අතර පන්දු 38 කට මුහුණදුන් කේර්ගේ ඉනිමට හතරේ පහර 4 ඇතුළත් විය.


වෙලෝසිටි පිල - ඕවර 20 කදී කඩුලු 6 ක් දැවී 121
(මිතලි රාජ් නොදැවී 12, සුෂ්මා වෙර්මා නොදැවී 40, ඇමීලියා කේර් 36, ලියා තහුහු 21/2)

සුපර්නෝවා පිල - ඕවර 20 කදී කඩුලු 6 ක් දැවී 125
(ප්‍රියා පුනියා 29, ජෙමියා රොඩ්‍රිගුස් 22, හර්මන්ප්‍රීත් කෞර් 51, ජහනුරා අලම් 21/2, ඇමීලියා කේර් 29/2)

ඡායාරූප - අයි.පී.එල්. නිලවෙබ් අඩවිය අනුග්‍රහයෙනි

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...