. බංග්ලාදේශ පිල ශ්‍රී ලංකාවට එවන්නේ නෑ - නස්මුල් හසන් | කෙළිමඬල
2019 මැයි මස 19 වැනි ඉරිදා
බංග්ලාදේශ පිල ශ්‍රී ලංකාවට එවන්නේ නෑ - නස්මුල් හසන්
2019-05-12 18:40:32 | .

මේ දිනවල ශ්‍රී ලංකාව තුළ පවතින වාතාවරණය අනුව ඉදිරියේදී තවත් ත්‍රස්තවාදී ප්‍රහාර එල්ලවේදැයි සැකයක් හටගෙන තිබීම නිසා එළබෙන ජූලි මාසයේදී ශ්‍රී ලංකාව සහ බංග්ලාදේශය අතර පැවැත්වීමට නියමිතව තිබෙන එක්දින තරගාවලියට සිය කණ්ඩායම සහභාගි කළ නොහැකි බව බංග්ලාදේශ ක්‍රිකට් ආයතනයේ සභාපති නස්මුල් හසන් මහතා පවසයි.

“අපිට ශ්‍රී ලංකාවට යන්න බැරි එකම හේතුව මේ දිනවල එහි පවතින ආරක්ෂක තත්වයයි. ඒ ඇරුණාම ශ්‍රී ලංකාවට නොයන්න අපිට වෙන කිසිම හේතුවක් නෑ. බංග්ලාදේශය විතරක් නෙමෙයි වෙන කිසිම රටක කණ්ඩායමක් මේ වගේ වාතාවරණයක් තුළ ශ්‍රී ලංකාවේ සංචාරය කරයි කියලා මම හිතන්නේ නෑ.” යැයි හසන් මහතා පෙරේදා (11 වැනිදා) සිය නිවසේදී මාධ්‍යවේදීන් අමතමින් පැවසීය.

ලෝක කුසලාන ක්‍රිකට් තරගාවලියෙන් අනතුරුව ජූලි මස 25, 27 සහ 29 යන දිනවලදී ශ්‍රී ලංකාව සහ බංග්ලාදේශය අතර එක්දින ජාත්‍යන්තර තරග 3 ක් පැවැත්වීමට නියමිතව තිබුණි. දෙසැම්බර් මාසයේදී පැවැත්වීමට කටයුතු යොදා තිබූ එම තරගාවලිය ජූලි මාසය දක්වා ඉදිරියට රැගෙන ඒමට බංග්ලාදේශ ක්‍රිකට් ප්‍රධානීන් කටයුතු කළේ ජනවාරි මාසයේදී පැවැත්වීමට නියමිත බංග්ලාදේශ ප්‍රිමියර් ලීග් තරගාවලිය සඳහා එරට ක්‍රීඩකයන්ට සූදානම් වීමට ඉඩකඩ ලබාදීමේ අරමුණෙනි.

කෙසේ වුවත් අප්‍රේල් මස 21 වැනිදා ශ්‍රී ලංකාවේදී සිදුවූ පාස්කු ඉරිදා ප්‍රහාරයේදී 250 කට අධික පිරිසක් මරණයට පත්වීමත් 400 කට අධික පිරිසක් තුවාල ලැබීමත් හේතුවෙන් එතැන් සිට මෙම තරගාවලිය පැවැත්වීම අවිනිශ්චිත තත්වයකට පත්ව තිබුණි.

“අපිට ඔවුන් සමග සැලසුමක් තිබුණා. ඔවුන් අපේ ජ්‍යෙෂ්ඨ සහ කනිෂ්ට කණ්ඩායම්වලට ආරාධනා කළා. ඒ වගේම ශ්‍රී ලංකන් ප්‍රිමියර් ලීග් තරගාවලිය පවත්වන්නත් ඔවුන් උත්සහා කළා. ඒ නිසා ඔවුන් සමග ඒ සම්බන්ධයෙන් අපි කතා කළා. නමුත් මේ දිනවල ශ්‍රී ලංකාව තුළ පවතින තත්වය මොන වගේද කියන එක අපි වටහාගත යුතුයි. එවැනි තත්වයක් තුළ කිසිසේත්ම අපිට අපේ ක්‍රීඩකයන් ශ්‍රී ලංකාවට යවන්න හැකියාවක් නෑ.” යැයි බංග්ලාදේශ ක්‍රිකට් සභාපතිවරයා සඳහන් කළේය.

“බංග්ලාදේශය පමණක් නෙමෙයි, අනිත් රටවල් පවා මෙවැනි තත්වයක් තියෙද්දී ශ්‍රී ලංකාව තුළ ක්‍රීඩා කරයි කියලා මම හිතන්නේ නෑ. අනික ඉදිරියේදී තවත් ත්‍රස්තවාදී ප්‍රහාර එල්ල විය හැකි බව ශ්‍රී ලංකා රජය පවා කියලා තියෙනවා. ඔවුන් එසේ පවසද්දී අපේ කණ්ඩායම ශ්‍රී ලංකාවේ සංචාරයකට යැවීම කිසිසේත්ම අනුමත කරන්න බැහැ.” යැයිද එහිදී හසන් මහතා වැඩි දුරටත් කියා සිටියේය.


-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...