. සොයිසා අභියාචනාධිකරණයට යයි | කෙළිමඬල
2019 මැයි මස 19 වැනි ඉරිදා
සොයිසා අභියාචනාධිකරණයට යයි
2019-05-13 17:54:32 | රන්ජන් කටුගම්පළ සහ මනෝප්‍රිය ගුණසේකර

ශ්‍රී ලංකා 19 න් පහළ කණ්ඩායමේ පන්දු යැවීමේ පුහුණුකරු ධූරයෙන් තමන් අනීවාර්ය නිවාඩු ගැන්වීමට ක්‍රිකට් ආයතනයේ බලධාරීන් ගෙන ඇති තීරණය බලශූන්‍ය කරන ආඥාවක් නිකුත් කරන්නැයි ඉල්ලමින් හිටපු ක්‍රිකට් ක්‍රීඩකයකු වන නුවන් සොයිසා මහතා අභියාචනාධිකරණය හමුවේ රිට් පෙත්සමක් ගොනු කර තිබේ.

එක්සත් අරාබි එමිර් රාජ්‍යයේදී 2017 වසරේ පැවැති ටී-10 ක්‍රිකට් තරගාවලියට ශ්‍රී ලංකා කණ්ඩායම සමඟ එහි පුහුණුකරුවන් ලෙස සහභාගි වී සිටින අතරතුර ක්‍රිකට් තරගාවලියේ තරඟ ප්‍රතිඵලයට, ප්‍රගතියට, රටාවට සහ ස්භාවයට අනිසි ලෙස බලපෑම් කරන දූෂිත ක්‍රියාවන්ට සම්බන්ධ බවට චෝදනා කරමින් අන්තර් ජාතික ක්‍රිකට් සභාව විසින් චෝදනාවන් ඉදිරිපත් කිරීමෙන් අනතුරුව ශ්‍රී ලංකා ක්‍රිකට් ආයතනය ගත් තීරණය අභියෝගයට ලක් කරමින් නුවන් සොයිසා මහතා මෙම රිට් පෙත්සම ගොනු කොට ඇත.

මහරගම පුරාණ මාවතේ පදිංචි ක්‍රිකට් ක්‍රීඩක නුවන් සොයිසා මහතා විසින් පවරන ලද මෙම නඩුවේ වගඋත්තරකරුවන් වශ්‍යයෙන් ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඇෂ්ලි ද සිල්වා, මානව සම්පත් ජේ්‍යෂ්ඨ නිලධාරී ධනංජය විජේසිංහ, සභාපති ෂම්මි ද සිල්වා, උප සභාපතිවරුන් වන කේ. මතිවානන්, රවීන් වික්‍රමරත්න, ලේකම් මොහාන් ද සිල්වා, භාණ්ඩාගාරික ලසන්ත වික්‍රමනායක, උප සභාපතිවරුන් වන ක්‍රිෂාන්ත කපුවත්ත, ලලිත් රඹුක්වැල්ල, විදුලි සංදේශ විදේශ කටයුතු සහ ක්‍රීඩා අමාත්‍ය හරීන් ප්‍රනාන්දු, එම අමාත්‍යංශයේ ලේකම් චුලානන්ද පෙරේරා යන මහත්වරුන් නම් කොට ඇත.

ජාතික තලයේ හිටපු ක්‍රිකට් ක්‍රීඩකයකු මෙන්ම ශ්‍රී ලංකා ක්‍රිකට් ආයතනයේ පන්දු යැවීමේ පුහුණුකරුවකු වන නුවන් සොයිසා මහතා විසින් ඉදිරිපත්  කොට ඇති  පෙත්සමේ මේසේද සඳහන් කොට ඇත.

එක්සත් අරාබි එමිර් රාජ්‍යයේදී 2017 වසරේ පැවැති ටී-10 ක්‍රිකට් තරගාවලියට ශ්‍රී ලංකා කණ්ඩායම සමඟ එහි පුහුණුකරුවන් ලෙස සහභාගි වී සිටින අතරතුර එම ක්‍රිකට් තරගාවලියේ තරඟ ප්‍රතිපලයට, ප්‍රගතියට, රටාවට සහ ස්භාවයට අනිසි ලෙස බලපෑම් කරන දූෂිත ක්‍රියාවන්ට සම්බන්ධ බවට චෝදනා කරමින් අන්තර් ජාතික ක්‍රිකට් සභාව විසින් තමන්ට චෝදනා ඉදිරිපත් කළ බව පවසන පෙත්සම්කාර ක්‍රිකට් ක්‍රීඩක නුවන් සොයිසා මහතා ඉන් අනතුරුව ශ්‍රී ලංකා ක්‍රිකට් ආයතනය තමන්ගේ පුහුණුකාර තනතුරෙන් අනීවාර්්‍ය විශ්‍රාම ගැන්වු බවද සඳහන් කොට ඇත.

ශ්‍රී ලංකා ක්‍රිකට් ආයතනයේ ජාතික පන්දු යැවීමේ පුහුණුකාර තනතුරෙන් තමන් අනීවාර්ය නිවාඩු ගැන්වීමට ක්‍රිකට් ආයතනයේ බලධාරීන් ගෙන ඇති තීරණය බලශූන්‍ය කරන රිට් ආඥාවක් නිකුත් කරන්නැයි නුවන් සොයිසා මහතා අභියාචනාධිකරණයෙන් ඉල්ලා සිටී.

නීතීඥවරුන් වන දුෂාන්ත කුලරත්න, ප්‍රියන්ත හේරත් මහත්වරුන් සමඟ නීතීඥ ක්‍රිෂ්මාල් වර්ණසුරිය මහතා පෙනී සිටියේය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...