. බෙයාර්ස්ටෝ පාකිස්තානුවන්ට තලයි | කෙළිමඬල
2019 මැයි මස 19 වැනි ඉරිදා
බෙයාර්ස්ටෝ පාකිස්තානුවන්ට තලයි
2019-05-15 18:24:08 | ...

ජොනී බෙයාස්ටෝගේ විශිෂ්ට ශතකය නිසා එංගලන්තය සහ පාකිස්තානය අතර බ්‍රිස්ටල්හිදී ඊයේ (15 වැනිදා) පැවැති තෙවැනි එක්දින ක්‍රිකට් තරගයෙන් කඩුලු 6 ක ජයක් අත්කර ගැනීමට එංගලන්ත කණ්ඩායම සමත් විය. ජයග්‍රහණය සඳහා ලකුණු 359 ක ඉලක්කයක් හඹාගිය එංගලන්ත ක්‍රීඩකයෝ ඕවර 44.5 ක් අවසානයේ කඩුලු 4 ක් පමණක් දැවී එම ඉලක්කය පසුකර ගියහ. 

මෙම ජයත් සමග තරග 5 කින් සමන්විත තරගාවලිය 2-0 ක් ලෙස පෙරමුණ ගැනීමටද එංගලන්තයට හැකිවිය. තරගාවලියේ පළමු තරගය වර්ෂාව නිසා විසඳුමකින් තොරව අවසන් විය. 

එංගලන්ත කණ්ඩායම වෙනුවෙන් සිය 7 වැනි එක්දින ශතකය ලබාගත් ආරම්භක පිතිකරු ජොනී බෙයාස්ටෝ පන්දු 93 කදී හයේ පහර 5 ක් සහ හතරේ පහර 13 ක් සමග ලකුණු 128 ක් රැස්කිරීමට සමත් විය. ජේසන් රෝයි (76) සමග එක්ව පළමු කඩුල්ල වෙනුවෙන් පන්දු 105 කදී ලකුණු 159 ක සම්බන්ධතාවක් ගොඩනැගීමටද බෙයාස්ටෝ සමත් විය. 

පන්දු 55 කදී වාර්තා වූ ජේසන් රෝයිගේ අර්ධ ශතකයට හයේ පහර 4 ක් සහ හතරේ පහර 8 ක් ඇතුළත් වූ අතර ජෝ රූට් පන්දු 36 කදී හයේ පහරක් සහ හතරේ පහර 4 ක් සමග ලකුණු 43 ක්ද, මුයින් අලී පන්දු 36 කදී හයේ පහර 3 ක් සහ හතරේ පහර 4 ක් සමග නොදැවී ලකුණු 46 ක්ද රැස්කරමින් එංගලන්ත කණ්ඩායම ජයග්‍රහණය කරා ගෙන ගියහ.  

පළමුවෙන් පන්දුවට පහරදුන් පාකිස්තාන කණ්ඩායමට සාර්ථක ආරම්භයක් ලබාදුන් ඉමාම් උල් හක් පන්දු 131 කදී ලකුණු 151 ක් රැස්කළේ හයේ පහරක් සහ හතරේ පහර 16 ක් සමගිනි. අසීෆ් අලී (52) සමග එක්ව පස්වැනි කඩුල්ල වෙනුවෙන් පන්දු 90 කදී ලකුණු 125 ක සම්බන්ධතාවක් ගොඩනැගීමටද ඉමාම් සමත් විය. පන්දු 43 කදී වාර්තා වූ අලීගේ අර්ධ ශතකය හයේ පහර 3 කින් සහ හතරේ පහර 2 කින් සමන්විත විය. 

හාරිස් සොහේල් පන්දු 41 කදී හතරේ පහර 7 ක් සමග ලකුණු 41 ක්ද, නායක සර්ෆරාස් අහමඞ් පන්දු 34 කදී හතරේ පහර 2 ක් සමග ලකුණු 27 ක්ද, ඉමාඞ් වසීම් පන්දු 12 කදී හතරේ පහර 4 ක් සමග ලකුණු 22 ක්ද රැස්කරමින් පාකිස්තාන ඉනිමේ ලකුණු සංඛ්‍යාව ඉහළ දැමූහ. 

දක්ෂ පන්දු යැවීමක නිරත වූ ක්‍රිස් වෝක්ස් ලකුණු 67 කට කඩුලු 4 ක් දවාගත් අතර ඔහුට අනගි සහායක් දුන් ටොම් කරන් කඩුලු 2 ක් දවාගත්තේ ප්‍රතිවාදීන්ට ලකුණු 74 ක් ලබාදෙමිනි.  

පාකිස්තානය - ඕවර 50 කදී කඩුලු 9 ක් දැවී 358 
(ඉමාම් උල් හක් 151, හරිස් සොහෙල් 41, සර්ෆ්‍රාස් අහ්මඞ් 27, අසීෆ් අලී 52, ඉමාඞ් වසීම් 22, ක්‍රිස් වෝක්ස් 67/4, ටොම් කරන් 74/2) 

එංගලන්තය - ඕවර 44.5 කදී කඩුලු 4 ක් දැවී 359 
(ජේසන් රෝයී 76, ජොනී බෙයාස්ටෝ 128, ජෝ රූට් 43, බෙන් ස්ටෝක්ස් 37, මුයින් අලී නොදැවී 46) 

-036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...