. මහේල සමුගැනීමේ ලිපිය බාරදෙයි | කෙළිමඬල
2018 අපේ‍්‍රල් මස 21 වැනි සෙනසුරාදා
මහේල සමුගැනීමේ ලිපිය බාරදෙයි
2014-04-10 16:21:25 | යොහාන් භාසුර

ශ‍්‍රී ලංකාවෙන් බිහිවූ විශිෂ්ටතම ක‍්‍රිකට් ක‍්‍රීඩකයකු මෙන්ම ශ්‍රී ලංකා පිලේ හිටපු නායක මහේල ජයවර්ධන විස්සයි20 අන්තර්ජාතික ක‍්‍රිකට් පිටියෙන් සමුගන්නා බව අද (10 වැනිදා) නිල වශයෙන් නිවේදනය කළේය. මහේලගේ සමුගැනීමේ ලිපිය අද (10) පෙරවරුවේ ශ්‍රී ලංකා ක‍්‍රිකට් ආයතනයට බාර දුන් අතර ක‍්‍රිකට් ආයතනයේ ප‍්‍රධාන විධායක නිලධාරී ඈෂ්ලි ද සිල්වා මහතා එම ලිපිය බාර ගත් බව ප‍්‍රකාශ කළේය.

මහේල එම ලිපිය පෙරේදා (09) ඊමේල් මාර්ගයෙන් ශ්‍රී ලංකා ක‍්‍රිකට් ආයතනයට යොමු කර තිබේ. එහෙත් එම ලිපිය මහේලගේ අස්සන සහිතව ඊයේ (10) පෙවරුවේ ශ්‍රී ලංකා ක‍්‍රිකට් ආයතනයේ මෙහෙයුම් අධ්‍යක්‍ෂ කාල්ටන් බර්නාඩස් මහතා මගින් ශ්‍රී ලංකා ක‍්‍රිකට් ආයතනයේ ප‍්‍රධාන විධායක නිලධාරී ඈෂ්ලි ද සිල්වා මහතාට ලැබී තිබේ.

තමන් විස්සයි:20 අන්තර්ජාතික තරග වලින් සමුගැනීමේ තීරණය ශ්‍රී ලංකා ක‍්‍රිකට් ආයතනයට දැනුම් නොදී මාධ්‍යයට පැවසුවේ යැයි කියන සිද්ධියක් හේතුවෙන් මේ වන විට ශ්‍රී ලංකා ක‍්‍රිකට් ආයතනය සහ මහේල ජයවර්ධන අතර ගැටුමක්ද නිර්මාණය වී තිබේ.

විස්සයි:20 ලෝක කුසලාන දිනාගත් ශ්‍රී ලංකා ක‍්‍රිකට් කණ්ඩායම පසුගිය 8 වැනිදා ශ්‍රී ලංකාවට පැමිණීමෙන් පසු කටුනායක ගුවන් තොටුපලේදී පැවැති මාධ්‍ය හමුවේදී මහේල ජයවර්ධන ශ්‍රී ලංකා ක‍්‍රිකට් ආයතනයේ නිලධාරීන්ට දොස් පැවරූ අතර තමන් විස්සයි:20 අන්තර්ජාතික තරග වලින් සමුගන්නා බව නිල වශයෙන් දැනුම්දීමට ලිපියක් රැගෙන පැමිණි බව ද මහේල පැවසීය.

මහේල මේ වන විට විස්සයි20 අන්තර්ජාතික තරග 55 කදී ශතකයක් සහ අර්ධ ශතක 9 ක් සමගින් ලකුණු 1,493 ක් රැුස්කර සිටින අතර එහි සාමාන්‍ය 31.76 කි. මහේල විස්සයි20 ලෝක කුසලාන අවසන් තරගයේදී ලකුණු 1,000 සම්පූර්ණ කරමින් විස්සයි20 ලෝක කුසලාන ඉතිහාසයේ ලකුණු 1,000 ක් සම්පූර්ණ කළ පළමු ක‍්‍රීඩකයා ලෙස බිදිය නොහැකි ලෝක වාර්තාවක් ද පිහිටුවීය.

කුමාර් සංගක්කාර ද ලෝක කුසලානයට පෙර අන්තර්ජාතික විස්සයි20 ක‍්‍රිකට් පිටියෙන් සමුගන්නා බව පැවසුව ද මේ දක්වා නිල වශයෙන් ශ්‍රී ලංකා ක‍්‍රිකට් ආයතනය දැනුවත් කර නොමැත.

ඔබේ ප්‍රතිචාර
ඉන්දික වරිය2014-04-10 18:48:48
මහේල ඔබ අති විශිෂ්ඨයි.....
අනිල්2014-04-10 19:29:38
මහේල ඔබ විස්සයි 20 තරග වලට කල සේවය අමරණියයි!!! සුබ පැතුම්.....
සුරංග2014-04-10 22:55:55
දැන් ඉන්න ක්‍රිකට් මණ්ඩලයට කොන්ද පණ නැහැ.!!! අර්ජුන රණතුංග කියන කතාව ඇත්ත !!!
හසාන්2014-04-10 23:04:28
ලෝක ක්‍රීකට් ඉතිහාසයේ ශ්‍රේෂ්ට ක්‍රීඩකයන්ගේ ශ්‍රේෂ්ඨ නික්මයාමක්....
ලලිත් කුමාර2014-04-11 04:32:32
හොඳ තීරණයක් සුබ පැතුම්
සාලිය2014-04-11 15:33:39
අපේ ක්‍රිකට් වෙනුවෙන් කළ සේවයට සුබ පැතුම්.....
සමීර2014-04-11 16:09:41
මහේල ඔයා අයින් වීම දුකක් ඒත් ඔයා කොන්ද කෙළින් තියෙන නායකයෙක් බව පෙන්නුවා . සංගා ඔයත් ලියුම දීලා පාලක මණ්ඩලයට පෙන්නන්න කොන්ද තියෙන නායකයෙක් බව...
ජීනා2014-04-11 16:37:13
අපේ මෝඩ දේශපාලුවන්ට කඩේ යන කොන්ද පණ නැති ක්‍රිකට් පාලක මණ්ඩලේට ඔබ හොඳ පාඩමක් ඉගැන්නුවා කොල්ලෝ..... ඔබට ජය වේවා !!!

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...