. කුක් නායකත්වයෙන් ඉවත් වන්නේ නැතිලූ | කෙළිමඬල
2017 නොවැම්බර් මස 25 වැනි සෙනසුරාදා
කුක් නායකත්වයෙන් ඉවත් වන්නේ නැතිලූ
2014-07-23 21:06:04 | .


ඉන්දියාව සමග ලෝඞ්ස් කි‍්‍රඩාංගණයේදී පැවැති දෙවැනි ටෙස්ට් කි‍්‍රකට් තරගය ලකුණු 95 කින් පරාජයට පත්වුවත් තමන්ට කණ්ඩායමේ නායකත්වයෙන් ඉවත් වීමට අදහසක් නොමැති බව එංගලන්ත ටෙස්ට් කි‍්‍රකට් කණ්ඩායමේ නායක ඇලිස්ටෙයාර් කුක් පවසයි.

එම තරගයේ ජයග‍්‍රහණය සඳහා ලකුණු 319 ක ඉලක්කයක් හඹාගිය එංගලන්ත කණ්ඩායමට සියලූ දෙනා දැවී රැස්කරගත හැකිවූයේ ලකුණු 233 ක් පමණි. එම පරාජයත් සමග ඉන්දියාව එරෙහිව තරග 5 කින් සමන්විත ටෙස්ට් තරගාවලිය 1-0 ක් ලෙස පෙරමුණ ගැනීමට ඉන්දීය කණ්ඩායම සමත්විය.

ඇලිස්ටෙයාර් කුක්ගේ නායකත්වය යටතේ එංගලන්ත කණ්ඩායම සහභාගී වූ අවසන් ටෙස්ට් තරග 9 න් 7 ක්ම පරාජයට පත්වී ඇති අතර අනෙක් තරග 2 ජය පරාජයෙන් තොරව අවසන් වී තිබේ.

එම පරාජයන් වලට අළු බඳුන තරගාවලියේදී ලද 5-0 ක පරාජය, ශ්‍රී ලංකාව සමග පැවැති තරගාවලියේදී ලද 1-0 ක් පරාජය සහ ඉන්දියාව සමග මේ දින වලදී පැවැත්වෙන තරගාවලියේදී ලබා සිටින 1-0 ක පසුබෑම ඇතුළත්වේ. එංගලන්ත පිලට ජය පරාජයෙන් තොරව අවසන් කරගැනීමට හැකිවී ඇත්තේ ශ්‍රී ලංකාව සමග පැවැති පළමු ටෙස්ට් තරගය සහ ඉන්දියාව සමග පැවැති පළමු ටෙස්ට් තරගය පමණි.

මේ සම්බන්ධයෙන් අදහස් දක්වමින් එංගලන්ත ටෙස්ට් කණ්ඩායමේ හිටපු නායකයන් වන මයිකල් වෝන් සහ ඇලෙක්ස් ස්ටුවර්ට්, එංගලන්ත කි‍්‍රකට් පාලක මණ්ඩලයෙන් ඉල්ලා ඇත්තේ කුක් නායක්වයෙන් ඉවත් කර නැවතත් ඔහුට ලකුණු අතරට පැමිණීම සඳහා ඉඩ හසර සකසා දෙන ලෙසයි.

කෙසේ නමුත් තමන් කී‍්‍රඩා කළ අවසන් ඉනිම් 27 දී එකදු ශතකයක් හෝ රැස්කිරීමට අසමත්ව සිටින වත්මන් එංගලන්ත නායකයා මේ සම්බන්ධයෙන් දරන අදහස වී ඇත්තේ තරගාවලියක් අතර මැද කණ්ඩායමේ නායකත්වයෙන් ඉල්ලා අස්වීම එතරම් යහපත් කි‍්‍රයාවක් නොවන බවයි.

 

එංගලන්ත නායකයන්ගේ පිතිහරඹයේ දස්කම්
ක්‍රීඩකයා  ක්‍රීඩා කළ තරග (නායකයකු ලෙස) නායකයකු ලෙස‍ සාමාන්‍ය ක්‍රීඩකයකු ලෙස සාමාන්‍ය
ඩේවිඩ් ගවර්  117 (32) 43.59 44.5
මයික් ගැටින්  79 (23)  44.05 32.21
ග්‍රැහැම් ගෝච් 118 (34) 58.72 35.93
ඇලෙක්ස් ස්ටුවර්ට්  133 (15)  39.22 39.59
මයිකල් ඇතර්ටන් 115 (54)  40.58 35.25
නසර් හුසේන්  96 (45) 36.04 38.1
මයිකල් වෝන්  82 (51) 36.02 50.95
ඇන්ඩෘ ෆ්ලින්ටොෆ් 79 (11) 33.23 31.53
ඇන්ඩෘ ස්ට්‍රාවුස්  100 (50)  40.76 41.04
ඇලෙස්ටෙයාර් කුක්  106 (25)  42.36 46.36
       
දත්ත සටහන - රොයිටර් ඇසුරිනි    


- 036


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ඉන්දියාවේ ජයග්‍රහණය අඳුරේ සැඟවෙයි...
2017-11-20 17:00:08
වර්ෂාව හේතුවෙන් තරගයේ පළමු දින දෙකේදීම ඕවර 147 ක් අපතේ ගිය නමුත් අවසන් මොහොත දක්වාම සිය අරමුණු කරා යාම අතහැර නොදැමූ ඉන්දියානු පිලට අත පොවන...
හේරත් හෙවණැල්ලෙන් ඩිල්රුවන් වසාගනී...
2017-11-19 21:56:03
දැවී ගිය බවට විනිසුරු තීරණය ප්‍රකාශ කිරීමෙන් පසුව ක්‍රීඩාගාරයට යමින් සිටි ඩිල්රුවන් පෙරේරා ආපසු හැරී විනිසුරු තීරණය විමසීම සම්බන්ධ...
අර්ධ ශතක පිළිබඳ මැතිව්ස් මතය...
2017-11-19 20:50:07
ගෙවී යමින් පවතින 2017 වර්ෂය අමතක කිරීමට හැකිනම් ශ්‍රී ලංකා පිලේ හිටපු නායක ඇන්ජලෝ මැතිව්ස් ඊට බෙහෙවින් කැමති වනු ඇත. පාදයේ ආබාධ හේතුවෙ...
දික්වැල්ල තරගයේ වාසිය වීසිකර දමයි...
2017-11-24 19:00:24
ඉන්දියාව සහ ශ්‍රී ලංකාව අතර නාග්පූර් නුවරදී අද (24 වැනිදා) ආරම්භ වූ දෙවැනි ටෙස්ට් තරගයේ පළමු දිනය නිමාවන විටදී පන්දුවට පහර දෙමින් සිටි...