. කෝටි හය හමාරක් අත පොවන මායිමේ | කෙළිමඬල
2019 මාර්තු මස 24 වැනි ඉරිදා
කෝටි හය හමාරක් අත පොවන මායිමේ
2015-01-01 16:42:57 | .

දෙසැම්බර් 26 වැනිදා (බොක්සිං දිනයේ) ආරම්භ වූ ටෙස්ට් තරග තුනම නිමා වීමෙන් පසුව අන්තර්ජාතික ක‍්‍රිකට් සභාවේ නවතම යාවත්කාලීන කිරීමට අනුව ටෙස්ට් ශ්‍රේණිගත කිරීමේ පෙරමුණේ සිටින දකුණු අප‍්‍රිකාවට ඩොලර් ලක්‍ෂ 5 ක් හෙවත් රුපියල් කෝටි හය හමාරකට කට අධික මුදල් ත්‍යාගයක් අත පොවන මානයේ සිටී. මෙම ත්‍යාගය දිනාගැනීමට නම් දකුණු අපි‍්‍රකාව සහ බටහිර ඉන්දීය කොදෙව් පිල අතර අද (2 වැනිදා) සෙන්චූරියන්හිදී ආරම්භ වන ටෙස්ට් තරගය ජය පරාජයකින් තොරව අවසන් කරගැනීමට දකුණු අපි‍්‍රකානු පිල සමත් විය යුතුය.

යම් හෙයකින් සෙන්චූරියන් ටෙස්ට් තරගයේ ජය කොදෙව් පිලටත්  ඕස්ටේ‍්‍රලියාව සහ ඉන්දියාව අතර හෙට (3 වැනිදා) සිඞ්නි නුවරදී ආරම්භක වන ටෙස්ට් තරගයේ ජය  ඕස්ටේ‍්‍රලියාවටත් හිමිවුවොත් ප‍්‍රසාද ලකුණු 0.2 කින්  ඕස්ටේ‍්‍රලියානු පිල ඉහළ යන හෙයින් කෝටි හය හමාරේ සල්ලි මල්ල මෙන්ම වසරේ ටෙස්ට් ශූරයන්ට හිමිවන සෙංකෝලයද  ඕස්ටේ‍්‍රලියානුවන් සතුවනු ඇත.

දෙවැනි ස්ථානය හිමිකරගන්නා ටෙස්ට් කණ්ඩායමට ඩොලර් 390,000 ක් හෙවත් රුපියල් කෝටි 5 කට අධික මුදලක් ත්‍යාග ලෙස හිමිවේ.

තෙවැනි ස්ථානයේ පසු වන එංගලන්තයට ඩොලර් 280,000 ක් හෙවත් රුපියල් ලක්‍ෂ 364 ක්ද සිවුවැනි ස්ථානයේ පසු වන පාකිස්තානයට ඩොලර් 170,000 ක් හෙවත් රුපියල් ලක්‍ෂ 221 ක් ද හිමිවේ.

මෙම සෙංකෝලය පිරිනැමීම සාමාන්‍යයෙන් සෑම වසරකම අපේ‍්‍රල් මස 1 වැනිදා පවතින ටෙස්ට් සහ එක්දින ශ්‍රේණිගත කිරීම් අනුව සිදුකෙරෙන නමුත් මෙවර ලෝක කුසලාන තරගාවලිය මාර්තු 29 වැනිදා දක්වා පැවැත්වෙන අතර ජනවාරි මුල් සතියේදී ආරම්භ කෙරෙන ටෙස්ට් තරග 3 න් පසුව අපේ‍්‍රල් 1 වැනිදා දක්වා ටෙස්ට් තරග නොපැවැත්වේ.

මේ වන විට නවසීලන්තයේ ටෙස්ට් තරගාවලියට සහභාගි වී සිටින ශ්‍රී ලංකා පිල ශ්‍රේණිගත කිරීමේ 5 වැනි ස්ථානයේ පසු වෙයි. ඩොලර් 170,000 ක් හෙවත් රුපියල් මිලියන 22 ක මුදලක් ශී‍්‍ර ලංකාවට අහිමි වීඇත්තේ ප‍්‍රසාද ලකුණු 2 ක් තරම් සුළු සංඛ්‍යාවකිනි.

 

ටෙස්ට් රටවල් ශ්‍රේණිගත කිරීම (දෙසැ. 30 වැනිදා වන විට)

ස්ථා.     රට  ප‍්‍රසාද ලකුණු
1 දකුණු අප‍්‍රිකාව 124
2 ඕස්ටේ‍්‍රලියාව 117
3 එංගලන්තය 104
4 පාකිස්තානය  103
5  ශ්‍රී ලංකාව   101
6 ඉන්දියාව  96
7  නවසීලන්තය 94
8  බ.ඉ.කො. 75
9 බංග්ලාදේශය   32
10  සිම්බාබ්වේ 18

 

- 048 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...