. තරගය පරයා ඉස්මතුවන සහෝදරත්වය | කෙළිමඬල
2018 ඔක්තෝබර් මස 15 වැනි සඳුදා
තරගය පරයා ඉස්මතුවන සහෝදරත්වය
2015-07-07 11:32:39 | සැකසුම : මොහාන් ප‍්‍රනාන්දු

විම්බල්ඩන් ටෙනිස් තරගාවලියේ අර්ධ අවසන් පූර්ව වටයට පිවිසීමේ තීරණාත්මක තරගට සහභාගී වූ විලියම්ස් සොයුරියන්ගෙන් වැඩිමල් සොයුරිය වන වීනස් පරදවා නැගණිය සෙරීනා ජයගත්තාය. එහෙත් ජයග‍්‍රහණයේ සැමරුමක් එතැන තිබුණේ නැත. ඔවුහු එකිනෙකා සිපවැළඳ ගත්හ. අනතුරුව නැගණිය සිය වැඩිමල් සොයුරියගේ කනට කොඳුරා මොනවදෝ කියනු පෙනිණි.


ලන්ඩනයේ විම්බල්ඩන් ටෙනිස් සංකීර්ණයේ මධ්‍යම පිටියේදී පැවැති වසරේ වඩාත්ම සංවේදී ටෙනිස් තරගයෙන් ලොව නොම්මර එකේ කී‍්‍රඩිකා සෙරීනා සිය වැඩිමල් සොයුරිය වන වීනස් ලකුණු 6-4 ක් සහ 6-3 ක් ලෙස තරග වට 2-0 කින් පරාජය කිරීමෙන් පසුව දක්නට ලැබුණේ එවැනි සිදුවීමකි. එය සෙරීනා ජයග‍්‍රහණය සමරන සුපුරුදු ලීලාවෙන් එහෙම පිටින්ම වෙනස් ආකාරයේ එකකි.


එය විම්බල්ඩන් ශූරතාවලියේ අතිශය වැදගත් තරගයක් වූවත් මේ දෙසොයුරියන්ට නම් එය පවුලේ තරගයක් බඳු විය. එකිනෙකාට ඇති අසීමිත ගෞරවය විදහා දක්වමින් තරගයෙන් පසුව දෙදෙනා පිටියෙන් නික්ම යද්දී රැුස්ව සිටි දහස් සංඛ්‍යාත කී‍්‍රඩාලෝලීන් දෙදෙනාටම පී‍්‍රතිඝෝෂා කළහ.


සෙරීනා විම්බල්ඩන් තරගයක දී සිය සොයුරිය පරාජය කළේ වසර 6කට පසුවය. ඒ සඳහා ඇය වැඩි කාලයක් මිඩංගු නොකළ අතර තරගය පැයකුත් මිනිත්තු 8 කින් තරගය නිමාවට පත්විය. විලියම්ස් සොයුරියන් අතර මෙතෙක් ටෙනිස් පිටියේ පැවැති තරග 26 කින් දැන් සෙරීනා 15ක් ජයගෙන සිටින්නීය.


”තමන් වඩාත් ආදරය කරන කෙනෙක්ව මෙහෙම පරාජය කිරීම කොහෙත්ම පහසු දෙයක් නෙවේ” තරගයෙන් පසුව සෙරීනා කීවාය.


වසර 2008 දී සිය අවසන් විම්බල්ඩන් ශූරතාව දිනාගැනීමෙන් පසුව වීනස් වරින් වර විවිධ ආබාධවලට හා දිගුකාලීන අසනීපවලට ගොදුරු වූවාය. එහෙත් විම්බල්ඩන් ශූරතා 5ක් දිනා සිටින මේ පරිණත කී‍්‍රඩිකාව හා ලොව නොම්මර එකේ කී‍්‍රඩිකාව අතර පැවැති සිවුවැනි වටයේ තරගය එවැනි බරපතල තරගයකට වේලාසන වැඩිය. එය වෙන්න තිබුණේ අවසන් පූර්ව හෝ අවසන් මහා තරගයකය.


”මට මෙහෙම හිතුණා. මට දැන් 33 යි. එයාට 35 යි. තව අවස්ථා කීයක අපි දෙන්නට මේ විදිහට තරග කරන්න වේවිද කියලයි” සෙරීනා එසේ කීවේ අකැමැත්තෙන් යුතුවය.


”අපි වසර ගණනාවක් තිස්සේ මේ විදිහට කී‍්‍රඩා කරලා තියෙනවා. හැමදාම අපිට සෙල්ලම් කරන්න ලැබෙන්නෙ නෑ. නමුත් පැහැදිලිවම අපි හොඳ තරගයක් නැරැුඹීමට කී‍්‍රඩාලෝලින්ට අවස්ථාව උදාකළා. තරගය නිමාවුණා. දැන් ඒක ඉවරයි.” වීනස් විලියම්ස් පැවැසුවාය. 

 
”මම හිතන්නේ මං පන්දුව පිරිනැමීම ඉතා හොඳින් කළා කියලයි. ලොකු පහරවල් ගහන්න ගියේ නැතිවුණාට සෑහෙන්න විශ්වාසනීය පහරවල්වලට ගියා. ඇය ඉතා හොඳින් කී‍්‍රඩා කළත් අන්තිමේදි මමයි දිනුවේ” සෙරීනා කීවාය.


ලෝක කාන්තා ටෙනිස් පිටියේ බිහිවූ විශිෂ්ටතම කී‍්‍රඩිකාව සෙරීනා විලියම්ස් බව බොහෝ විචාරකයන්ගේ අදහසයි. එහෙත් වීනස් කීවේ සිය නැගණිය ඇයව එසේ හඳුන්වනවාට කොහෙත්ම කැමැති නැති බවය.


”එයා කැමැති නෑ ශ්‍රේෂ්ඨතම කී‍්‍රඩිකාව ඇය කියලා කියනවට. මොකද එයා හැමෝටම හොඳින් ගරු කරන කෙනෙක්. එයා කී‍්‍රඩා කරන මට්ටම කොයිවගේ වුණත් මට විශ්වාසයෙන් යුතුව කියන්න පුලූවනි එයා තරම් තවත් කෙනකුට ගරු කරන කී‍්‍රඩිකාවන් ලෝකේ හරි අඩු බව” වීනස් එසේ කීවාය.


සොයුරිය පරදවමින්  මෙවර විම්බල්ඩන් ටෙනිස් ශූරතාවලියේ අවසන් කී‍්‍රඩිකාවන් අටදෙනා අතරට එක්වූ සෙරීනා අවසන් පූර්ව තරගයේ තැනක් සොයා අද (7) ශී‍්‍ර ලංකා වේලාවන් පස්වරු 7.30ට බෙලරුසියානු කී‍්‍රඩිකා වික්ටෝරියා ඇසරෙන්කා සමග තරග බිමට එක්වන්නීය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...