. ශී‍්‍ර ලංකා රන් පදක්කම් ගලගා බැලීම | කෙළිමඬල
2017 සැප්තැම්බර් මස 25 වැනි සඳුදා
ශී‍්‍ර ලංකා රන් පදක්කම් ගලගා බැලීම
2016-03-01 14:51:54 | විශේෂ වාර්තාකරුවකු විසිනි


මෙවර දකුණු ආසියාතික ක‍්‍රීඩා උළෙලේදී, ක‍්‍රීඩා පිටිය තුළ දී සිය ප‍්‍රධානම එදිරිවාදියා බවට ඉන්දියාව විසින් ශ‍්‍රී ලංකාව තෝරා ගනු ලැබ තිබිණ. මේ එදිරිවාදීකම, තරග බිමෙන් ඔබ්බට රැගෙන යමින් පීඩනයක් ඇතිවන අන්දමෙන් ක‍්‍රියාවට නැංවීමට ගත් උත්සාහයන්ද නොතිබුණා නොවේ.

ඇතැම් තරඟවලදී තීරණය සහමුලින්ම විනිසුරුවරයා හෝ විනිසුරුවරිය අත රැඳිණ.

බොක්සිං, කබඩි සහ බර ඉසිලීමේ තරග වලදී ශී‍්‍ර ලංකාවෙන් එහි ගිය මාධ්‍යවේදීයෝ ඒ බව කදිමට දුටහ. එහෙත් විද්යුත් කාලඝණක යන්ත‍්‍රයේ තීරණයට හිස නැමිය යුතු බැවින්  පිහිනුම් සහ මලල ක‍්‍රීඩාවලදී එවැන්නක් කළ නොහැකි විය. එනිසා ඔව්හු වෙනත් උපක‍්‍රම භාවිතයට ගත්හ.

ඇතැම් අවස්ථාවලදී පිහිනුම් ක‍්‍රීඩකයන්ට නියමිත පරිදි තරග කාල සටහන් නොලැබිණ. මලල ක‍්‍රීඩාවේදී මේ තත්ත්වය වෙනත් ආකාරයකින් ක‍්‍රියාවට නැංවිණ. ගුවහටි දේශගුණය නිසා බොහෝ ක‍්‍රීඩක ක‍්‍රීඩිකාවන් සෙම ආශ‍්‍රිත ආසාදනයන්ට ගොදුරුව සිටි හෙයින් ඔවුන්ට වෛද්‍ය ප‍්‍රතිකාර පවා ගැනීමට සිදු විය.

දකුණු ආසියාවේ වේග රැජින බවට පත් වූ රොමේශිකා රත්නායක මීටර් 200 අවසන් තරඟයට මුහුණ දුන්නේ උණ රෝගය නිසා දැඩිව පීඩාවට පත්ව සිටියදීය.

එසේම චන්ද්‍රිකා සුභාෂිණි රස්නායක මීටර් 400 සහය තරඟයට සහභාගි වූයේද රෝහලේ සිට පැමිණය. මේ අතරවාරයේදීම ශී‍්‍ර ලංකා කී‍්‍රඩක කී‍්‍රඩිකාවන්ගේ මානසික තත්ත්වය වඩාත් පීඩනයට ලක්කිරීම සඳහා ඉන්දියාව තහනම් උත්තේජන පරික්ෂාවද පීඩාකාරි ලෙස යොදා ගත් ආකාරය දක්නට ලැබිණ.

තහනම් උත්තේජන පරික්ෂණ සම්බන්ධයෙන් ශ‍්‍රී ලංකාවේ මලල ක‍්‍රීඩක ක‍්‍රීඩිකාවන්ට යම් යම්  චෝදනා එල්ල වී තිබුණද ඉන්දියාව සම්බන්ධයෙන් තත්ත්වය ඊට වඩා දරුණුය. මෑත ඉතිහාසයේ ඔවුන්ගේ ක‍්‍රීඩක ක‍්‍රීඩිකාවන් පොකුරු පිටින් තහනම් උත්තේජන චෝදනාවන්ට වරදකරුවන් වූ අයුරු අපට අමතක නැත.

එවැනි තත්ත්වයක් තිබියදීත්, ඉන්දියාව දෙසට නොහැරුණු තහනම් උත්තේජන පරික්ෂාවන් සඳහා ශ‍්‍රී ලංකා ක‍්‍රීඩක ක‍්‍රීඩිකාවන් පොකුරු පිටින් කැඳවීම කැපි පෙනුණ කාරණාවක් විය. කාලය කා දමමින්, තහනම් උත්තේජන අංශයේ අසුන්වල ඉඩ ඇහිරෙන තරමට ශී‍්‍ර ලංකා කී‍්‍රඩක කී‍්‍රඩිකාවන් ගාල් කර දැමීමට සාග් මත්ද්‍රව්‍ය නිවාරණ අංශයේ නිලධාරීහු පියවර ගත්හ.

තරඟ සඳහා සහභාගි වූ සියල්ලන්ම තරගවලින් පසුව විශාල කාලයක් තහනම් උත්තේජන පරික්ෂණ අංශයේ රඳවා තබා ගැනීම ක‍්‍රීඩක ක‍්‍රීඩිකාවන්ට මානසික පීඩනයකි. ඔවුන් එසේ රඳවා ගත්තේ ඊ ළඟට තරඟ වදින්නට සිටින ක‍්‍රීඩක ක‍්‍රීඩිකාවන්ට නොපෙනෙන සේය.

මේ තත්ත්වයෙන් ඉන්දියාව අපූරුවට ප‍්‍රයෝජනයට ගත් අතර ශ‍්‍රී ලංකා වෛද්‍ය කණ්ඩායම් ඔවුන් සමඟ රැදි සිටිමින් තත්ත්වය සමනය කිරීමට යම් වෙහෙසක් ගත්තද එය සම්පූර්ණයෙන් සාර්ථක වූ බවක් සිතිය නොහැකිය.

මේ සමඟ වන ඡායාරූපය සොයාගන්නට දැඩි අපහසුතා මධ්‍යයේ බලවත් වෙහෙසීමක නිරත වන්නට සිදු විය. මෙම ඡායාරූපය සොයා යාමේ ඒකායන අරමුණ වූයේ රන් පදක්කමක දිස්නයෙන් වශීකාතව සිටින බාහිර සමාජය එම දීප්තියෙන් මුදා, ක‍්‍රීඩක ක‍්‍රීඩිකාවන් තරඟ වැදුණු සැබෑ පරිසරය පිළිබඳ දැනුම්වත් කළ යුතු වීමත් ඒ පරිසරය සමග ඔවුන්ගේ දක්ෂතා සසඳා බැලීමට අවස්ථාවක් උදා කර දීමත් සඳහාය.

මෙම ඡායාරූපයෙන් දැක්වෙන්නේ මලල ක‍්‍රීඩා තරග පැවැති ඉන්දිරා ගාන්ධි ක‍්‍රීඩා සංකීර්ණය තුළ පිහිටි තහනම් උත්තේජන පරීක්ෂණ මධ්‍යස්ථානයි.

මලල කී‍්‍රඩාවෙන් රන් පදක්කම් දිනාගත්තේ ශී‍්‍ර ලංකාවේ කී‍්‍රඩක කී‍්‍රඩිකාවන් පමණක් නොවේ. මලල කී‍්‍රඩාවෙන් ශී‍්‍ර ලංකාව රන් පදක්කම් 9 ක් දිනාගනිද්දී ඉන්දියාව මලල කී‍්‍රඩාවෙන් රන් පදක්කම් 27 ක් දිනාගත්තේය.

එසේ වුවත් තහනම් උත්තේජන පරීක්ෂණ සඳහා ශ‍්‍රී ලංකා ක‍්‍රීඩක ක‍්‍රීඩිකාවන්ගෙන් පෙළ ගස්වා තිබූ ආකාරයත් එකම ඉන්දීය හෝ වෙනත් රටක ක‍්‍රීඩකයකු හෝ ක‍්‍රීඩිකාවක් එහි නොසිටි බවටත් මෙම ඡුායාරූපය සාක්ෂි දරයි.

 

ගයාන්2016-03-01 10:56:41
හොඳයි !!!
සම්පත් වේරගොඩ2016-03-02 07:39:12
සෑම දෙයකින්ම බලපෑම් ලංකාවට ඒම නිසා අනික් රටවලට ගැති නොවී කෙළින් සිටගත යුතුය. ක්‍රීඩකයන්ට සුබපතමි!!! ජයපතමි !!!

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
කෝලි තවත් වාර්තාවක් අභියස...
2017-09-23 20:27:41
සංචාරක ඕස්ට්‍රේලියානු කණ්ඩායමට එරෙහිව හෙට (24 වැනිදා) පැවැත්වීමට නියමිත තරගයේදී තවත් වාර්තාවක් සම කිරීමට ඉන්දීය කණ්ඩායම් නායක විරාට් ක...
සංගක්කාරගේ සරේ සංදර්ශනය සමාප්තයි...
2017-09-23 18:44:15
සිය වසර 20 ක පළමු පෙළ ක්‍රිකට් දිවියේ අවසන් තරගයේදීත් ශතයක් ලබාගත් 39 හැවිරිදි කුමාර් සංගක්කාර, පළමු පෙළ ක්‍රිකට් පිටියට සමුදුන්නේ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...