. ඉසුරු ජයසූරියගෙන් කඩුලූ 7 ක් | කෙළිමඬල
2017 නොවැම්බර් මස 18 වැනි සෙනසුරාදා
ඉසුරු ජයසූරියගෙන් කඩුලූ 7 ක්
2016-04-01 20:11:40 | රොෂාන් ගුණරත්න

කෝට්ටේ ආනන්ද ශාස්ත‍්‍රාලය සහ නුගේගොඩ ශාන්ත ජෝන් විද්‍යාලය අතර මොරටුව ද සොයිසා ක‍්‍රීඩාංගණයේදී අද (01 වැනිදා) ආරම්භවූ 20 වැනි ‘ශි‍්‍ර ජයවර්ධනපුර සටන’ වාර්ෂික මහ ක‍්‍රිකට් තරගයේ පළමු දිනය අවසන් වන විට ආනන්ද ශාස්ත‍්‍රාලය පළමු ඉනිමට කඩුලූ 3 ක් දැවී ලකුණු 28 ක් ලබා සිටියේය.

තනූෂ සඳරුවන් ලකුණු 02 කට කඩුලූ දෙකක් දවා ගනිමින් ශාන්ත ජෝන් විද්‍යාලය වෙනුවෙන් පන්දුවෙන් දස්කම් දැක්වූයේය.

කාසියේ වාසිය දිනු ආනන්ද ශාස්ත‍්‍රාලය මුලින්ම පන්දුවට දීමට ශාන්ත ජෝන් විද්‍යාලයට ආරාධනා කළ අතර පිට දඟ පන්දු යවන ඉසුරු ජයසූරියගේ විශිෂ්ට පන්දු යැවීම හමුවේ පළමු ඉනිම සදහා ඔවුන්ට ලබාගත හැකිවූයේ ලකුණු 197 ක් පමණි. ඉසුරු ජයසූරිය ලකුණු 39 කට කඩුලූ 7 ක් දවාගැනීමට සමත්වූ අතර ඔහුට මනා සහයක් දැක්වූ අයේෂ් හර්ෂණ ලකුණු  37 කට කඩුලූ 2 ක් දවා ගත්තේය.

ශාන්ත ජෝන් විද්‍යාලය වෙනුවෙන් පන්දු 77 කදී හතරේ පහර හයක් සහ හයේ පහර දෙකක් සමගින් ලකුණු 50 රැස් කරමින් පිත්තෙන් දස්කම් දැක්වීමට හසන්ක තීක්ෂණ සමත් විය. මිතිල පූර්ණජිත් (47) අර්ධ ශතකය පෙනි පෙනී දැවී ගියේය.
හෙට (2 වැනිදා) තරගයේ දෙවැනි සහ අවසන් දිනයයි.


ශාන්ත ජෝන් විද්‍යාලය - පළමු ඉනිම  ඕවර 74.2 කදී සියලූ දෙනා දැවී 197
(මිතිල පූර්ණජිත් 47, හසන්ක තීක්ෂණ 50, අෂේන් මිලින්ද 22, ඉසුරු ජයසූරිය 39/7, අයේෂ් හර්ෂණ 37/3)

ආනන්ද ශාස්ත‍්‍රාලය - පළමු ඉනිම  ඕවර 13 කදී කඩුලූ 3 ක් දැවී 28
(තනූෂ සඳරුවන් 2/2)

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අසේල ඉදිරියේ තවත් කඩුල්ලක්...
2017-11-13 21:06:52
ශ්‍රී ලංකා මැද පෙළ පිතිකරු මෙන්ම තුන් ඉරියව් ක්‍රීඩක අසේල ගුණරත්න මේ වන විට සුවය ලබා ඇතත් ඔහු ශ්‍රී ලංකා කණ්ඩායමට එක්වීමට පෙර ...
ලක්මාල් ඉන්දියාව අමාරුවේ දමයි...
2017-11-16 12:42:20
සුරංග ලක්මාල්ගේ අති විශිෂ්ට පන්දු යැවීම හේතුවෙන් කොල්කටාහි ඊඞ්න් ගාර්ඞ්න් ක්‍රීඩාංගණයේදී අද (16 වැනිදා) ආරම්භ වූ පළමු ටෙස්ට් තරගයේදී ඉ...
පෙරහුරු තරගය ජය පරාජයෙන් තොරයි...
2017-11-12 18:19:44
ඉන්දීය ක්‍රිකට් සභාපතිවරයාගේ පිල සහ ශ්‍රී ලංකා පිල අතර කොල්කටාවේ ජදාව්පූර් විශ්ව විද්‍යාලයීය ක්‍රීඩාංගණයේදී පැවැති දෙදින ප...
ලෝක කුසලාන තරගාවලියෙන් ඉතාලිය ඉවතට...
2017-11-14 20:22:48
වසර 60 කට පසුව පාපන්දු ලෝක කුසලාන තරගාවලියෙන් ඉතාලිය ඉවතට විසිවී තිබේ. ස්වීඩන් පිලට එරෙහිව ඉතාලියේ මිලාන් නුවරදී පැවැති ලෝක කුසලාන සුදුසුක...