. රුහුණු රන් හටන 29 - 30 සූරියවැවදී | කෙළිමඬල
2017 මැයි මස 29 වැනි සඳුදා
රුහුණු රන් හටන 29 - 30 සූරියවැවදී
2016-04-27 16:44:15 | දික්වැල්ල එස්. ගලප්පත්ති

“රුහුණු රන් හටන” යන විරුදාවලියෙන් හැඳින්වෙන දික්වැල්ල විජිත මධ්‍ය විද්‍යාලයත්, වීරකැටිය රාජපක්ෂ මධ්‍ය විද්‍යාලයත් අතර පැවැත්වෙන ක්‍රිකට් තරඟය මෙවරත් අප්‍රේල් මස 29 හා 30 යන දෙදිනයන්හි සූරියවැව මහින්ද රාජපක්ෂ ජාත්‍යන්තර ක්‍රීඩාංගනයේ දී පැවැත්වීමට නියමිතය. එම තරඟය මෙවර පැවැත්වෙනුයේ හත්වන වතාවටයි.


සිව්වන වසරේ ක්‍රීඩකයෙකු වන කේ. ජී. නවෝද් දිලාන් (නායක) මෙවර විජිත කණ්ඩායම මෙහෙය වන අතර තුන් ඉරියව් ක්‍රීඩකයෙකු වන ඔහු ආරම්භක පන්දු යවන්නෙකුද වෙයි. උප නායකත්වය දරන්නේ එච්.ටී. සසිදු අනුරංග විසිනි. ඔහු ද තුන් ඉරියව් ක්‍රීඩකයෙකු වන අතර විජිත පිළේ පුහුණු කරු ලෙස ක්‍රියාකරනුයේ රසික ලක්ෂාන් මහතාය. ක්‍රිකට් භාර ආචාර්යවරුන් වශයෙන් බී.වික්‍රමරත්න හා එස්.වයි.ටී. ලක්රුවන් යන මහත්වරු කටයුතු කරයි.


විජිත ම.ම.වි. රාජපක්ෂ වාර්ෂික තරග 2010 වසරේ ආරම්භ වූ අතර මෙතෙක් පැවති තරඟ අතරින් ප්‍රථම ජයග්‍රහණය 2015 වසරේ විජිත කණ්ඩායම විසින් අත්කර ගනු ලැබීය. විජිත ම.ම.වි. මෙවර පළමු වරට අන්තර් පාසල් වයස අවුරුදු 19 න් පහළ ක්‍රිකට් තරඟාවලියට සහභාගී වෙමින් පළමු වටයේ සියලුම තරඟ ජයග්‍රහණය කරන ලදී.


වීරකැටිය රාජපක්ෂ මධ්‍ය විද්‍යාලීය ක්‍රිකට් කණ්ඩායම මෙහෙය වන වී.ජී. චාමික ෂෙහාන් තුන්වන වසරේ, දකුණතින් පිත්ත මෙහෙය වන ක්‍රීඩකයෙකි. උප නායක සන්දීප නයනසර දක්ෂ තුන් ඉරියව් ක්‍රීඩකයෙකි. මෙම ක්‍රිකට් සංචිතය භාර ආචාර්යවරයා වන්නේ සජින් ප්‍රියංකර මහතාය.


සී. ඩබ්ලිව්. ඩබ්ලිව්. කන්නංගර යුගයේ දකුණු පළාතේ ආරම්භ කළ ප්‍රථම මධ්‍ය විද්‍යාල 02 ක් වන මෙම විදුහල් මේ වන විට මාතර හා හම්බන්තොට දෙදිසාවේ ක්‍රීඩා ක්ෂේත්‍රයේ නමක් දිනාගත් විදුහල් 02 කි.

 

 


දික්වැල්ල විජිත මධ්‍ය මහා විද්‍යාලයීය ක්‍රිකට් සංචිතය
කේ.ජි. නවෝද් දිලාන් (නායක), එච්.ටී. සසිදු අනුරංග, (උප නායක), එම්. දහම් වෙනුසර ද සිල්වා, ඒ.ඊ. සුජිත මිහිසුරු, එච්.ඩී. උෂාන් අවිදු, එම්.බී. ජනිදු සුසඳ බණ්ඩාර, එල්.එම්.හිරුණ මුතුකුමාරණ, අමල් ප්‍රසාද්, රමේෂ් මධුශාන් වැලිගමගේ, ඩබ්ලිව්.පී. අමල් දුශාන්, එම්.එච්. ෂෙහාර කවිදු ගීතාංජන, කේ.එම්. මලිදු මල්ෂාන්, එස්.එච්. හසිදු අංජන, පී.පී. ලහිරු කෝසල, ඩී. රන්දික මධුෂාන්

 

 


වීරකැටිය මධ්‍ය මහා විද්‍යාලයීය ක්‍රිකට් සංචිතය
වී.ජී. චාමික සෙහාන් (නායක), සංදීප නයනසර (උප නායක), එච්.ඩබ්ලිව්.ඒ. පසන් සත්සර, එච්.ජී.එම්. සුරාජ් දිලංකර, ඩබ්ලිව්. හසිත රන්දික, ටී.ඒ. ඉසුරු ලෝචන, වයි. සඳළු විනුසික, ජනිත මලිත් ප්‍රමිදු, ඩබ්ලිව්.ඒ. පමුදු ශෂී  කුමාරසිංහ, එච්.එච්. දිලිප ෂෙහාන්, ඩබ්ලිව්.ජී. සංදීප අකලංක, එම්. කමල් කළණ, කේ.බී.තරිදු උෂාන් හර්ෂණ, ඒ.ජී. තිලාන් චතුමිණ

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :

ජපානයට ගියොත් ආනන්ද බේරගන්න පුළුවන් ...
2017-05-25 21:52:30
නුවරඑළිය මාර්ග මෝටර් රථ තරගාවලියේදී දරුණු අනතුරකට ලක්ව මේ වන විට මහනුවර මහ රෝහලේ දැඩි සත්කාර (ශල්‍ය) ඒකකයේ ප්‍රතිකාර ලබන ප්‍රව...
ඕස්ට්‍රේලියාවට කඩුලු 2 ක ජයක්...
2017-05-26 15:32:44
ශ්‍රී ලංකාව සහ ඕස්ට්‍රේලියාව අතර කෙනිංටන් ඕවල් ක්‍රීඩාංගණයේදී අද (26 වැනිදා) පැවැති පළමු පුහුණු තරගයෙන් කඩුලු 2 ක ජයක් අත්කර ග...
ශ්‍රී ලංකාවට කඩුලු 9 ක පහසු ජයක්...
2017-05-23 22:43:08
ස්කොට්ලන්තයට එරෙහිව එංගලන්තයේ බෙකන්හැම්හිදී අද (23 වැනිදා) පැවැති දෙවැනි නිල නොවන එක්දින ක්‍රිකට් තරගයෙන් කඩුලු 9 ක පහසු ජයක් අතර ගැනී...
සංගා සරේ වාර්තා පොතට...
2017-05-26 23:39:03
එංගලන්ත ප්‍රාන්ත ක්‍රිකට් තරගාවලියේදී සරේ ප්‍රාන්ත පිල වෙනුවෙන් ක්‍රීඩා කරන කුමාර් සංගක්කාර එසෙක්ස් ප්‍රාන්ත කණ්ඩායමට ...