. ශී‍්‍ර ලංකාව සුපිරි 8 දෙනා අතරට | කෙළිමඬල
2018 අපේ‍්‍රල් මස 25 වැනි බදාදා
ශී‍්‍ර ලංකාව සුපිරි 8 දෙනා අතරට
2016-07-12 16:43:31 | සජීක ජයසිංහ

චීන තායිපේහි දැන් පැවැත්වෙන 18 වැනි ආසියානු කනිෂ්ඨ පිරිමි වොලිබෝල් තරගාවලියේ සුපිරි අට දෙනාගේ වටයට සුදුසුකම් ලබාගැනීමට ශ‍්‍රී ලංකා කණ්ඩායම සමත්විය. මෙම තරගාවලියේදී ශ‍්‍රී ලංකා කණ්ඩායමක් සුපිරි අට දෙනාගේ වටයට සුදුසුකම් ලබාගත් පළමු අවස්ථාව ද මෙයවේ.

බහරේන් කණ්ඩායම තරග වට 3-0 කින් පරදවා දෙවැනි ජයත් ලබා ගත් ශ‍්‍රී ලංකා ක‍්‍රීඩකයෝ සුපිරි අට දෙනාගේ වටයට සුදුසුකම් ලබා ගත්හ. ශ‍්‍රී ලංකා පිල ඊයේ (11) පැවැති මුලික වටයේ අවසන් තරගයෙන් කොරියාව හමුවේ පරාජය විය.

පළමු තරගයේදී ශ‍්‍රී ලංකාව විසින් ප‍්‍රබල ඕස්ටේ‍්‍රලියානු කණ්ඩායම තරග වට 3-1 කින් පරදවා විශිෂ්ට ජයක් අත්කරගන්නා ලදී.

ශ‍්‍රී ලංකා වොලිබෝල් සම්මේලනයේ ලේකම් ඒ. එස්. නාලක මහතා පැවසුවේ පළමු කණ්ඩායම් අට අතරට පැමිණීම ශ‍්‍රී ලංකාව ලැබු විශාල ජයග‍්‍රහණයක් බවයි.

2010 වසරේ පැවැති මෙම තරගාවලියේ 10 වැනි ස්ථානය ලැබු ශ‍්‍රී ලංකාවට 2014 වසරේ පැවැති තරගාවලියේදී හිමි වුයේ 11 වැනි ස්ථානයයි.

බහරේන් කණ්ඩායම සමග පැවැති තරගයෙන් 25/18, 25/19 ක් සහ 25/20 ක් ලෙස ශ‍්‍රී ලංකා කණ්ඩායම පහසු ජයක් ලැබීය.

ආසියානු වොලිබෝල් සංගමයේ මෙහෙයවීමෙන් ආසියානු කලාපයේ රටවල් 16 ක් කාණ්ඩ හතරකට බෙදී තරග කරන මෙම තරගාවලියේ ශ‍්‍රී ලංකාව මුලික වටයේදී ‘ඞී’ කාණ්ඩයෙන් තරග වැදුණි.

‘ඞී’ කාණ්ඩයට ශ‍්‍රී ලංකාව, ඕස්ටේ‍්‍රලියාව, කොරියාව සහ බහරේන් යන කණ්ඩායම් ඇතුළත්විය.

ඉරානය, චීනය, ජපානය, කොරියාව, ශ‍්‍රී ලංකාව, චීන තායිපේ, කටාර් සහ කසක්ස්තානය සුපිරි අට දෙනාගේ වටයට ඇතුළත්ව සිටිති.

තරගාවලිය මේ මස 17 වැනිදා දක්වා පැවැත්වීමට නියමිතය.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
කොල්කටා පිලට කඩුලු 7 ක ජයක්...
2018-04-18 20:08:08
අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...