. 16 න් පහළ බාලිකා ශූරතාව ආණමඩුවට | කෙළිමඬල
2017 ඔක්තෝබර් මස 19 වැනි බ‍්‍රහස්පතින්දා
16 න් පහළ බාලිකා ශූරතාව ආණමඩුවට
2016-07-16 17:54:40 | සජීක ජයසිංහ

ඩී. එස්. අයි. සුපර් ස්පෝට්ස් වොලිබෝල් තරගමාලාවේ ඉතා තියුණු තරගයකින් පසුව 16 න් පහළ වයස් කාණ්ඩයේ බාලිකා ශූරතාව දිනා ගැනීමට ආණමඩුව මහඋස්වැව රතනපාල මැදි විදුහල් ක්‍රීඩිකාවෝ සමත්වුහ.

මහරගම තරුණ සේවා ගෘහස්ත පිටියේදී අද (16) පෙරවරුවේ පැවැති මෙම තරගයේදී රතනපාල මැදි විදුහල් ක්‍රීඩිකාවෝ ලකුණු 28/26, 19/25, 25/10, 23/25 ක් සහ 15/3 ක් ලෙස ගලිගමුව මැදි විදුහල පරදවා ජය ලැබුහ.

වසර තුනකට පසුව ක්‍රියාත්මක වන ඩී.එස්.අයි. වොලිබෝල් තරගාවලියේ වාර්තා වු තියුණු මුහුණුවරක් ගත් දෙවැනි තරගය මෙය වේ.

ඊයේ පැවැති වයස 14 න් පහළ බාලක අවසන් තරගයේදී රුවන්වැල්ල රාජසිංහ විදුහල තරගය ජය ගත්තේ මාරවිල ශාන්ත සේවියර් විදුහල් කණ්ඩායමට එරෙහිව වට 3-2 ක තියුණු තරගයකින් පසුවය.

වයස 16 න් පහළ බාලිකා අවසන් තරගයේ දක්‍ෂතම ක්‍රීඩිකාව ලෙස මහඋස්වැව රතනපාල විදුහලේ ප්‍රීතිකා ප්‍රමෝද්‍යා ද, දක්‍ෂතම පන්දු ඔසවන්නිය ලෙස එම විදුහලේම ක්‍රීඩිකා සුදීපා නිල්මිණී ද සම්මාන ලැබුහ.

ගලිගමුව මැදි විදුහලේ දිලුක්‍ෂි හර්ෂණී දක්‍ෂතම පන්දු ප්‍රහාරිකාව ලෙස සම්මාන ලැබුවාය.

ගලිගමුව මැදි විදුහල, අවසන් වරට 2013 දී පැවැති තරගාවලියේ 16 න් පහළ බාලිකා අවසන් තරගයට සුදුසුකම් ලබා එහිදී රුවන්වැල්ල රාජසිංහ මැදි විදුහල හමුවේ පරාජය ලබා තිබේ.  රුවන්වැල්ල රාජසිංහ මැදි විදුහල මෙවර තරගාවලියේ මුලික වටයේදී පරාජයට පත්විය.

බාලිකා ශූරතාව (වයස 16න් පහළ)දිනා ගත් ආණමඩුව මහඋස්වැව
රතනපාල මැදි විදුහල් කණ්ඩායම

 

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට අලුත් බලාපොරොත්තුවක්...
2017-10-12 20:44:46
කොහේදෝ තැනකින් සොයාගෙන ආ “නැවතත් එකමුතු වීමේ ශක්තිය” සමගින් පිටියට පිවිසෙන ශ්‍රී ලංකා කණ්ඩායමට එරෙහිව පාකිස්තානයට ඇත්තේ එක...
රුමාන් - හසන් ශ්‍රී ලංකාව මෙල්ල කරති...
2017-10-13 21:15:34
කලාතුරෙකින් දැකගතහැකි ආකාරයේ වේග පන්දු යැවීමකින් පිතිකරුවන් අසරණ කර දැමූ රුමාන් රයීස් සහ හසන් අලී ප්‍රමුඛ පාකිස්තානුවෝ ඩුබායිහිදී අද (...
පාකිස්තානයට ලකුණු 32 ක ජයක්...
2017-10-16 23:00:31
සිය කණ්ඩායම ජයටැඹ කරා ගෙනයාමට නායක උපුල් තරංග බලවත් උත්සාහයක් ගත් නමුත් අබුඩාබිහි ෂෙයික් සහීඞ් ක්‍රීඩාංගණයේදී අද (16 වැනිදා) පැවැති දෙ...
ජයසූරිය - තරංග වාර්තාව නූලෙන් බේරෙයි...
2017-10-16 17:02:47
ක්වින්ටින් ඩි’කොක් සහ හසිම් අම්ලා එක්ව පළමු කඩුල්ල වෙනුවෙන් ගොඩනැගූ වාර්තාගත සම්බන්ධතාව හමුවේ සංචාරක බංග්ලාදේශ කණ්ඩායමට එරෙහිව පැවැත...