. සෑම් - මෙතුන් කොළඹ අභියෝගය ජයගනිති | කෙළිමඬල
2017 අපේ‍්‍රල් මස 24 වැනි සඳුදා
සෑම් - මෙතුන් කොළඹ අභියෝගය ජයගනිති
2016-10-01 15:05:31 | .

කාලය, වේගය සහ දුර අභියෝගයක් ලෙස පැවැති කොළඹ අභියෝගය මෝටර් රථ රැළියේ සමස්ත ශූරතාව දිනාගැනීමට සෑම් චන්ද්‍රසෝම සහ ඔහුගේ මාර්ගෝපදේශක එස්. කේ. මෙතුන්ශංක සමත් වූහ.

කිලෝ මීටර් 400 කට වැඩි දුරක් සහිත මෙම මෝටර් රථ රැළිය අදියර දෙකින් සමන්විත වූ අතර පළමු අදියරේදී කොළඹ සිට ගාල්ලට දක්වා ගමන් කිරීමටත්, දෙවැනි අදියරේදී ගාල්ලේ සිට නැවත කොළඹ බලා පැමිණීමටත් තරගකරුවන්ට සිදු විය.

කාලය, වේගය සහ දුර අභියෝගයක් වන මෝටර් රථ රැළියකදී එක් එක් අදියර නිමා කිරීම සඳහා තරගකරුවන්ට නියමිත කාලයක් හිමවන අතර එම කාලයට පෙර හෝ පසුව පැමිණෙන තරගකරුවන්ට ලකුණු අහිමි කෙරේ. අඩුම ඍණ ලකුණු සංඛ්‍යාවක් ලබාගන්නා තරගකරුවා තරගයේ ජයග‍්‍රාහකයා ලෙස තෝරාගැනේ.

'2013 නිසාන් පෙට්‍ර්ල්' වර්ගයේ මෝටර් රථයක් භාවිතා කළ සෑම් චන්ද්‍රසෝම සහ එස්. කේ. මෙතුන්ශංක ‘අයන් මෑන්’ කණ්ඩායම නියෝජනය කරමින් මෙම තරගාවලියට සහභාගි වූහ. ඔවුන් එහි ශූරතාව දිනාගත්තේ අදියර දෙකම ඍණ ලකුණු ලබා නොගෙන නියමිත වේලාවටම අවසන් කරමිනි.

සිලින්ඩර් ධාරිතාව 4700 ක් වූ ‘2004 පෙට්‍ර්ල් ජීප් ග‍්‍රෑන්ඞ් චෙරොකී’ වර්ගයේ මෝටර් රථයක් භාවිතා කළ නලින් පේ‍්‍රමරත්න සහ ඔහුගේ මාර්ගෝපදේශක සරිඳු ගමගේ ඍණ ලකුණු 6 ක් ලබාගනිමින් සමස්ථ අනු ශූරතාව හිමිකරගත් අතර ඔවුහු ‘ජීප් 1’ කණ්ඩායම නියෝජනය කරමින් තරගාවලියට සහභාගි වූහ.

සෆ්රාස් ජුනෙයිඞ් සහ ඔහුගේ මාර්ගෝපදේශක අකීර් අමීර්, ඍණ ලකුණු 11 ක් ලබාගනිමින් සමස්ත තරගාවලියේ තෙවැනි ස්ථානයට පත් වූහ. සිලින්ඩර් ධාරිතාව 3100 ක් වූ ‘1995 නිසාන් ඩබල් කැබ්’ රථයක් භාවිතා කළ ඔවුහු ‘ප්‍රොමෙච්’ කණ්ඩායම නියෝජනය කරමින් තරගාවලියට එක්ව සිටියහ.

ඞීමෝ සමාගමේ අනුග‍්‍රහය යටතේ පැවැති මෙම රැළියට මෝටර් රථ තරගකරුවෝ 24 ක් සහභාගි වූහ.

කොළඹ මෝටර් රථ කී‍්‍රඩා සමාජය සහ ශ්‍රී ලංකා මෝටර් රථ රියැදුරන්ගේ සහ යතුරුපැදිකරුවන්ගේ සංගමය එක්ව සංවිධානය කරන මෝටර් රථ රැළි ශූරතාවලියේ දෙවැනි තරගාවලිය ලෙස මෙය පැවැති අතර එහි තෙවැනි සහ අවසන් අදියර මේ මස අවසානයේදී පැවැත්වීමට නියමිතය.

මෙම ශූරතාවලියේ පළමු අදියර වූ ‘ස්ලාඩාර් 1000’ මෝටර් රථ රැළිය ඉකුත් පෙබරවාරි මාසයේදී පැවැති අතර සමින් අත්තනායක සහ ඔහුගේ මාර්ගෝපදේශක රහල් උළුවිට එහි ශූරතාව දිනාගත්හ.

 

- 036

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :

ළාබාල ඒරන්ගෙන් ලොකු හපන්කමක්...
2017-04-18 20:25:01
තායිලන්තයේ බුරිරැම් ජාත්‍යන්තර ධාවන පථයේදී පැවැති ආසියානු මාර්ග ධාවන යතුරුපැදි ශූරතාවලියේ දෙවැනි අදියරේ අනු ශූරතාව හිමිකර ගැනීමට ශ්&zw...
සෙරීනා ගැන නස්ටාසේගේ කතාව පාරා වළල්ලක් වෙයි...
2017-04-22 20:49:26
තවත් මාස කිහිපයකින් මව් පදවිය ලැබීමට නියමිත කාන්තා ටෙනිස් පිටියේ සුපිරි ක්‍රීඩිකා සෙරීනා විලියම්ස් පරිභාවට ලක් වන ප්‍රකාශයක් කළ රු...
සෙරීනා විලියම්ස් මව් පදවිය සොයයි...
2017-04-21 21:04:31
හදිසියේම අන්තර්ජාලයට ඡායාරූප එකතුවක් මුදා හරිමින් තමා දැන් දරු සම්පතක් බලාපොරොත්තුවෙන් පසුවන බව අන්තර්ජාතික ටෙනිස් පිටියේ සුපිරි ක්‍රී...
ඉම්රාන් ඛාන් මැජික් මිලියන් කුසලානය ගෙනෙයි...
2017-04-17 13:19:25
රාජකීය තුරඟ තරග සමාජය සංවිධානය කරන නුවර එළිය තුරඟ තරගාවලි මාලාවේ තෙවැනි අදියරේ ප්‍රධානතම තරගය වූ ‘මැජික් මිලියන් කුසලාන’ ත...