. ද.ආ.කනිෂ්ඨ තරග යළිත් කල්යයි | කෙළිමඬල
2018 ජූනි මස 24 වැනි ඉරිදා
ද.ආ.කනිෂ්ඨ තරග යළිත් කල්යයි
2016-10-09 20:53:13 | නාමල් පතිරගේ

ඉන්දියාවේ ලක්නව් නගරයේදී මේ මස 19 - 20 දෙදින පැවැත්වීමට නියමිතව තිබූ දකුණු ආසියානු කනිෂ්ඨ මලල ක්‍රීඩා තරගාවලිය යළිත් දින නියමයක් නොමැතිව කල් දමා තිබේ.

ඒ පිළිබඳව සත්කාරක ඉන්දීය තරග සංවිධායකයන් ප්‍රකාශ කර ඇත්තේ නොවැලැක්විය හැකි හේතූන් මත තරගාවලිය අත්හිටුවීමට සිදුවූ බවයි. මෙම තරගාවලිය පසුගිය මැයි මාසයේදී පැවැත්වීමට මුලින් තීරණය කර තිබුණත් එය ඔක්තෝබර් මාසයට කල් දමනු ලැබීය.

පසුගිය පෙබරවාරි මාසයේදී නවදිල්ලි නුවරදී රැස්වූ දකුණු ආසියානු මලල ක්‍රීඩා සම්මේලනය එහි සත්කාරය ශ්‍රී ලංකාවට දීමට තීරණය කළේය. ඒ අනුව ශ්‍රී ලංකා මලල ක්‍රීඩා සංගමයේ 2016 නිල තරග කාලසටහනට අනුව එය පසුගිය සැප්තැම්බර් 8 සිට 11 වැනිදා දක්වා කොළඹ සුගතදාස ක්‍රීඩාපිටියේදී පැවැත්වීමට සැලසුම්කර තිබුණි.

එහෙත් ශ්‍රී ලංකාවට තරගාවලියේ සත්කාරය අත්හැර දැමීමට සිදුවූයේ මෙරට ජාත්‍යන්තර මලල ක්‍රීඩා තරගාවලි පැවැත්විය හැකිව තිබූ එකම ක්‍රීඩාංගණය වන කොළඹ සුගතදාස පිටියේ කෘත්‍රිම ධාවන පථය ඒ වන විට අබලන්ව අසාදු ලේඛනයට ඇතුළත්ව තිබූ නිසාය.

ශ්‍රී ලංකා මලල ක්‍රීඩා සංගමයේ නිල දත්ත සටහන්කරු හා ජාතික මලල ක්‍රීඩා තේරීම් කමිටුවේ සභාපති සමන් කුමාර ගුණවර්ධන මහතාගෙන් ලංකාදීප කළ විමසුමකදී පැවසුවේ ලක්නව් දකුණු ආසියානු තරගාවලිය ඉලක්ක කරමින් සහය දිවීමේ ඉසව් හැරෙන්නට සෙසු සියලු කේවල මලල ක්‍රීඩා ඉසව් ඉලක්ක කරමින් ක්‍රීඩක ක්‍රීඩිකාවන් 53 දෙනෙකුගෙන් සමන්විත සංචිතයක් ස්ථාපිත කර තිබූ බවයි.

පළමු වරට වසර 2007 කොළඹදී දකුණු ආසියානු කනිෂ්ඨ මලල ක්‍රීඩා තරගාවලිය පවත්වා තිබේ. අනතුරුව එය වසර 2013 දී ඉන්දියාවේ රංචි නුවරදී අවසන්වරට පවත්වා තිබේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...