. සමස්ත ශූරතාව පාබල හමුදාවට | කෙළිමඬල
2018 අපේ‍්‍රල් මස 22 වැනි ඉරිදා
සමස්ත ශූරතාව පාබල හමුදාවට
2016-10-15 19:16:31 | ශානුක අරවින්ද

ශ‍්‍රී ලංකා යුද හමුදාව සංවිධානය කළ 19 වැනි යුද හමුදා පැරා (ආබාධිත සෙබළුන් සඳහා) ක‍්‍රීඩා තරගාවලියේ සමස්ත ශූරතාව දිනාගැනීමට රන් පදක්කම් 48 ක් දිනාගත් ශ‍්‍රී ලංකා පාබළ හමුදාව සමත් විය. පාබළ හමුදාවට ඉතා තියුණු තරගයක් දුන් ගජබා රෙජිමේන්තුව රන් පදක්කම් 45 ක් දිනාගනිමින් තරගාවලියේ සමස්ත අනුශූරතාවට හිමිකම් කීවේය.

වසරේ විශිෂ්ටතම යුද හමුදා පැරා මලල කී‍්‍රඩකයා ලෙස රියෝ පැරලිම්පික් තරාවලියේදී හෙල්ල විසිකිරීමේ ඉසව්වේ ලෝකඩ පදක්කම දිනාගත් ගජබා රෙජිමේන්තුවේ දිනේෂ් පි‍්‍රයන්ත සම්මාන දිනාගත්තේය.

මෙම කී‍්‍රඩා උළෙලේදී දුන්නෙන් විදීම, බැඞ්මින්ටන්, වෙඩි තැබීම, මේසපන්දු, රෝද පුටු ටෙනිස්, වොලිබෝල්, ඔරු පැදීම, බර එසවීම, පාපැදි තරග, රෝද පුටු මැරතන්, පිහිනුම් සහ මලල කී‍්‍රඩා යන කී‍්‍රඩා 12 යටතේ තරග පැවැත්විණ.

තරගාවලියේ අවසන් අදියර වූ මලල කී‍්‍රඩා තරග දියගම මහින්ද රාජපක්ෂ ක‍්‍රීඩාංගණයේ දින තුනක් පුරා පැවත්විණ. කී‍්‍රඩා උළෙලේ ත්‍යාග ප‍්‍රදානෝත්සවය සඳහා යුද හමුදාපති ලූතිනන් ජනරාල් කි‍්‍රෂාන්ත ද සිල්වා මහතා සහභාගි විය.

මලල කී‍්‍රඩා ශූරතාව දිනාගැනීමටද රන් පදක්කම් 25 ක් දිනාගත් ශ‍්‍රී ලංකා පාබළ හමුදාව සමත් වූ අතර රන් පදක්කම් 12 ක් දිනාගත් ගජබා රෙජිමේන්තුවට එහි අනුශූරතාව හිමිවිය. ශ‍්‍රී ලංකා පාබළ හමුදාවේ ආර්. ඒ. සෝමසිරි මෙවර තරගාවලියේ දක්ෂතම මලල ක‍්‍රීඩකයා ලෙස සම්මාන දිනාගත්තේය.

යුද හමුදාවේ සියලූම රෙජිමේන්තු නියෝජනය කරමින් ක‍්‍රීඩකයන් 400 ක් පමණ මලල ක‍්‍රීඩා තරග සඳහා සහභාගි වූ අතර සමස්ත පැරා තරගාවලිය සඳහා ක‍්‍රීඩකයින් 1000 කට ආසන්න පිරිසක් සහභාගි වූ බව වාර්තා වේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...