. ඇල්ජීරියාව - නෝර්වේ පරදා ශ්‍රී ලංකාව ඉදිරියට | කෙළිමඬල
2018 ජනවාරි මස 16 වැනි අගහරුවාදා
ඇල්ජීරියාව - නෝර්වේ පරදා ශ්‍රී ලංකාව ඉදිරියට
2016-11-04 18:48:33 | ශානුක අරවින්ද

ස්පාඤ්ඤයේ බිල්බාවෝ නුවරදී පැවැත්වෙන ලෝක කනිෂ්ඨ කණ්ඩායම් බැඞ්මින්ටන් ශූරතාවලියේදී නෝර්වේට එරෙහිව අද (4 වැනිදා) පැවැති තීරණාත්මක තරගයෙන් තරග වට 3-2 ක් ලෙස ජය ලැබීමට ශ්‍රී ලංකා කණ්ඩායම සමත් විය.

මෙම තරගයේදී ජය ගැනීම හේතුවෙන් ලංකා කණ්ඩායම ඊළග වටයේදී ලිතුවේනියාවට එරෙහිව තරග වැදීමට සුදුසුකම් ලබාගත්තේය. එම තරගය ශ්‍රී ලංකා වේලාවෙන් අද රාත්‍රී 8 ට ආරම්භ වීමට නියමිතය.

මූලික වටයේ තරගයදී තරග 5-0 ක් ලෙසින් ඇල්ජීරියාව පරාජය කළ ශ්‍රී ලංකාව ඊළඟ වටයේදී නෝර්වේ පිල සමග තරග වැදීමට සුදුසුකම් ලබාගත්තේය. තරගාවලියේ ‘එෆ්’ 2 කාණ්ඩය යටතේ මූලික වටයට සහභාගි වූ ශ්‍රී ලංකා කණ්ඩායම එහිදී කොරියාව සහ ස්වීඩනය හමුවේ පරාජයට පත්විය.

මෙම තරගාවලියේ සම්පූර්ණ කණ්ඩායම් තරගයක් සඳහා බාලක කේවල, බාලිකා කේවල, බාලක යුගළ, බාලිකා යුගළ සහ මිශ්‍ර යුගළ තරගය බැගින් ඇතුළත් වෙයි. එහිදී බාලක කේවල, බාලක යුගළ සහ මිශ්‍ර යුගළ තරග ජයගැනීමට ශ්‍රී ලංකා කණ්ඩායම සමත් විය.

මෙම තරගාවලියට කණ්ඩායම් 54 ක් සහභාගි වී සිටින අතර ශ්‍රී ලංකාව මේ වන විට එහි 33 වැනි ස්ථානයත්, 40 වැනි ස්ථානයක් අතර ස්ථානයක් අත්කරගැනීම සඳහා තරග වදිමින් සිටියි. ලිතුවේනියාවට එරෙහිව පැවැත්වෙන තරගයේ ප්‍රතිඵලය අනුව මෙම තරගාවලියේදී ශ්‍රී ලංකා කණ්ඩායමට හිමිවන ස්ථානය තීරණය වනු ඇත.


කණ්ඩායම් තරග ප්‍රතිඵල

 

ශ්‍රී ලංකාව විසින් තරග 3-2 ක් ලෙස නොර්වේ පරාජය කරන ලදි.

■    බාලක කේවල තරගයේදී මාර්කස් බර්ත් විසින් තරග වට 2-0 ක් ලෙස මධුක දුලංජන පරාජය කරන ලදි. (22/20, 21/11)
■    බාලිකා කේවල තරගයේදී බුත්මි ගලගමගේ විසින් තරග වට 2-0 ක් ලෙස එමිලී සොට්නස් පරාජය කරන ලදි. (21/11, 21/12)
■    බාලක යුගළ තරගයේදී මැඞ්ස් මරුම් සහ මැටියාස් සූ විසින් තරග වට 2-0 ක් ලෙස කසුන් අමරසේන සහ උමුදු ලියනගේ පරාජය කරන ලදහ. (22/20, 21/16)
■    බාලිකා යුගළ තරගයේදී බුත්මි ගලගමගේ සහ නයනතාරා ටෙෂානි විසින් තරග වට 2-0 ක් ලෙස එමිලී ෆාරුප් සහ එමිලී සොට්නස් පරාජය කරන ලදහ. (21/08, 21/14)
■    මිශ්‍ර යුගළ තරගයේදී රන්තුෂ්ක සසිඳු සහ නයනතාරා ටෙෂානි විසින් තරග වට 2-0 ක් ලෙස හර්මන් ඉම්සෙට් සහ මාරී ක්‍රිස්ටෙන්සන් පරාජය කරන ලදහ. (21/15, 21/19)


ශ්‍රී ලංකාව විසින් තරග 5-0 ක් ලෙස ඇල්ජීරියාව පරාජය කරන ලදි.

■    බාලක කේවල තරගයේදී රන්තුෂ්ක සසිඳු විසින් තරග වට 2-1 ක් ලෙස යසින් බෙල්හුවානේ පරාජය කරන ලදි. (17/21, 22/20, 21/11)
■    බාලිකා කේවල තරගයේදී බුත්මි ගලගමගේ විසින් හල්ලා බොවුක්සානි තරග වට 2-0 ක් ලෙස පරාජය කරන ලදි. (21/14, 21/18)
■    බාලක යුගල තරගයේදී කසුන් අමරසේන සහ උමිඳු ලියනගේ විසින් තරග වට 2-0 ක් ලෙස යසින් බෙල්හුවානේ සහ සැමී කාල්ඩි පරාජය කරන ලදහ. (21/13, 21/10)
■    බාලිකා යුගල තරගයේදී -බුත්මි ගලගමගේ සහ නයනතාරා ටෙෂානි විසින් තරග වට 2-0 ක් ලෙස සිරින් ඊබ්‍රහීම් සහ ලින්ඩා මාස්රි පරාජය කරන ලදහ. (21/18, 21/08)
■    මිශ්‍ර යුගල තරගයේදී -මධුක දුලංජන සහ කවිෂ්කා ගුණරත්න විසින් තරග වට 2-0 ක් ලෙස සැමී කාල්ඩි සහ සිරින් ඊබ්‍රහීම් පරාජය කරන ලදහ. (21/19, 21/15)

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායමට අලුත් මුහුණක් ...
2018-01-09 15:42:54
මේ මස 15 වැනිදා බංග්ලාදේශයේදී ආරම්භ වන තුන්කොන් ක්‍රිකට් තරගාවලිය සඳහා සහභාගි වන ශ්‍රී ලංකා සංචිතයට තවමත් එක්දින වරම් දිනා නොමැති ...
චන්දිමාල් ස්ථාන දෙකක් ඉහළට...
2018-01-10 13:33:08
ඉන්දියාව සහ දකුණු අප්‍රිකාව අතර තරගයත් ඕස්ට්‍රේලියාව සහ එංගලන්තය අතර තරගයත් අවසානයේ ශ්‍රේණිගත කිරීම් යාවත් කාලීන කිරීමෙන් අනතු...
හතුරුසිංහගෙන් එඩිතර ප්‍රකාශයක්...
2018-01-15 14:30:23
ශ්‍රී ලංකා කණ්ඩායම මේ වන විට බෙහෙවින් අයසට පත්ව සිටින කණ්ඩායමක් වූවත් ශ්‍රී ලංකා කණ්ඩායම පුහුණුකිරීමේ අභියෝගය තමන් සතුටින් බාරගන්න...
මෙන්ඩිස් - ලක්ෂාන් ශ්‍රී ලංකාව දිනවති...
2018-01-14 18:21:25
කාසියේ වාසිය දිනාගත් අයර්ලන්ත යොවුන් පිලේ නායක හැරී ටෙක්ටර් කීවේ විශාල ලකුණු සංඛ්‍යාවක් පුවරුවට එකතු කිරීමෙන් පසු ශ්‍රී ලංකා කණ්ඩා...