. අවසන් බලාපොරොත්තුවත් බිඳ වැටෙයි | කෙළිමඬල
2018 ඔක්තෝබර් මස 22 වැනි සඳුදා
අවසන් බලාපොරොත්තුවත් බිඳ වැටෙයි
2016-11-10 18:26:23 | ...

ස්පාඤ්ඤයේ බිල්බාවෝ නුවරදී පැවැත්වෙන ලෝක කනිෂ්ඨ බැඞ්මින්ටන් ශූරතාවලියේ අද (10 වැනිදා) පැවැති බාලක කේවල සිව්වැනි වටයේදී පරාජයට පත්වීම නිසා ශ්‍රී ලංකාවේ අවසන් බලාපොරොත්තුව වූ රන්තුෂ්ක සසිඳුටත් තරගාවලියෙන් ඉවත් වීමට සිදුවිය. ලෝක කනිෂ්ඨ ශ්‍රේණිගත කිරීම් අතරේ 6 වැනි ස්ථානයේ පසුවන සිංගප්පූරුවේ සින් රේයි රයන් හමුවේ වට 2--0 ක් ලෙස පරාජයට පත්වීම හේතුවෙන් රන්තුෂ්කට තරගාවලියේ පෙර අර්ධ අවසන් පූර්ව වටයට (අවසන් 16 දෙනාගේ වටය) සුදුසුකම් ලබාගැනීමට තිබූ අවස්ථාව මඟහැරී ගියේය.


මෙම තරගාවලියට සහභාගි වූ ශ්‍රී ලංකා ක්‍රිඩක ක්‍රීඩිකාවන්ගෙන් ඉහළම දක්ෂතා දැකවූ රන්තුෂ්ක සසිඳු, බාලක කේවල ඉසව්වට සහභාගි වූ ක්‍රීඩකයන් 170 අතරින් අවසන් ක්‍රීඩකයන් 32 අතරට සුදුසුකම් ලබාගැනීමට සමත් විය.


බාලක කේවල දෙවැනි වටයේ තරගයකදී චීන තායිපේහි චෙන් සින් යුවාන්ට එරෙහිව වට 2--0 ක ජයක් අත්කරගනිමින් තෙවැනි වටයට සුදුසුකම් ලබාගත් රන්තුෂ්ක, එහිදී නොර්වේහි මාර්කස් බර්ත්ට එරෙහිව වට 2--1 ක ජයක් අත්කරගනිමින් සිව්වැනි වටයට සුදුසුකම් ලබාගත්තේය.


බාලක කේවල තෙවැනි වටයේ තරගයකදී ලෝක කනිෂ්ඨ ශ්‍රේණිගත කිරීම් අතරේ 55 වැනි ස්ථානයේ පසුවන ස්කොට්ලන්තයේ ක්‍රිස්ටෝපර් ග්‍රිම්ලි හමුවේ පරාජයට පත්වීම නිසා මධුක දුලංජනට අවසන් ක්‍රීඩකයන් 32 අතරට සුදුසුකම් ලබාගැනීමට නොහැකි විය.


බාලිකා කේවල ඉසව්වට සහභාගි වූ බුත්මි ගලගමගේට එහි අවසන් ක්‍රීඩිකාවන් 32 අතරට සුදුසුකම් ලබාගැනීමට නොහැකි වූයේ තෙවැනි වටයේදී ලෝක කනිෂ්ඨ ශ්‍රේණිගත කිරීම් අනුව 39 වැනි ස්ථානයේ පසුවන ජපානයේ අසුකා තකහෂී හමුවේ පරාජය වීම හේතුවෙනි.


බාලක යුගළ දෙවැනි වටයේ තරගයකදී මැලේසියාවේ ජුන් හාඕ ලියෝන්ග් සහ සී හෙන්ග් ඕයි හමුවේ වට 2--0 ක් ලෙස පරාජයට පත්වීම නිසා ශ්‍රී ලංකා කණ්ඩායමේ නායක ශාමික හසරංගට සහ පසිඳු පල්ලියගුරුගේට එම ඉසව්වෙන් ඉවත්වීමට සිදුවිය.


බාලිකා යුගළ දෙවැනි වටයේ තරගයකදී නෙදර්ලන්තයේ මාලීස් බාන්ට සහ ඇලීසා ටිර්සෙන්ටොනෝට එරෙහිව තරග වැදුණ බුත්මි ගලගමගේට සහ නයනතාරා ටෙෂානිටද එම ඉරණමම අත්වූ අතර එම තරගයෙන් ඔවුහු වට 2--0 ක පරාජයක් ලැබූහ.


බාලක කේවල සිව්වැනි වටය

■    සින් රේයි රයන් (සිංගප්පූරුව) විසින් වට 2--0 ක් ලෙස රන්තුෂ්ක සසිඳු පරාජය කරන ලදි. (21/14, 21/08)


බාලක යුගළ දෙවැනි වටය

■    ජුන් හාඕ ලියෝන්ග් සහ සී හෙන්ග් ඕයි (මැලේසියාව) විසින් වට 2--0 ක් ලෙස ශාමික හසරංග සහ පසිඳු පල්ලියගුරුගේ පරාජය කරන ලදහ. (21/12, 21/08)


බාලිකා යුගළ දෙවැනි වටය

■    මාලීස් බාන් සහ ඇලීසා ටිර්සෙන්ටොනෝ (නෙදර්ලන්තය) විසින් වට 2--0 ක් ලෙස බුත්මි ගලගමගේ සහ නයනතාරා ටෙෂානි පරාජය කරන ලදහ. (21/18, 21 13)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...