. සෙබස්තියන් - ටොබී පෙරමුණ ගනිති | කෙළිමඬල
2017 නොවැම්බර් මස 25 වැනි සෙනසුරාදා
සෙබස්තියන් - ටොබී පෙරමුණ ගනිති
2017-01-04 19:11:49 | .

නම වරක් ලෝක රැළි ශූරතාව දිනා සිටින ප්‍රංශ ජාතික සෙබස්තියන් ලොබ් ඩකාර් රැළියේ දෙවැනි අදියර ජයගනිමින් සමස්ත තරගයේ පෙරමුණට පැමිණීමට සමත් විය. ලොබ් ඩකාර් රැළියක අදියරක් ජයගත් 5 වැනි අවස්ථාව මෙයයි.

ආජන්ටිනාවේ උතුරු ප්‍රදේශයේ නගර දෙකක් වන ‘රෙසිස්ටෙන්සියා’ සහ ‘සාන්ත මිගෙල් ඩි ටක්මන්’ අතර කිලෝ මීටර් 275 ක දුරකින් සමන්විත වූ ගමන පැය 2 යි මිනිත්තු 6 යි තත්ත්පර 55 කින් නිමා කරමින් ලොබ්, දෙවැනි අදියරේ ජය තමන් සතුකර ගත්තේය.

පළමු අදියර ජයගත් කටාර් ජාතික නසර් අල් අතියාට මිනිත්තුවයි තත්ත්පර 23 ක් පසුපසින් සහ එහි දෙවැනි ස්ථානයට පත් වූ ස්පාඤ්ඤයේ කාලෝස් සයින්ස්ට මිනිත්තු 2 යි තත්ත්පර 18 ක් පසුපසින් සෙබස්තියන් ලොබ් පළමු අදියර නිමා කළේය. නසර් අල් අතියා ටොයොටා වර්ගයේ රථයක් භාවිතා කරමින් තරගයට සහභාගි වී සිටින අතර කාලෝස් සයින්ස් පර්ජෝ වර්ගයේ රථයක් භාවිතා කරමින් තරගයට එක්ව සිටියි.

ඒ අනුව දෙවැනි අදියරේ ජයත් සමගින් සමස්ත තරගයේ පෙරමුණ ගැනීමට ලොබ් සමත් වූ අතර දෙවැනි අදියර අවසානයේ සමස්ත තරගයේ දෙවැනි ස්ථානයේ පසුවන නසර් අල් අතියා තත්ත්පර 28 කින්ද, කාර්ලෝස් සයින්ස් මිනිත්තුවයි තත්ත්පර 55 කින්ද, ලොබ්ට වඩා පසුපසින් සිටිති.

ඉකුත් වසරේ පැවැති ඩකාර් රැළියේ යතුරුපැදි ශූරතාව දිනාගත් ඕසටේ්‍රලියානු ජාතික ටොබි ප්‍රයිස්, මේ වන විට යතුරුපැදි අංශයේ පෙරමුණ ගෙන සිටින අතර පළමු අදියර 17 වැනියා ලෙස නිමා කළ ඔහු දෙවැනි අදියර ජයගනිමින් යතුරුපැදි අංශයේ පෙරමුණට පැමිණියේය.

දෙවැනි අදියර නිමා කිරීම සඳහා ප්‍රයිස්ට පැය 2 යි මිනිත්තු 32 යි තත්ත්පර 32 ක කාලයක් ගත වූ අතර සිය රටේම (ඕස්ටේ්‍රලියාවේ) ක්‍රීඩකයකු වන මැතියාස් වොක්නර් සහ ස්පාඤ්ඤයේ පවුලෝ ගොන්සාලේස් පිළිවෙලින් දෙවැනි සහ තෙවැනි ස්ථාන වලට ඇද දමමින් ප්‍රයිස් එම අදියර ජයගත්තේය.  


- 036

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ඉන්දියාවේ ජයග්‍රහණය අඳුරේ සැඟවෙයි...
2017-11-20 17:00:08
වර්ෂාව හේතුවෙන් තරගයේ පළමු දින දෙකේදීම ඕවර 147 ක් අපතේ ගිය නමුත් අවසන් මොහොත දක්වාම සිය අරමුණු කරා යාම අතහැර නොදැමූ ඉන්දියානු පිලට අත පොවන...
හේරත් හෙවණැල්ලෙන් ඩිල්රුවන් වසාගනී...
2017-11-19 21:56:03
දැවී ගිය බවට විනිසුරු තීරණය ප්‍රකාශ කිරීමෙන් පසුව ක්‍රීඩාගාරයට යමින් සිටි ඩිල්රුවන් පෙරේරා ආපසු හැරී විනිසුරු තීරණය විමසීම සම්බන්ධ...
අර්ධ ශතක පිළිබඳ මැතිව්ස් මතය...
2017-11-19 20:50:07
ගෙවී යමින් පවතින 2017 වර්ෂය අමතක කිරීමට හැකිනම් ශ්‍රී ලංකා පිලේ හිටපු නායක ඇන්ජලෝ මැතිව්ස් ඊට බෙහෙවින් කැමති වනු ඇත. පාදයේ ආබාධ හේතුවෙ...
දික්වැල්ල තරගයේ වාසිය වීසිකර දමයි...
2017-11-24 19:00:24
ඉන්දියාව සහ ශ්‍රී ලංකාව අතර නාග්පූර් නුවරදී අද (24 වැනිදා) ආරම්භ වූ දෙවැනි ටෙස්ට් තරගයේ පළමු දිනය නිමාවන විටදී පන්දුවට පහර දෙමින් සිටි...