. සහිරා විදුහලට තියුණු ජයක් | කෙළිමඬල
2018 මැයි මස 22 වැනි අගහරුවාදා
සහිරා විදුහලට තියුණු ජයක්
2017-01-10 19:03:59 | ශානුක අරවින්ද

‘ජනාධිපති කුසලාන’ ආරාධිත පාසල් පාපන්දු තරගාවලියේ තෙවැනි දිනය වූ අද (10 වැනිදා) කොළඹ සිටි ලීග කී‍්‍රඩාංගණයේ පැවැති තරගවලදී ජය වාර්තා කිරීමට කළුතර සිරිකුරුස, බම්බලපිටිය ශාන්ත පීතර, පුත්තලම සහිරා සහ කොළඹ ලූමිබිණි යන විදුහල් සමත් විය.

පුත්තලම සහිරා විදුහල සහ කොළඹ වෙස්ලි විදුහල පැවැති තරගය අද පැවැති තරග අතුරින් වඩාත් තියුණු මුහුණුවරක් ගත්තේය. එම තරගයේ 40 වැනි මිනිත්තුවේදී ගෝලයක් වාර්තා කිරීමට සහිරා විදුහලේ එම්. එම්. මුසකීර් සමත් වූ අතර ඉන් මිනිත්තු 13 කට පසුව (53 වැනි මිනිත්තුවේදී) ගෝලයක් වාර්තා කළ වෙස්ලි විදුහලේ ඩබ්ලිව්. එන්. පෙරේරා, කණ්ඩායම් දෙකම සම තත්ත්වයකට ගෙන ආවේය.

කෙසේ වුවත් 64 වැනි මිනිත්තුවේදී සහිරා විදුහල වෙනුවෙන් ජයග‍්‍රාහී ගෝලය වාර්තා කළ නෆී ශියාම්, මෙම තරගයේදී සිය කණ්ඩායමට ගෝල 2-1 ක ජයක් අත්කර දුන්නේය. කොළඹ ආනන්ද විදුහලට එරෙහිව ගෝල 2-0 ක ජයක් වාර්තා කිරීමට කළුතර සිරිකුරුස විදුහල සමත් වූ අතර කොළඹ රාජකීය විදුහලට එරෙහිව ගෝල 2-0 ක ජයක් වාර්තා කිරීමට බම්බලපිටිය ශාන්ත පීතර විදුහල සමත් විය.

එම තරග වලදී එම්. එම්. පෙරේරා (35 වැනි මිනිත්තුවේදී) සහ කේ. එන්. අසේල (66 වැනි මිනිත්තුවේදී) සිරිකුරුස විදුහල වෙනුවෙන්ද, එස්. ධනංජය (7 වැනි මිනිත්තුවේදී) සහ මොහොමඞ් ශබීර් (34 වැනි මිනිත්තුවේදී) ශාන්ත පීතර විදුහල වෙනුවෙන්ද ගෝල ලබාගත්හ.

අද පැවැති අවසන් තරගයේදී ගෝල 2-1 ලෙස මීගමුව අල් හිලාල් විදුහල පරාජය කිරීමට කොළඹ ලූමිබිණි විදුහල සමත් වූ අතර එස්. එම්. මවුලානා 11 වැනි මිනිත්තුවේදීද, ඉමේෂ් දිල්ෂාන් 14 වැනි මිනිත්තුවේදීද ලූමිබිණි විදුහල වෙනුවෙන් ගෝල ලබාගත්හ. අල් හිලාල් විදුහල වෙනුවෙන් වාර්තා වූ එකම ගෝලයට හිමිකම් කීමට එල්. එම්. වලීඞ් (58 වැනි මිනිත්තුවේදී) සමත් විය.

තරගාවලියේ අර්ධ අවසන් පූර්ව වටයේ තරග හෙට (11 වැනිදා) සහ අනිද්දා (12 වැනිදා) කොළඹ සිටි ලීග කී‍්‍රඩාංගණයේදී පැවැත්වෙන අතර අවසන් පූර්ව වටයේ තරග තරග 15 වැනිදාද, අවසන් මහ තරගය 22 වැනිදාද කොළඹ පැරණි තුරඟ තරග පිටියේදී පැවැත්වේ.

තෙවැනි දිනයේදී පැවැති තරග

  • කළුතර සිරිකුරුස විදුහල විසින් ගෝල 2-0 කින් කොළඹ ආනන්ද විදුහල පරාජය කරන ලදි.
  • බම්බලපිටිය ශාන්ත පීතර විදුහල විසින් ගෝල 2-0 කින් කොළඹ රාජකීය විදුහල පරාජය කරන ලදි.
  • පුත්තලම සහිරා විදුහල විසින් ගෝල 2-1 කින් කොළඹ වෙස්ලි විදුහල පරාජය කරන ලදි.
  • කොළඹ ලූමිබිණි විදුහල විසින් ගෝල 2-1 කින් මීගමුව අල් හිලාල් විදුහල පරාජය කරන ලදි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
කොදෙව් සංචාරයේ සංයුතිය වෙනස් වෙයි...
2018-05-19 19:07:13
මේ මස අගදී ආරම්භ වීමට නියමිත ශ්‍රී ලංකා කණ්ඩායමේ කොදෙව් සංචාරයේදී පැවැත්වීමට නියමිත ටෙස්ට් තරග තුනෙන් එකක් වෙනුවට එක්දින තරග දෙකක් හෝ ...