. මැසිනොද් විදුහල අවසන් පූර්ව වටයට | කෙළිමඬල
2017 ජූලි මස 22 වැනි සෙනසුරාදා
මැසිනොද් විදුහල අවසන් පූර්ව වටයට
2017-01-11 19:31:12 | ශානුක අරවින්ද

‘ජනාධිපති කුසලාන’ ආරාධිත පාසල් පාපන්දු තරගාවලියේ අවසන් පූර්ව වටයට සුදුසුකම් ලබාගැනීමට කඳාන ද මැසිනොද් විදුහල අද (11 වැනිදා) සමත් විය.

කොළඹ සිටි ලීග ක්‍රීඩාංගණයේදී පැවැති පළමු අර්ධ අවසන් පූර්ව තරගයේදී ගෝල 2-0 ක් ලෙස කළුතර සිරි කුරුස විදුහල පරාජය කරමින් මැසිනොද් විදුහල අවසන් පූර්ව වටයට සුදුසුකම් ලබාගත්තේය.

තරගය ආරම්භ වී මිනිත්තු 3 ක් ගතවන විට මැසිනොද් විදුහල වෙනුවෙන් පළමු ගෝලය වාර්තා කිරීමට එස්. ටී. නිම්ෂාන් සමත් විය. තරගයේ පළමු අර්ධයේදී ගෝලයක් ලබාගැනීමට සිරි කුරුස විදුහල් ක්‍රීඩකයෝ අපොහොසත් වීම නිසා ගෝල 1-0 ක් ලෙස මැසිනොද් විදුහලට පෙරමුණ අත්කර දෙමින් පළමු අර්ධය නිමා විය.

තරගයේ 52 වැනි මිනිත්තුවේදී මැසිනොද් විදුහල වෙනුවෙන් තවත් ගෝලයක් වාර්තා කිරීමට ටී. එෆ්. ගුණසේකර සමත් විය. නියමිත කාලය අවසන් වන තෙක්ම එකදු ගෝලයක් හෝ ලබාගැනීමට සිරි කුරුස විදුහලට නොහැකි වූ නිසා මැසිනොද් විදුහලට ගෝල 2-0 ක පහසු ජයක් හිමිවිය.

තරගාවලියේ තවත් අර්ධ අවසන් පූර්ව තරග 3 ක් හෙට (12 වැනිදා) කොළඹ සිටි ලීග ක්‍රීඩාංගණයේදී පැවැත්වේ. එහිදී මීගමුව මාරිස්ටෙලා විදුහලට එරෙහිව බම්බලපිටිය ශාන්ත පීතර විදුහලද, පුත්තලම සහිරා විදුහලට එරෙහිව කොළඹ ලුම්බිණි විදුහලද, කොළඹ හමීඞ් අල් හුසේනි විදුහලට එරෙහිව කොළඹ නාලන්දා විදුහලද තරග වැදීමට නියමිතය.

මාරිස්ටෙලා විදුහල සහ ශාන්ත පීතර විදුහල අතර පැවැත්වෙන තරගයෙන් ජය ගන්නා කණ්ඩායමට පළමු අවසන් පූර්ව තරගයේදී මැසිනොද් විදුහල සමගින් තරග වැදීමට සිදුවේ.

සහිරා විදුහල සහ ලුම්බිණි විදුහල අතර පැවැත්වෙන තරගයෙන් ජයගන්නා කණ්ඩායම, හමීඞ් අල් හුසේනි විදුහල සහ නාලන්දා විදුහල අතර පැවැත්වෙන තරගයෙන් ජය ගන්නා කණ්ඩායම සමගින් දෙවැනි අවසන් පූර්ව තරගයේදී තරග බිමට පිවිසීමට නියමිතය.

තරගාවලියේ අවසන් පූර්ව වටයේ තරග 15 වැනිදා පස්වරු 3.00 සිට කොළඹ පැරණි තුරඟ තරග පිටියේදී පැවැත්වෙන අතර අවසන් මහ තරගය 22 වැනිදා පස්වරු 4.00 සිට එම ක්‍රීඩාංගණයේදීම පැවැත්වේ. අවසන් මහ තරගයේ සහ ත්‍යාග ප්‍රධානෝත්සවයේ ප්‍රධාන ආරාධිතයා ලෙස ජනාධිපති මෛත්‍රිපාල සිරිසේන මහතා සහභාගි වීමට නියමිත බව සංවිධායකයෝ පවසති.

තරගාවලියේ ශූරතාව, අනු ශූරතාව සහ තෙවැනි ස්ථානය ලබන කණ්ඩායම් වලට කුසලාන, පදක්කම් සහ සහතිකපත් පිරිනැමීමට නියමිත අතර හොඳම දැළ රකින්නාට, වැඩිම ගෝල ලබන ක්‍රීඩකයාට, වටිනාම ක්‍රීඩකයාට සහ ජනප්‍රියම ක්‍රීඩකයාටද කුසලාන පිරිනැමීමට සංවිධායකයෝ සූදානමින් සිටිති.

හමීඞ් අල් හුසේනි විදුහලේ 1980 කණ්ඩායම නමවැනි වරටත් සංවිධානය කරන මෙම තරගාවලියේ ප්‍රධාන අනුග්‍රාහකයා ලෙස අයිඩියල්ස් ලංකා පුද්ගලික සමාගම කටයුතු කරයි.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අසේල ගුණරත්න වචනය තියයි...
2017-07-18 20:21:03
හිස කසමින් නැතහොත් නියපොතු හපමින් විපිළිසරව ගෙවූ දින පහක් අවසානයේදී ශ්‍රී ලංකා ක්‍රීඩකයෝ ටෙස්ට් තරගය ජයගත්හ. පොදු ප්‍රේක්‍...
දික්වැල්ල - අසේල අපරාජිත වාර්තාව රැකගනිති...
2017-07-18 17:00:18
අඩ සියවස් අඩක කාලයක් තිස්සේ සිම්බාබ්වේ පිලට එරෙහිව ටෙස්ට් තරග වලට සහභාගි වූ ශ්‍රී ලංකා කණ්ඩායමේ අපරාජිත වාර්තාව ආරක්‍ෂා කරගත් නිරෝ...
ශ්‍රී ලංකා පිල අසීරු ගමනක...
2017-07-15 17:00:17
ශ්‍රී ලංකා ක්‍රිකට් ක්‍රීඩාවේ කඩා වැටීම මේ යයි කදිමට විද්‍යමාන කරමින් සිම්බාබ්වේ පිල හමුවේ අසරණ වූ ශ්‍රී ලංකා ටෙස්ට් ප...
රිවර්ස් ස්වීප් පහර උපාය වෙයි...
2017-07-17 21:07:55
සිම්බාබ්වේ පිල හමුවේ පීඩනයට නතුවී සිටියද කොළඹ ආර්. ප්‍රේමදාස ක්‍රීඩාංගණයේදී පැවැත්වෙන ටෙස්ට් තරගය ජයගැනීමේ විශ්වාසයෙන් ශ්‍රී ල...