. අවසන් පූර්ව වටය 15 වැනිදා | කෙළිමඬල
2018 මැයි මස 22 වැනි අගහරුවාදා
අවසන් පූර්ව වටය 15 වැනිදා
2017-01-12 21:05:25 | ශානුක අරවින්ද

‘ජනාධිපති කුසලාන’ ආරාධිත පාසල් පාපන්දු තරගාවලියේ අවසන් පූර්ව වටයට සුදුසුකම් ලබාගැනීමට මීගමුව මාරිස්ටෙලා, පුත්තලම සහිරා සහ කොළඹ හමීඞ් අල් හුසේනි යන විදුහල් අද (12 වැනිදා) සමත් විය.

කොළඹ සිටි ලීග කී‍්‍රඩාංගණයේදී පැවැති පැවැති අර්ධ අවසන් පූර්ව වටයේ තරග වලදී බම්බලපිටිය ශාන්ත පීතර විදුහල පරාජය කරමින් මාරිස්ටෙලා විදුහලද, කොළඹ ලූම්බිණි විදුහල පරාජය කරමින් සහිරා විදුහලද, කොළඹ නාලන්දා විදුහල පරාජය කරමින් හමීඞ් අල් හුසේනි විදුහලද අවසන් පූර්ව වටයට සුදුසුකම් ලබා ගත්තේය.

අර්ධ අවසන් පූර්ව වටයේ තවත් තරගයක් ඊයේ (11 වැනිදා) පැවත්වුණ අතර එහිදී කළුතර සිරිකුරුස විදුහල පරාජය කළ කඳාන ද මැසිනොද් විදුහල අවසන් පූර්ව වටයට පිවිසීමේ වරම් හිමිකර ගත්තේය.

ඒ අනුව 15 වැනිදා පස්වරු 2.30 ට ආරම්භ වන පළමු අවසන් පූර්ව තරගයේදී මැසිනොද් විදුහලට එරෙහිව මාරිස්ටෙලා විදුහල තරග වැදීමට නියමිත අතර පස්වරු 4.00 ට ආරම්භ වන දෙවැනි අවසන් පූර්ව තරගයේදී සහිරා විදුහලට එරෙහිව හමීඞ් අල් හුසේනි විදුහල තරග බිමට පිවිසීමට නියමිතය.

තරගාවලියේ අවසන් මහ තරගය 22 වැනිදා පස්වරු 4.00 සිට කොළඹ පැරණි තුරඟ තරග පිටියේදී කී‍්‍රඩාංගණයේදී පැවැත්වෙන අතර අවසන් මහ තරගයේ සහ ත්‍යාග ප‍්‍රදානෝත්සවයේ ප‍්‍රධාන ආරාධිතයා ලෙස ජනාධිපති මෛති‍්‍රපාල සිරිසේන මහතා සහභාගි වීමට නියමිත බව සංවිධායකයෝ පවසති.

හමීඞ් අල් හුසේනි විදුහලේ 1980 කණ්ඩායම නමවැනි වරටත් සංවිධානය කරන මෙම තරගාවලියේ ප‍්‍රධාන අනුග‍්‍රාහකයා ලෙස අයිඩියල්ස් ලංකා පුද්ගලික සමාගම කටයුතු කරයි.

අද (12) පැවැති අර්ධ අවසන් පූර්ව තරග සහ ගෝල ලබාගත් කී‍්‍රඩකයෝ

මීගමුව මාරිස්ටෙලා විදුහල විසින් දඬුවම් පහර 3-2 ක් ලෙස බම්බලපිටිය ශාන්ත පීතර විදුහල පරාජය කරන ලදි.

  • ජේ. ටී. එස්. ප‍්‍රනාන්දු (මාරිස්ටෙලා විදුහල) - 3 වැනි මිනිත්තුවේදී
  • මොහොමඞ් ශබීර් (ශාන්ත පීතර විදුහල) - 50 වැනි මිනිත්තුවේදී

පුත්තලම සහිරා විදුහල විසින් ගෝල 4-3 ක් ලෙස කොළඹ ලූම්බිණි විදුහල පරාජය කරන ලදි.

  • ජේ. එම්. ජහීර් (සහිරා විදුහල) - 13 වැනි සහ 46 වැනි මිනිත්තු වලදී
  • මොහොමඞ් මුසකීර් (සහිරා විදුහල) - 15 වැනි සහ 40 වැනි මිනිත්තු වලදී
  • ජේ. ඒ. එල්. තනුජය (ලූම්බිණි විදුහල) - 26 වැනි සහ 31 වැනි මිනිත්තු වලදී
  • මුහම්මද් ෆාහද් (ලූම්බිණි විදුහල) - 27 වැනි මිනිත්තුවේදී

කොළඹ හමීඞ් අල් හුසේනි විදුහල විසින් ගෝල 4-0 ක් ලෙස කොළඹ නාලන්දා විදුහල පරාජය කරන ලදි.

  • කේ. එම්. ෆාසිල් (හමීඞ් අල් හුසේනි විදුහල) - 9 වැනි මිනිත්තුවේදී
  • ඒ. ජී. එම්. සජිඞ් (හමීඞ් අල් හුසේනි විදුහල) - 22 වැනි සහ 35 වැනි මිනිත්තු වලදී
  • එස්. අබිශයාන් (හමීඞ් අල් හුසේනි විදුහල) - 47 වැනි මිනිත්තුවේදී

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
කොදෙව් සංචාරයේ සංයුතිය වෙනස් වෙයි...
2018-05-19 19:07:13
මේ මස අගදී ආරම්භ වීමට නියමිත ශ්‍රී ලංකා කණ්ඩායමේ කොදෙව් සංචාරයේදී පැවැත්වීමට නියමිත ටෙස්ට් තරග තුනෙන් එකක් වෙනුවට එක්දින තරග දෙකක් හෝ ...