. ෆිෆා කමිටුවෙන් අනුර ඉවතට | කෙළිමඬල
2018 මැයි මස 22 වැනි අගහරුවාදා
ෆිෆා කමිටුවෙන් අනුර ඉවතට
2017-01-22 21:58:38 | නාමල් පතිරගේ

අන්තර් ජාතික පාපන්දු සම්මේලනයේ ජාතික සම්මේලන කමිටුවේ සාමාජිකයකු ලෙස කටයුතු කරමින් සිටි ශ්‍රී ලංකා පාපන්දු සම්මේලනයේ සභාපති අනුර ද සිල්වා මහතා එම ධුරයෙන් ඉවත් කර තිබේ. ශ්‍රී ලංකා පාපන්දු සම්මේලනයේ මාධ්‍ය කමිටුවේ සභාපති රංජිත් රුද්‍රිගු මහතා අද (22) මේ බව පැවසීය.

වසරකට වැඩි කාලයක් එම ධුරය දැරූ අනුර ද සිල්වා මහතාගෙන් ඒ පිළිබඳව කළ විමසුමකදී පැවසුවේ අන්තර් ජාතික පාපන්දු සම්මේලනයේ කමිටුවල ව්‍යුහයන් වෙනස් කිරීමට එම සම්මේලනය ගෙන තිබෙන තීරණයක් අනුව ශ්‍රී ලංකාවට හිමිව තිබූ එහි ජාතික සම්මේලන කමිටුවේ සාමාජිකත්වය අහෝසි වී තිබෙන බවයි.

මේ සම්බන්ධයෙන් පාපන්දු සම්මේලනයේ සභාපතිවරයා මෙසේ ද පැවසීය.

“මේ තනතුර ශ්‍රී ලංකාවට අහිමිවීම ගැන සමහරු කතා ගොතනවා. විශේෂයෙන්ම මේ සම්බන්ධයෙන් පාපන්දු සම්මේලනයේ මාධ්‍ය කමිටුවේ සභාපති රංජිත් රුද්‍රිගු මහතාගේ හැසිරීම ඉතාම කනගාටුදායකයි”

“ඔහු පාපන්දු සම්මේලනයේ විධායක සභිකයෙක්. මේ සිද්ධියේදී ඔහු කටයුතු කළ ආකාරය පිළිගන්න බෑ. ඒ නිසා පාපන්දු සම්මේලනයේ මීළඟ විධායක සභා රැස්වීමේදී ඔහුට එරෙහිව ක්‍රියාමාර්ගයක් ගන්නා ලෙස විධායක කමිටුවට යෝජනා කරන්න මා බලාපොරොත්තු වෙනවා.” යයිද අනුර ද සිල්වා මහතා පැවසීය.

රංජිත් රුද්‍රිගු මහතා පැවසුවේ තමන් පාපන්දු සම්මේලනයේ සභාපතිවරයා ලෙස සිටියදී එම ධුරය ශ්‍රී ලංකාවට ලබාගැනීමට අන්තර් ජාතික පාපන්දු සම්මේලනයේ ප්‍රධානීන් හා සාකච්ඡා කළ බවයි. අන්තර්ජාතික පාපන්දු සම්මේලනයේ පරිපාලන ඒකකය තුළ ශ්‍රී ලංකාවට හිමිව තිබූ එකම තනතුර ද එය විය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
කොදෙව් සංචාරයේ සංයුතිය වෙනස් වෙයි...
2018-05-19 19:07:13
මේ මස අගදී ආරම්භ වීමට නියමිත ශ්‍රී ලංකා කණ්ඩායමේ කොදෙව් සංචාරයේදී පැවැත්වීමට නියමිත ටෙස්ට් තරග තුනෙන් එකක් වෙනුවට එක්දින තරග දෙකක් හෝ ...