. කුසලානය හමීඩ් අල් හුසේනි විදුහලට | කෙළිමඬල
2017 සැප්තැම්බර් මස 23 වැනි සෙනසුරාදා
කුසලානය හමීඩ් අල් හුසේනි විදුහලට
2017-01-23 15:54:34 | ශානුක අරවින්ද

‘ජනාධිපති කුසලාන’ ආරාධිත පාසල් පාපන්දු තරගාවලියේ ශූරතාව දිනාගැනීමට කොළඹ හමීඞ් අල් හුසේනි විදුහල සමත් විය. කොළඹ පැරණි තුරඟ තරග පිටියේදී ඉරිදා (22 වැනිදා) පැවැති අවසන් මහ තරගයේදී මීගමුව මාරිස්ටෙලා විදුහල පරාජය කරමින් හමීඞ් අල් හුසේනි ක්‍රීඩකයෝ ශූරතාවට හිමිකම් කීහ.

නියමිත කාල සීමාව අවසන් වන විට දෙපිලේම ක්‍රීඩකයන් ගෝල ලබා ගැනීමට අපොහොසත්ව සිටි බැවින් අවසන් තරගයේ ජයග්‍රාහකයා තීරණය කිරීම සඳහා දඬුවම් පහර ක්‍රියාත්මක කෙරිණ. එහිදී දඬුවම් පහර 5 ම සාර්ථක කරගත් හමීඞ් අල් හුසේනි ක්‍රීඩකයෝ තරගයේ ජය තමන් සතුකරගත් අතර මාරිස්ටෙලා විදුහලට සාර්ථක කරගත හැකි වූයේ දඬුවම් පහර 4 ක් පමණි.

තරගාවලියේ අගනාම ක්‍රීඩකයා ලෙස සම්මාන දිනාගැනීමට හමීඞ් අල් හුසේනි විදුහලේ ඒ. ජී. එම්. සජීඞ් සමත් වූ අතර එම විදුහලේම එම්. ඒ. රිෂාන් අවසන් තරගයේ වීරයා ලෙසද, මහේන්දින් දිනේෂ් දක්ෂතම දැළ රකින්නා ලෙසත් සම්මාන දිනාගත්හ. තරගාවලියේ දක්ෂතම ගෝල ලබාගත් ක්‍රීඩකයාට හිමි සම්මානය මාරිස්ටෙලා විදුහලේ ඩබ්ලිව්. අයි. එන්. ප්‍රනාන්දුට හිමිවිය.

පළමු අවසන් පූර්ව තරගයේදී ගෝල 4-2 ක් ලෙස කඳාන ද මැසිනොද් විදුහල පරාජය කරමින් මාරිස්ටෙලා විදුහල අවසන් මහ තරගයට සුදුසුකම් ලබා ගත්තේය. හමීඞ් අල් හුසේනි අවසන් විදුහල මහ තරගයට සුදුසුකම් ලබාගත්තේ දෙවැනි අවසන් පූර්ව තරගයේදී ගෝල 6-0 ක් ලෙස පුත්තලම සහිරා විදුහල පරාජය කරමිනි.

තෙවැනි ස්ථානය සඳහා පැවැති තරගයේදී ගෝල 6-2 ක් ලෙස පුත්තලම සහිරා විදුහල පරාජය කිරීමට කඳාන ද මැසිනොද් ක්‍රීඩකයෝ සමත් වූහ.  

අවසන් මහ තරගයේ සහ ත්‍යාග ප්‍රදානෝත්සවයේ ප්‍රධාන ආරාධිතයා ලෙස ජනාධිපති මෛත්‍රීපාල සිරිසේන මහතා සහභාගි වූ අතර එක්සත් අරාබි එමීර් රාජ්‍යයේ ශ්‍රී ලංකා තානාපති අබ්දුල් හමීඞ්, අමාත්‍ය ෆයිසිර් මුස්තාෆා, පාර්ලිමේන්තු මන්ත්‍රී මුජිබුර් රහුමාන් සහ පාපන්දු සම්මේලනයේ සභාපති අනුර ද සිල්වා යන මහත්වරු ඇතුළු ආරාධිතයෝ රැසක්ද මෙම අවස්ථාවට එක්වූහ.

හමීඞ් අල් හුසේනි විදුහලේ 1980 කණ්ඩායම 10 වැනි වරටත් සංවිධානය කළ මෙම තරගාවලිය සඳහා ආරාධිත පාසල් 20 ක් සහභාගි විය. අයිඩියල්ස් ලංකා පුද්ගලික සමාගම තරගාවලියේ ප්‍රධාන අනුග්‍රාහකයා ලෙස කටයුතු කළේය.

 

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
හර්දික් පාණ්ඩ්‍යා ඉන්දියාවට ජය ගෙනෙයි...
2017-09-17 18:40:28
හර්දික් පාණ්ඩ්‍යා (83) සහ මහේන්ද්‍ර සිං දෝනි (79) එක්ව හයවැනි කඩුල්ල සදහා පැවැත්වූ ලකුණු 118 ක සම්බන්ධතාවය හේතුවෙන් චෙන්නායිහිදී අ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...