. මහනුවර පිල පෙරමුණ ගනී | කෙළිමඬල
2017 සැප්තැම්බර් මස 25 වැනි සඳුදා
මහනුවර පිල පෙරමුණ ගනී
2017-01-30 16:34:22 | මිලාන් පෙරේරා

අන්තර් සමාජ පළමුපෙළ ලීග් රග්බි තරගාවලියේ පළමු වටයේදී තම කණ්ඩායම ලජ්ජාශීලී පරාජයක් උරුම කර දෙමින් ආපස්සට තල්ලු කළ ගුවන් හමුදා පිල කන්ද උඩරටට ගෙන්වා ගත් මහනුවර ක්‍රීඩකයෝ ලකුණු 73-13 ක දැවැන්ත ජයක් වාර්තා කරමින් නැවතත් ප්‍රසාද ලකුණු සටහනේ පෙරමුණ ගත්හ.

පළමු වටයේදී ලද පරාජයේ වාඩුව පිරිමසා ගත් මහනුවර ක්‍රීඩා සමාජය තරග 12 කදී ජයග්‍රහණ 10 ක් අත්කරගනිමින් ප්‍රසාද ලකුණු 63 ක් ලබා පළමු ස්ථානයට පත්ව සිටී. හැව්ලොක්ස් ක්‍රීඩා සමාජය තරග 12 කදී ජයග්‍රහණ 11 ක් සමග ප්‍රසාද ලකුණු 63 ක් ලබා සිටියද දෙවැනි තැන පසුවන්නේ මහනුවර පිලට වඩා අඩු උත්සාහක දිනුම් සංඛ්‍යාවක් වාර්තා කිරීම හේතුවෙනි.

නිත්තවෙල ක්‍රීඩාංගණයේදී ඉරිදා පස්වරුවේ පැවැති මේ තරගය පුරා උත්සාහක දිනුම් 11ක් තැබීමට මහනුවර ක්‍රීඩකයෝ සමත්වූහ. ඉන් 9 ක්ම ගෝල බවට ප්‍රවර්ථනය කරන ලදි.

 තරගයේ පළමු භාගය නිමාවනවිට ලකුණු සංඛ්‍යාව දිස්වුයේ 40-3 ක් ලෙසිනි. මහනුවර පිල තම කණ්ඩායම ගෙදරට ගෙන්වා බඩ පිරෙන්නට දෙන බව දැන දැනම ක්‍රීඩා කළ ගුවන් හමුදා පිලට උත්සාහක දිනුම් 2 කට සහ දඬුවම් පහරකට වඩා ඉදිරියට යා නොහැකි විය.

තරගයේ ආරම්භයේදීම දඬුවම් පහරකින් සිය කණ්ඩායම ලකුණු 3-0 කින් ඉදිරියට ගෙන යාමට චරිත් සෙනෙවිරත්න සමත්වූවත් ඊළඟට පළමු භාගය නිමාවනතුරු පන්දුව තිබුණේ මහනුවර ක්‍රීඩකයන් අතය.

බුවනෙක උඩංගමුවගෙන් ආරම්භක කළ උත්සාහක දිනුම් වර්ෂාව පළමු භාගය නිමාවෙද්දී 6 ක්වී තිබිණි. ඉන් 5 ක්ම තිළිණ විජේසිංහ විසින් ගෝල බවට ප්‍රවර්ථනය කරන ලදි.

දෙවැනි භාගයේදීත් මහනුවර පිලේ උත්සාහක දිනුම් ගොන්නට මැදිවී සිටි ගුවන් හමුදා පිලට දිනේෂ් වීරරත්න පිට පිට උත්සාහක දිනුම් 2 ක් තබමින් පොඩි තල්ලුවක් ලබා දුන්නේය.

මහනුවර පිල වෙනුවෙන් ධනුෂ්ක රන්ජන්, කාංචන රාමනායක සහ රිචඞ් ධර්මපාල උත්සාහක දිනුම් 2 බැගින් තැබූ අතර බුවනෙක උඩංගමුව, ගයාන් රත්නායක, විශ්වමිත්‍ර ජයසිංහ, ලසිත අත්තනගොඩ සහ තිළිණ විජේසිංහ උත්සාහක දිනුම බැගින් තැබූහ. තිළිණ විජේසිංහ ඉන් 7 ක්ම ගෝල බවට පත් කළ අතර අර්ෂාද් ජමාල්ඩින් ගෝල බවට පත් කළ උත්සාහක දිනුම් සංඛ්‍යාව දෙකකි.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
කෝලි තවත් වාර්තාවක් අභියස...
2017-09-23 20:27:41
සංචාරක ඕස්ට්‍රේලියානු කණ්ඩායමට එරෙහිව හෙට (24 වැනිදා) පැවැත්වීමට නියමිත තරගයේදී තවත් වාර්තාවක් සම කිරීමට ඉන්දීය කණ්ඩායම් නායක විරාට් ක...
සංගක්කාරගේ සරේ සංදර්ශනය සමාප්තයි...
2017-09-23 18:44:15
සිය වසර 20 ක පළමු පෙළ ක්‍රිකට් දිවියේ අවසන් තරගයේදීත් ශතයක් ලබාගත් 39 හැවිරිදි කුමාර් සංගක්කාර, පළමු පෙළ ක්‍රිකට් පිටියට සමුදුන්නේ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...