. ගුවන් හමුදා ක්‍රීඩකයෝ සී. එච් පිල අසරණ කරති | කෙළිමඬල
2017 මැයි මස 25 වැනි බ‍්‍රහස්පතින්දා
ගුවන් හමුදා ක්‍රීඩකයෝ සී. එච් පිල අසරණ කරති
2017-02-04 14:41:32 | මිලාන් පෙරේරා

ගුවන් හමුදා රග්බි පිල හමුවේ ලකුණු 53-17 පරාජයක් උරුම කරගත් සී.එච්.ඇන්ඞ් එෆ්.සී. ක්‍රීඩා සමාජය අන්තර් සමාජ පළමුපෙළ ලීග් රග්බි තරගාවලියේ 13 වැනි වරටත් පරාජයේ වේදනාව විඳ දරාගත්තේය. රත්මලාන ගුවන් හමුදා පිටියේ දී සිකුරාදා පස්වරුවේ පැවැති මේ තරගයේ පළමු භාගය නිමාවෙද්දී ලකුණු 26-12 කින් පෙරමුණ ගැනීමට ගුවන් හමුදා ක්‍රීඩකයෝ සමත් වූහ.

ගුවන් හමුදා ක්‍රීඩකයෝ තරගය පුරා උත්සාහක දිනුම් 9 ක් තබමින් සී.එච්. පිල පහළටම ඇද දැමූහ. ඉන් 4ක්ම ගෝල බවට පත් කිරීමට සමත්වූයේ ගයන්ත ඉද්දමල්ගොඩය. සඳරුවන් අධිකාරී, සාරක වැරැල්ල, කෞෂාල් මනුප්‍රිය සහ පබසර හේවගේ ගුවන් හමුදා පිල වෙනුවෙන් උත්සාහක දිනුම් 2 බැගින් තැබීමට සමත් වූ අතර ඉතිරි උත්සාහක දිනුම තබනු ලැබුවේ දිනේෂ් වීරරත්න විසිනි.

බිමල් ජයසිංහගේ උත්සාහක දිනුම් 2 ත්, රෙයාන් ප්‍රනාන්දුගේ උත්සාහක දිනුමත් හැරුණු විට සී.එච්. පිලෙන් වැඩි දස්කමක් පෙනෙන්නට තිබුණේ නැත.

සඳරුවන් අධිකාරීගේ උත්සාහක දිනුමක් ගයන්ත ඉද්දමල්ගොඩ විසින් ගෝලයක් බවට පත් කරනු ලැබීමෙන් 7-0 කින් ලකුණු ලබාගැනීම ආරම්භ කළ ගුවන් හමුදා පිල පළමු භාගය නිමාවෙද්දී උත්සාහක දිනුම් 4 ක්ම තබා තිබිණි. ඉතිරි උත්සාහක දිනුම් 5 ම වාර්තා වූයේ දෙවැනි භාගයේදීය.

මෙවර තරගාවලියේ සී.එච්. පිලට ඉතිරිව ඇති අන්තිම තරගය ලබන සති අන්තයේ මහනුවර ක්‍රීඩා සමාජයට එරෙහිව පැවැත්වෙන තරගය පමණි. එබැවින් තරගාවලියේ පරාජිතයන් අතර ඉදිරියෙන්ම පසුවන කණ්ඩායම බවට පත්වෙමින් අසාර්ථක තරගාවලියක් නිමා කරගැනීමට හැර සී.එච්. පිලට කළ හැකි අන් දෙයක් නොමැත.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :

ශ්‍රී ලංකාවට කඩුලු 9 ක පහසු ජයක්...
2017-05-23 22:43:08
ස්කොට්ලන්තයට එරෙහිව එංගලන්තයේ බෙකන්හැම්හිදී අද (23 වැනිදා) පැවැති දෙවැනි නිල නොවන එක්දින ක්‍රිකට් තරගයෙන් කඩුලු 9 ක පහසු ජයක් අතර ගැනී...
මාලිංග ශ්‍රී ලංකා පිලට එක්වෙයි...
2017-05-24 17:00:33
එංගලන්තයේදී ලබන 01 වැනිදා ආරම්භ වන ‘අයි.සී.සී. ශූරයන්ගේ කුසලාන’ ක්‍රිකට් තරගාවලියට සහභාගි වන ශ්‍රී ලංකා සුපිරි වේග පන්...
ස්කොට්ලන්තය ශ්‍රී ලංකාව පරදවයි...
2017-05-22 13:05:22
ආරම්භක පිතිකරුවන් වූ කයිල් කොයිට්සර් සහ මැතිව් ක්‍රොස් දෙදෙනාම ශතක ලබාගැනීම නිසා ජවය ලද ස්කොට්ලන්ත ක්‍රීඩකයෝ ශ්‍රී ලංකා කණ්ඩාය...
ශ්‍රී ලංකාව පහළට ඇද වැටීමේ අවදානමක්...
2017-05-24 18:48:02
මැලේසියාවේ ඉපෝ නුවරදී අවසන් වූ ආසියානු පළමු කොටසේ රග්බි තරගාවලියේදී ආසියානු ශ්‍රේණිගත කිරීමේ සිවුවැනි ස්ථානයේ පසු වූ ශ්‍රී ලංකාව ශ...