. මීගොඩ පාපැදි ශූරයා අවිශ්ක | කෙළිමඬල
2017 මාර්තු මස 29 වැනි බදාදා
මීගොඩ පාපැදි ශූරයා අවිශ්ක
2017-02-06 18:12:56 | නාමල් පතිරගේ

මීගොඩදී පෙරේදා (4 වැනිදා) පැවැති කිලෝමීටර 140ක නිදහස් සමරු රේසින් පාපැදි තරගයේ ජය ප්‍රවීණ පාපැදි ශූරයෙකු වන අවිශ්ක මැඩොන්සාට හිමිවිය. තරගකරුවෝ 129 දෙනකුගේ සහභාගිත්වයෙන් පැවති මෙම තරගය ඉන් 55 දෙනෙකු නිමාවට පත් කළ අතර දිනුම් කණුව කරා දෙවැනි තරගකරුට වඩා තත්ත්පර 10කට කලින් ළඟාවූ ජයග්‍රාහී මැඩොන්සාගේ තරග නිමි කාලය පැය 2 විනාඩි 53 තත්ත්පර 57ක් ලෙස සටහන් විය.

මෙම වසරේදී ශ්‍රී ලංකා පාපැදි සම්මේලනය මෙහෙයවූ පළමු ශ්‍රේණිගත රේසින් පාපැදි සවාරිය මෙය වූ අතර ඊට සහභාගි වූ දකුණු ආසියාවේ වේගවත්ම පාපැදි ධාවකයා ලෙස සැලකෙන ජීවන් ජයසිංහ තරග අවසන් භාගය දක්වා මුල් තරගකරුවන්ගේ පොකුරේ පැමිණියත් ඔහුගේ පාපැදියේ අසුන කැඩීයාම නිසා ඔහුට තරගයෙන් ඉවත්වීමට සිදුවිය.

මීගොඩ ආර්ථික මධ්‍යස්ථානයේ වෙළෙඳ ව්‍යාපාරික ප්‍රජාවගේ අනුග්‍රහය හා සහයෝගයෙන් පැවති මෙම පාපැදි සවාරියේ ජයග්‍රාහී මැඩොන්සාට රුපියල් 75000ක ත්‍යාගයක් ප්‍රදානය කෙරිණි.

දෙවනි, තෙවැනි හා සිව්වැනි ස්ථාන සඳහා රුපියල් 50000, 40000, 30000ක් පරිදිද එතැන්
සිට 30 වැනි ස්ථානය දක්වා රුපියල් 5000ක් වන තෙක් තවත් මුදල් ත්‍යාග රැසක් මෙම පාපැදි තරගයේදී ප්‍රදානය කෙරුණි.

පළමු තැන ගත් මැඩොන්සා වයස 23න් පහළ කාණ්ඩයේ ජාතික ශූරයා වන අතර නොබෝදා අනුරාධපුරයේදී පැවති පොදු රාජ්‍ය මණ්ඩල ආසියානු ක්‍රීඩා උළෙල තේරීමේ තරගයේ වේගවත්ම ක්‍රීඩකයා බවටද පත් විය.


මීගොඩ පාපැදි (රේසින්) සවාරියෝ (කිලෝමීටර් 140) ජයග්‍රාහකයෝ.

1 අවිෂ්ක මැඩොන්සා (නාවික හමුදාව - පැය 2 විනාඩි 53 තත්ත්පර 57)
2 බුද්ධික වර්ණකුලසූරිය (ගුවන් හමුදාව - 2.54.10)
3 ප්‍රගීත් සිල්වා (ගුවන් හමුදාව - 2.54.14)
4 දේව් නුගේරා (ගුවන් හමුදාව)
5 අසේන් තාරුක (ගුවන් හමුදාව)
6 ලක්‍ෂ්මන් විජේරත්න (යුද හමුදාව)
7 සී.එම්. විරාජ් (වරාය අධිකාරිය)
8 චාමික සඳුන්කුමාර (වරාය අධිකාරිය)
9 නිෂාන්ත පෙරේරා (දෙහිවල - ගල්කිස්ස)
10 සම්පත් වීරසිංහ (යුද හමුදාව)

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :

ඉසිපතනයට තියුණු ජයක්...
2017-03-26 21:48:55
අන්තර් පාසල් වයස 20 න් පහළ රග්බි ලීග් තරගාවලියේ ඊයේ (25 වැනිදා) රාජකීය විදුහල් ක්‍රීඩා සංකීර්ණයේදී පැවැති තරගයේදී ලකුණු 22-17 ක් ලෙස ක...
පිටපාරේ ගිය ක්‍රීඩකයාටත් කුසලානයක්...
2017-03-22 19:34:55
‘ලයන්ස් ටොප් ස්පීඞ්’ මෝටර් රථ සහ යතුරුපැදි තරගාවලියේදී අනතුරුදායක අන්දමින් මෝටර් රථය පැදවූ නවක ක්‍රීඩකයකු ජයග්‍රාහකයෙක...
ධර්මරාජයට දැවැන්ත ජයක්...
2017-03-26 21:54:36
අන්තර් පාසල් වයස 20 න් පහළ රග්බි ලීග් තරගාවලියේ ඊයේ (25 වැනිදා) බෝගම්බරදී පැවැති තරගයේදී ලකුණු 45-12 ක් ලෙස කොළඹ ඩී. එස්. සේනානායක විදුහල පරාජය කිර...
විජයබාහු ධාවනපථයට තරගකරුවෝ 80 ක් ...
2017-03-28 20:04:26
ශ්‍රී ලංකා යුද හමාදාවේ විජයබාහු පාබල රෙජිමේන්තුව, ශ්‍රී ලංකා රේසිං යතුරුපැදි කරුවන්ගේ සංගමය සමග එක්ව 15 වැනි වරටත් සංවිධානය කරන &l...