. සනායා - දෙව්මිත් - අයිලා ද්විත්ව ශූරතා දිනති | කෙළිමඬල
2017 ජූලි මස 26 වැනි බදාදා
සනායා - දෙව්මිත් - අයිලා ද්විත්ව ශූරතා දිනති
2017-02-09 21:25:38 | ශානුක අරවින්ද

කොළඹ දිස්ත්‍රික් මේසපන්දු සංගමය සංවිධානය කළ මේසපන්දු තරගාවලියේදී ද්විත්ව ශූරතා දිනාගැනීමට සනායා බුද්ධදාස, දෙව්මිත් වීරසේන සහ අයිලා චිට්ටි යන ක්‍රීඩික ක්‍රීඩිකාවෝ සමත් වූහ.

වයස 12 න් පහළ බාලිකා ශූරතාව දිනාගත් කොළඹ විශාකා විදුහලේ සනායා බුද්ධදාස ඉන් නොනැවතී විවෘත කාන්තා ශූරතාවද දිනාගනිමින් ද්විත්ව ජයග්‍රහණයකට හිමිකම් කීවාය. වයස 15 න් පහළ අවසන් මහ තරගයේදී කොළඹ කාන්තා විදුහලේ අයිලා චිට්ටි හමුවේ පරාජය වීම නිසා සනායාට ත්‍රිත්ව ශූරතාවක් අත්කර ගැනීමට තිබූ අවස්ථාව මඟහැරීණ. අයිලා චිට්ටි ද්විත්ව ජයග්‍රහණයකට හිමිකම් කීවේ වයස 15 න් පහළ සහ 18 න් පහළ බාලිකා ශූරතා දිනාගනිමිනි.

වයස 15 න් පහළ සහ 18 න් පහළ බාලක ශූරතා දෙකම තමන් සතුකර ගැනීමට නුගේගොඩ ලයිසියම් ජාත්‍යන්තර පාසල දෙව්මිත් වීරසේන සමත් විය. එම වයස් කාණ්ඩ දෙකේම අවසන් මහ තරග වලදී දෙව්මිත් හමුවේ ගල්කිස්ස සාන්ත තෝමස් විදුහලේ සවරේ චිට්ටි පරාජයට පත් විය.

තරගාවලියේ විවෘත පිරිමි ශූරතාව දිනාගැනීමට නාවික හමුදාවේ තරිඳු පෙරේරා සමත් විය. අවසන් මහ තරගයේදී කොළඹ රාජකීය විදුහලේ සුපුල් වික්‍රමසිංහ පරාජය කරමින් එහිදී ඔහු ශූරතාව ලැබීය.

ගල්කිස්ස ශාන්ත තෝමස් විදුහල් ගෘහස්ත ක්‍රීඩාංගණයේදී පැවැති මෙම තරගාවලිය සඳහා කොළඹ දිස්ත්‍රික්කයේ පාසල් සහ ක්‍රීඩා සමාජ නියෝජනය කරමින් ක්‍රීඩක ක්‍රීඩිකාවෝ රැසක් සහභාගී වූහ.

අවසන් තරග ප්‍රතිඵල (බාලක)

■    වයස 8 න් පහළ
සෙතික් දින්සර (කොළඹ ආනන්ද විදුහල) විසින් තරග වට 2-1 ක් ලෙස ෂිනාල් අමරතුංග (කොළඹ රාජකීය විදුහල) පරාජය කරන ලදි. (09/11, 11/06, 13/11)

■    වයස 10 න් පහළ
දුල්කිත ජයරත්න (කොළඹ ආනන්ද විදුහල) විසින් තරග වට 2-0 ක් ලෙස ශලුක මතීෂ (කොළඹ ආනන්ද විදුහල) පරාජය කරන ලදි. (11/09, 11/04)

■    වයස 12 න් පහළ
ඔෂාන් සෙනරතාරච්චි (කොළඹ රාජකීය විදුහල) විසින් තරග වට 3-2 ක් ලෙස සඳින් මෙත්මල් (කොළඹ රාජකීය විදුහල) පරාජය කරන ලදි. (10/12, 09/11, 11/06, 11/07, 12/10)

■    වයස 15 න් පහළ
දෙව්මිත් වීරසේන (නුගේගොඩ ලයිසියම් ජාත්‍යන්තර පාසල) විසින් තරග වට 3-2 ක් ලෙස සවරේ චිට්ටි (ගල්කිස්ස සාන්ත තෝමස් විදුහල) පරාජය කරන ලදි. (11/09, 03/11, 08/11, 13/11, 11/06)

■    වයස 18 න් පහළ
දෙව්මිත් වීරසේන (නුගේගොඩ ලයිසියම් ජාත්‍යන්තර පාසල) විසින් තරග වට 3-1 ක් ලෙ සවරේ චිට්ටි (ගල්කිස්ස සාන්ත තෝමස් විදුහල) පරාජය කරන ලදි. (08/11, 11/09, 11/09, 12/10)

අවසන් තරග ප්‍රතිඵල (බාලිකා)

■    වයස 8 න් පහළ
සස්මි නෙහන්සා (ගොඩගම සුභාරතී මහාමාත්‍ය විදුහල) විසින් තරග වට 2-1 ක් ලෙස මෙකල්‍යා ප්‍රනාන්දු (කොළඹ මියුසියස් විදුහල) පරාජය කරන ලදි. (09/11, 11/09, 11/08)

■    වයස 10 න් පහළ
සිත්මි සේයා (කොළඹ මියුසියස් විදුහල) විසින් තරග වට 2-0 ක් ලෙස සඳින්තී ජයසිංහ (කොළඹ මියුසියස් විදුහල) පරාජය කරන ලදි. (12/10, 11/04)

■    වයස 12 න් පහළ
සනායා බුද්ධදාස (කොළඹ විශාකා විදුහල) විසින් තරග වට 3-0 ක් ලෙස ඔනෙලි ලෙහන්සා (කොළඹ මියුසියස් විදුහල) පරාජය කරන ලදි. (11/07, 11/04, 11/04)

■    වයස 15 න් පහළ
අයිලා චිට්ටි (කොළඹ කාන්තා විදුහල) විසින් තරග වට 3-2 ක් ලෙස සනායා බුද්ධදාස (කොළඹ විශාකා විදුහල) පරාජය කරන ලදි. (09/11, 11/04, 11/05, 10/12, 11/03)

■    වයස 18 න් පහළ
අයිලා චිට්ටි (කොළඹ කාන්තා විදුහල) විසින් තරග වට 3-1 ක් ලෙස විලන්‍යා දුල්මිනි (කොළඹ විශාකා විදුහල) පරාජය කරන ලදි. (09/11, 11/06, 11/09, 11/08)

විවෘත තරග ප්‍රතිඵල

■    විවෘත පිරිමි
තරිඳු පෙරේරා (නාවික හමුදාව) විසින් තරග වට 3-0 ක් ලෙස සුපුල් වික්‍රමසිංහ (කොළඹ රාජකීය විදුහල) පරාජය කරන ලදි.

■    විවෘත කාන්තා
සනායා බුද්ධදාස (කොළඹ විශාකා විදුහල) විසින් තරග වට 3-0 ක් ලෙස අයිලා චිට්ටි (කොළඹ කාන්තා විදුහල) පරාජය කරන ලදි.

 

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාවන් නොකියා කියූ කතාව...
2017-07-23 00:05:08
වසර 32 ක කාලයක් පුරා, කිසිදු සැක සංකාවකින් තොරවම, පාසල් ක්‍රිකට් ක්‍රීඩකයන්ගේ සම්මාන උළෙල වාර්ෂිකව දැකගත හැකිවිය. එය ශ්‍රී ලංක...
වසර 38 ක ඉතිහාසයේ සුවිශේෂී කඩයිම.......
2017-07-23 00:11:56
වසර 38 ක ඉතිහාසයකට උරුමකම් කියන වසරේ විශිෂ්ටතම පාසල් ක්‍රිකට් ක්‍රීඩකයා තේරීමේ තරගයේ සුවිශේෂී සන්ධිස්ථානයක් සනිටුහන් කරමින් පළමු ව...
දේශපාලන න්‍යායපත්‍රයක් නැති පරිපාලනයක් ඕනෑ ...
2017-07-20 11:45:25
ලෝකයේ බොහෝ ප්‍රසිද්ධ ක්‍රීඩාවන්ට මුල් තැනක් හිමි ප්‍රංශය ක්‍රිකට් ක්‍රීඩාව හඳුනන්නේ නැත. ලෝකයේ සුප්‍රසිද්ධ ක්‍...
පුහුණු තරගය අතරමැද දී අතහැර දමයි...
2017-07-22 17:50:25
ශ්‍රී ලංකා ක්‍රිකට් සභාපතිගේ පිල සහ ඉන්දියාව අතර සී.සී.සී. ක්‍රීඩාංගණයේදී පැවැති දෙදින පුහුණු තරගය අතරමැදදී අතහැර දැමීමට දෙපිල...