. සී. ආර්. පිලට තියුණු ජයක් | කෙළිමඬල
2018 ජූනි මස 23 වැනි සෙනසුරාදා
සී. ආර්. පිලට තියුණු ජයක්
2017-02-12 17:32:19 | .

අවසන් මොහොතේ නලීන් කුමාර සාර්ථක කරගත් දඬුවම් පහරට පින්සිදු වන්නට සී. ආර්. ඇන්ඞ් එෆ්. සී. ක්‍රීඩා සමාජය අන්තර් සමාජ පළමුපෙළ ලීග් රග්බි තරගාවලියේ සිය අවසන් තරගයෙන් පොලිස් ක්‍රීඩා සමාජය ලකුණු 23-22කින් පරදවා තියුණු ජයක් අත්කර ගත්තේය.

තරගයේ අවසන් මොහොත වනවිට ලකුණු 22-20 කින් පෙරමුණ ගෙන ජයග්‍රහණයේ එළිපත්තේ සිටි පොලිස් පිලට මීටර් 40 ක දුරකින් සිට නලීන් කුමාර දඬුවම් පහර සාර්ථක කරගැනීමත් සමග ආපසු හැරෙන්නට සිදුවිය.

අෂාන් ඩි කොස්තාගේ උත්සාහක දිනුමකින් ලකුණු ලබාගැනීම ආරම්භ කළ සී.ආර්.පිල මිනිත්තු 5 ක් ඇතුළත පිට පිට උත්සාහක දිනුම් 2 ක්ම තැබීමට සමත්වූ අතර ගයාන් ජයමාන්න තැබූ එම උත්සාහක දිනුමත් සමග ලකුණු 10-0 කින් ඉදිරියට ගියේය. අවස්ථා 2 දීම එය ගෝල බවට පත් කිරීමට ප්‍රින්ස් චාමර සමත්වූයේ නැත.

ඊට මිනිත්තු 10 කට පසුව රදීෂ සෙනෙවිරත්න තැබූ අගනා උත්සාහක දිනුමක් ගෝලයක් බවට පත් කළ රාජිත සන්සෝනි පොලිස් පිලට ලකුණු 7 ක් ගෙන දීමට සමත්විය. අනතුරුව දඬුවම් පහරක් සාර්ථක කරමින් ලකුණු සංඛ්‍යාව 10-10 කින් සමකර ගැනීමට පොලිස් පිලේ සන්සෝනි සමත්වූවත් කවිඳු පෙරේරා තැබූ උත්සාහක දිනුමක් ගෝලයක් බවට පත් කළ ප්‍රින්ස් චාමර විසින් සී.ආර්. පිල ලකුණු 17-10 කින් ඉදිරියට තල්ලු කරන ලදි.

එහෙත් තරගයේ 30 වැනි මිනිත්තුවේ දී සිය දෙවැනි උත්සාහක දිනුම තැබූ රදීෂ සෙනෙවිරත්න පොලිස් පිලේ ලකුණු සංඛ්‍යාව 15 දක්වා ඉහළ දැමීමට සමත්වූ අතර පළමු භාගය නිමාවීමට මොහොතකට පෙර ජොයෙල් පෙරේරා තැබූ උත්සාහක දිනුමක් ගෝලයක් බවට පත් කළ ප්‍රින්ස් චාමර පොලිස් පිල ලකුණු 22-17කින් පෙරමුණට තබා පළමු භාගය නිමා කරගත්තේය.

තරගයේ 55 වැනි මිනිත්තුවේ දි ලද දඬුවම් පහරක් සාර්ථක කරගත් නලින් කුමාර සී.ආර්.පිලේ ලකුණු සංඛ්‍යාව 20 දක්වා ඉහළ දැමීමෙන් පසුව අන්තිම මොහොත දක්වා දෙපිලම ලකුණු පිපාසයෙන් උණුසුම් සටනක නිරතවූහ.  

 

- 066

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...