. ක්ලිෆර්ඩ් කුසලාන තරග 17 දා ඇරඹෙයි | කෙළිමඬල
2018 අපේ‍්‍රල් මස 22 වැනි ඉරිදා
ක්ලිෆර්ඩ් කුසලාන තරග 17 දා ඇරඹෙයි
2017-02-14 20:13:05 | .

දේශීය රග්බි පිටියේ විශිෂ්ටයන්ගේ තරගාවලිය ලෙස සැලකෙන ක්ලිෆර්ඞ් කුසලාන පිළිමළුන් පිටුදැකීමේ රග්බි තරගාවලිය මේ මස 17 වැනිදා ඇරැඹේ. රග්බි පිටියේ ප්‍රබලතම කණ්ඩායම් 8 ක් තරග වදින මේ තරගාවලියට ලීග් ශූරයන් වන මහනුවර ක්‍රීඩා සමාජය, ලීග් අනුශූරතාව දිනූ හැව්ලොක්ස් ක්‍රීඩා සමාජය, සී.ආර්.ඇන්ඞ් එෆ්.සී. ක්‍රීඩා සමාජය, යුද හමුදා ක්‍රීඩා සමාජය, ගුවන් හමුදා ක්‍රීඩා සමාජය, නාවික හමුදා ක්‍රීඩා සමාජය, පොලිස් ක්‍රීඩා සමාජය සමග සී.එච්. ඇන්ඞ් එෆ්.සී. ක්‍රීඩා සමාජය තරග වදිති.


අන්තර් සමාජ පළමුපෙළ ලීග් රග්බි තරගාවලියේ  දෙවැනි කොටස ලෙස අර්ධ අවසන් පූර්ව වටයේ සිට පැවැත්වෙන මේ තරගාවලිය මහනුවර ක්‍රීඩා සමාජය සහ සී.එච්. ඇන්ඞ් එෆ්.සී. ක්‍රීඩා සමාජය අතර නිත්තවෙල පැවැත්වෙන තරගයෙන් ආරම්භ වන අතර එදිනම සී.ආර්. ඇන්ඞ් එෆ්.සී. ක්‍රීඩා සමාජය සහ ගුවන් හමුදා ක්‍රීඩා සමාජය අතර තරගය කොළඹ තුරඟ තරග පිටියේ දී පැවැත්වෙයි.


අවසන් පූර්ව වටයේ තරග පෙබරවාරි මස 22 සහ 23 දෙදින පැවත්වෙන අතර අවසන් මහා තරගය 26 වැනිදා පැවැත්වීමට නියමිතය.


පසුගිය වසරේ තරගාවලියේ දී සී.ආර්. කණ්ඩායම පරදවා කුසලානය දිනාගත් මහනුවර ක්‍රීඩා සමාජය ක්ලිෆර්ඞ් කුසලානය වැඩිම වාර ගණනකදී දිනාගත් කණ්ඩායම බවට පත්වූයේ 19 වැනි වරටය. සී.ආර්.කණ්ඩායම 14 වරක් කුසලානය දිනා ඇති අතර හැව්ලොක්ස් ක්‍රීඩා සමාජය අවස්ථා 13කදී ක්ලිෆර්ඞ් කුසලානය අත් කරගත්තේය.


පොලිස් ක්‍රීඩා සමාජය ක්ලිෆර්ඞ් කුසලානයට හිමිකම් කී අවස්ථා ගණන 8 ක් වන අතර සී.එච්. පිල වාර 7 කදි මේ කුසලානයට හිමිකම් කීවේය. යුද හමුදා පිල 2 වතාවක් ද, ගුවන් සහ නාවික හමුදා පිල එක් අවස්ථාවක දී ද ක්ලිෆර්ඞ් කුසලානය දිනාගෙන තිබේ.

 
තරග කාලසටහන

පෙබරවාරි 17

■    මහනුවර ක්‍රීඩා සමාජය සහ සී.එච්.ඇන්ඞ් එෆ්.සී. ක්‍රීඩා සමාජය අතර නිත්තවෙල පිටියේදී

■    සී.ආර්. ඇන්ඞ් එෆ්.සී. ක්‍රීඩා සමාජය සහ ගුවන් හමුදා ක්‍රීඩා සමාජය අතර කොළඹ තුරඟ තරග පිටියේදී

 

පෙබරවාරි 18

■    හැව්ලොක්ස් ක්‍රීඩා සමාජය සහ පොලිස් ක්‍රීඩා සමාජය අතර කොළඹ තුරඟ තරග පිටියේදී

 

පෙබරවාරි 19

■    නාවික හමුදා ක්‍රීඩා සමාජය සහ යුද හමුදා ක්‍රීඩා සමාජය අතර කොළඹ තුරඟ තරග පිටියේදී

 

පෙබරවාරි 22 -23 අවසන් පූර්ව වටය

 

පෙබරවාරි 26 අවසන් මහා තරගය

 

- 066

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...