. ලේකම් - ප්‍ර.වි.නි විධායක සභාවේදී ගැටෙති | කෙළිමඬල
2018 ජූලි මස 16 වැනි සඳුදා
ලේකම් - ප්‍ර.වි.නි විධායක සභාවේදී ගැටෙති
2017-02-17 21:37:06 | නාමල් පතිරගේ

ශ්‍රී ලංකා පාපන්දු සම්මේලනයේ පසුගියදා පැවැති විධායක රැස්වීම උණුසුම් මුහුණුවරක් ගෙන තිබේ. ඊට හේතු වූයේ පාපන්දු සම්මේලනයේ ලේකම් බාලේන්ද්‍ර ඇන්තනී මහතා හා එහි ප්‍රධාන විධායක නිලධාරි ජස්බර් උමාර් මහතා අතර කාලයක් තිස්සේ ඇතිවී තිබෙන බලඅරගලය ගැටුමක් බවට පත්වීමෙනි.

පාපන්දු සම්මේලනයේ මීළඟ නිලවරණයේදී සභාපති ධුරයට තරග වදින බව ප්‍රකාශ කර තිබෙන බාලේන්ද්‍ර ඇන්තනී මහතා එහිදී චෝදනා මුඛයෙන් ප්‍රකාශ කර ඇත්තේ තමන්ට ප්‍රධාන ලේකම් ධුරයේ බලතල ක්‍රියාත්මක කිරීමට නොදී ප්‍රධාන විධායක නිලධාරියා දිගින් දිගටම බලපෑම් කරන බවයි. විධායක නිලධාරි ධුරය නොව ප්‍රධාන ලේකම් ධුරය පාපන්දු සම්මේලනයේ වඩාත් උත්තරීතර වන බැවින් ජස්බර් මහතාට ඒ ආකාරයෙන් තමන්ට කිසිසේත් බලපෑම් කළ නොහැකි බව එහිදී ඇන්තනී මහතා වැඩිදුරටත් පවසා තිබේ.

කෙසේ වුවත් ජස්බර් මහතා එම චෝදනාව ප්‍රතික්ෂේප කරමින් කියා ඇත්තේ පාපන්දු සම්මේලනයේ ව්‍යවස්ථාවෙන් තමන්ට හිමි බලතල ක්‍රියාත්මක කිරීමේදී ප්‍රධාන ලේකම්වරයා තමන් සමග අනවශ්‍ය ගැටුමකට පැමිණ තිබෙන බවය.

පාපන්දු විධායක සභාවේදී එළඹෙන පාපන්දු සම්මේලනයේ නිලවරණය පිළිබඳව සාකච්ඡා කෙරී තිබේ. එහෙත් ක්‍රීඩා අමාත්‍යාංශය ක්‍රීඩා රෙගුලාසි නව සංශෝධනය ගැසට් කර ප්‍රසිද්ධ කරන තුරු ඒ සම්බන්ධයෙන් අවසන් තීරණයකට පැමිණීම අපහසු බව එහිදී විධායක සභිකයන් බහුතරයක් පෙන්වා දී තිබේ.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගේ දස්කම් අපතේ යයි ...
2018-07-09 18:38:07
කැනඩාවේදී පැවැත්වෙන ග්ලෝබල් විස්සයි20 ක්‍රිකට් තරගාවලියේ 15 වැනි තරගය ලෙස ලසිත් මාලිංග නායකත්වය දරන මොන්ට්‍රේල් ටයිගර්ස් කණ්ඩායමට ...
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...