. සී. ආර්. පිලට තියුණු ජයක් | කෙළිමඬල
2018 ජූනි මස 23 වැනි සෙනසුරාදා
සී. ආර්. පිලට තියුණු ජයක්
2017-02-19 21:04:14 | .

පෙරළිකාර ගුවන් හමුදා පිලට එරෙහිව ලකුණු 36-33 ක තියුණු ජයක් වාර්තා කළ සී.ආර්.ඇන්ඞ් එෆ්.සී. ක්‍රීඩා සමාජය ක්ලිෆර්ඞ් කුසලාන පිළිමලුන් පිටුදැකීමේ රග්බි තරගාවලියේ මහනුවර පිලට එරෙහිව අවසන් පූර්ව වටයේ තැනක් වෙන් කරගත්තේය.

කොළඹ තුරඟ තරග පිටියේ ඊයේ පස්වරුවේ පැවැති මේ තරගයට සටන්කාමී අයුරින් එක්වූ ගුවන් හමුදා පිල අවසන් මොහොත වෙද්දී ලකුණු 33-29කින් පෙරමුණේ පසුවූයේ ජයග්‍රහණය පෙනි පෙනීය. එහෙත් නලීන් කුමාර තැබූ අගනා උත්සාහක දිනුමත්, කවිඳු ඩි කොස්තා එය සාර්ථකව ගෝලයක් බවට පත් කිරීමත් නිසා නොතිබූ ජයග්‍රහණයක් අත්පත් කරගැනීමට සී.ආර්.පිල සමත්විය.

තරගයේ ආරම්භයේදීම කදිම උත්සාහක දිනුමක් තැබූ නායක ගයන්ත ඉද්දමල්ගොඩ එය ගෝලයක් බවට පත් කරමින් ගුවන් හමුදා පිල ලකුණු 7-0-කින් ඉදිරියට ගෙන ගිය අතර ඊට මිනිත්තු කිහිපයකට පසුව දඬුවම් පහරක් සාර්ථක කරගත් නලීන් කුමාර සී.ආර්.පිලට ලකුණු 3ක් ගෙන දුන්නේය.

ඊට මොහොතකට පසුව පිට පිට උත්සාහක දිනුම් 2ක් තැබූ කවිඳු පෙරේරා සී.ආර්.පිලට ලකුණු 17-7කින් පෙරමුණ ගෙන දුන්නේ එම උත්සාහක දිනුම් 2ම නලීන් කුමාර විසින් ගෝල බවට පත් කරනු ලැබීමෙනි.

එහෙත් පළමුභාගය නිමාවීමට පෙර සුපුන් මධුසංඛ තැබූ උත්සාහක දිනුමෙන් ලකුණු පරතරය 17-12කින් අඩු කිරිමට ගුවන් හමුදා පිලට හැකිවිය.

දෙවැනි භාගයේ ආරම්භයේදී සෂාන් මොහොමඞ් තැබූ උත්සාහක දිනුමකින් ලකුණු 22-12කින් ඉදිරියට ගිය රතුබැනියම් කාරයන්ට දැඩි අභියෝගයක් එල්ල කළ අංජන විනෝද් විශිෂ්ට උත්සාහක දිනුමක් තැබීමට සමත්වූ අතර එය ගෝලයක් බවට පත් කළ ඉද්දමල්ගොඩ ගුවන් හමුදා පිලේ ලකුණු සංඛ්‍යාව 19 දක්වා ඉහළට ඔසවා තැබුවේය. ඉන් නොනැවතුණු හෙතෙම රතුබැනියම් කාරයන් අන්දමන්ද කරමින් පිට පිට උත්සාහක දිනුම් 2ක්ම තැබූ අතර ඔහු විසින්ම එම උත්සාහක දිනුම් 2ම ගෝල බවට පත් කරමින් ගුවන් හමුදා පිල ලකුණු 33කින් ඉහළට ඔසවා තබද්දී රතුබැනියම් කාරයන් සිටියේ ලකුණු 22දීය.

කෙසේවුවත් ඊට මොහොතකට පසුව පණ්ඩුක අංගම්මනගේ තැබූ කදිම උත්සාහක දිනුමක් ගෝලයක් බවට පත් කළ නලීන් කුමාර සී.ආර්.පිලේ ලකුණු සංඛ්‍යාව 29 දක්වා ඉහල දැමීමට සමත්විය.

 

- 066

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...