. ධර්මසේන - රණවීර යුගළ ශූරතාව දිනති | කෙළිමඬල
2018 අපේ‍්‍රල් මස 25 වැනි බදාදා
ධර්මසේන - රණවීර යුගළ ශූරතාව දිනති
2017-02-21 20:29:25 | ශානුක අරවින්ද

මීගමුව ටෙනිස් සංගමයේ සංවිධානයෙන් එම සංගම් ක්‍රීඩාංගණයේදී පැවැති විවෘත රෝද පුටු ටෙනිස් තරගාවලියේ පිරිමි යුගළ ශූරතාව දිනාගැනීමට ශ්‍රී ලංකාවේ ඩී. එස්. ධර්මසේන සහ ආර්. ඒ. රණවීර සමත් වූහ.

අවසන් මහ තරගයේදී තරග වට 2-0 ක් ලෙස ප්‍රංශයේ ඬේවිඞ් ඩැල්මසෝ සහ ඕස්ට්‍රේරලියාවේ ස්ටීවන් රොචෙකොස්ට් පරාජය කරමින් ධර්මසේන සහ රණවීර ශූරතාවට හිමිකම් කීහ. එම තරගයේ ලකුණු තත්ත්වය 6/2 ක් සහ 6/2 ක් ලෙස සටහන් විය.

අවසන් පූර්ව වටයේදී තරග වට 2-0 ක් ලෙස (7/5, 6/1) ශ්‍රී ලංකාවේ ප්‍රධානතම රෝද පුටු ටෙනිස් ක්‍රීඩකයන් දෙදෙනා වන ගාමිණී දිසානායක සහ උපාලි රාජකරුණා පරාජය කරමින් ධර්මසේන සහ රණවීර අවසන් මහ තරගයට සුදුසුකම් ලබාගත්හ. ඩැල්මසෝ සහ රොචෙකොස්ට් අවසන් මහ තරගයට සුදුසුකම් ලබාගත්තේ තරග වට 2-1 ක් ලෙස (4/6, 6/4, 10/7) මැලේසියාවේ සකුවාන් ඇරිෆින් සහ සමා බෝර්හාන් පරාජය කරමිනි.

මෙම තරගාවලියේ මූලික වටය සඳහා කණ්ඩායම් 12 ක් සහභාගි වූ අතර ඊට ශ්‍රී ලංකාව නියෝජනය කරමින් කණ්ඩායම් 8 ක්ද, මැලේසියාව නියෝජනය කරමින් කණ්ඩායම් 2 ක්ද, දකුණු අප්‍රිකාව නියෝජනය කරමින් එක් කණ්ඩායමක්ද, ප්‍රංශය සහ ඕස්ට්‍රේරලියාව නියෝජනය කරමින් එක් කණ්ඩායමක්ද ඇතුලත් විය.

මෙම තරගාවලියේ කේවල පිරිමි ශූරතාව දිනාගැනීමට ප්‍රංශයේ ඬේවිඞ් ඩැල්මසෝ සමත් වූ අතර ශ්‍රී ලංකාවේ ගාමිණි දිසානායක තරග වට 3-1 ක් ලෙස (6/1, 3/6, 11/9) අවසන් මහ තරගයේදී ඩැල්මසෝ හමුවේ පරාජයට පත් විය. කේවල තරගාවලිය සඳහා දෙස් විදෙස් ක්‍රීඩකයෝ 32 ක් සහභාගි වූහ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
කොල්කටා පිලට කඩුලු 7 ක ජයක්...
2018-04-18 20:08:08
අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...