. ආරක්‍ෂිත වැටට ලක්‍ෂ 50 ක් දීම ප්‍රතික්ෂේප කරයි | කෙළිමඬල
2018 ජනවාරි මස 16 වැනි අගහරුවාදා
ආරක්‍ෂිත වැටට ලක්‍ෂ 50 ක් දීම ප්‍රතික්ෂේප කරයි
2017-02-26 21:28:48 | නාමල් පතිරගේ

අන්තර්ජාතික පාපන්දු සම්මේලනයේ ප්‍රදානයක් ලෙස ලැබෙන ඇමරිකානු ඩොලර් ලක්ෂ පහක මුදලින් කෝට්ටේ බැද්දගානේ ඉදිවන කෘත්‍රිම පාපන්දු තණ තීරුවේ ආරක්ෂිත වැට ඉදිකිරීම සම්බන්ධයෙන් මේ වනවිට ශ්‍රී ලංකා පාපන්දු සම්මේලනයේ අර්බුදයක් පැන නැගී ඇතැයි වාර්තා වේ. රුපියල් මිලියන පහක වියදමින් ඉදිකිරීමට යෝජිත මෙම ආරක්ෂිත වැට සඳහා මුදල් අනුමත කිරීම පාපන්දු සම්මේලනයේ මූල්‍ය කමිටුව ප්‍රතික්ෂේප කිරීම එම තත්ත්වයට හේතුවී ඇතැයි පාපන්දු ආරංචි මාර්ග සඳහන් කරයි.

එහිදී ටෙන්ඩර් පටිපාටිය උල්ලංඝනය වන ආකාරයෙන් පාපන්දු සම්මේලනයේ ප්‍රධානින් කටයුතු කර ඇතැයි මූල්‍ය කමිටුව චෝදනා කරයි. පාපන්දු සම්මේලනයේ විධායක සභාවේ පූර්ණ අනුමැතියකින් තොරව එම ඉදිකිරීම සඳහා පුවත්පත් මගින් ටෙන්ඩර් කැඳවීම ටෙන්ඩර් පටිපාටිය උල්ලංඝනය කිරීමක් බවද මූල්‍ය කමිටුව එහිදී චෝදනා නගා තිබේ.

කෙසේ වුවත් පාපන්දු සම්මේලන ආරංචි මාර්ග සඳහන් කරන අන්දමට මූල්‍ය කමිටුවේ එකී චෝදනාවෙන් පසු අදාළ ඉදිකිරීම සඳහා සිය අනුමැතිය ඉල්ලමින් පාපන්දු සම්මේලනයේ ප්‍රධානින් විධායක සභාවේ සාමාජිකයන්ට මේ වනවිට විද්‍යුත් තැපෑල් පණිවුඩ යවා ඇතැයිද වැඩිදුරටත් වාර්තා වේ.

බැද්දගාන ජාතික පාපන්දු සංකීර්ණයට අයත් භූමිභාගයේ පිහිටි ක්‍රීඩාංගණයේ අන්තර්ජාතික පාපන්දු සම්මේලනයේ ආධාර ලබාගනිමින් කෘත්‍රිම තණ තීරුව ඇතිරීම මේ වන විටත් ආරම්භ කර තිබේ.

එය ශ්‍රී ලංකාවේ ඉදිවන කෘත්‍රිම තණ තීරුවක් සහිත පළමු පාපන්දු ක්‍රීඩාංගණය බවට පත්ව තිබේ. මින් පෙර ඒ සඳහා පාපන්දු සම්මේලනය තෝරාගෙන තිබුණේ හැව්ලොක් පෙදෙසේ “හෙන්රි පේද්‍රිස්” පිටිය වුවත් එහි ඉඩකඩ ප්‍රමාණවත් නොවීම නිසා ඒ සඳහා පසුව බැද්දගාන ක්‍රීඩාංගණය ලෝක පාපන්දු සමුළුවේ අනුමැතියෙන් නිර්දේශ කරනු ලැබීය.

විධායක සභාවේ අනුමැතිය ලබාගැනීමෙන් පසු ආරක්ෂිත වැට සඳහා මුදල් ලබාදීමට තමන් සූදානම් බව මේ වනවිට මූල්‍ය කමිටුවේ සභාපතිවරයා පාපන්දු සම්මේලනයේ සභාපතිවරයාට දැනුම් දී ඇතැයි ද වාර්තා වේ. පාපන්දු සම්මේලනයේ මූල්‍ය කමිටුවේ වත්මන් සභාපතිවරයා වන්නේ රංජිත් රුද්‍රිගු මහතාය.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායමට අලුත් මුහුණක් ...
2018-01-09 15:42:54
මේ මස 15 වැනිදා බංග්ලාදේශයේදී ආරම්භ වන තුන්කොන් ක්‍රිකට් තරගාවලිය සඳහා සහභාගි වන ශ්‍රී ලංකා සංචිතයට තවමත් එක්දින වරම් දිනා නොමැති ...
චන්දිමාල් ස්ථාන දෙකක් ඉහළට...
2018-01-10 13:33:08
ඉන්දියාව සහ දකුණු අප්‍රිකාව අතර තරගයත් ඕස්ට්‍රේලියාව සහ එංගලන්තය අතර තරගයත් අවසානයේ ශ්‍රේණිගත කිරීම් යාවත් කාලීන කිරීමෙන් අනතු...
හතුරුසිංහගෙන් එඩිතර ප්‍රකාශයක්...
2018-01-15 14:30:23
ශ්‍රී ලංකා කණ්ඩායම මේ වන විට බෙහෙවින් අයසට පත්ව සිටින කණ්ඩායමක් වූවත් ශ්‍රී ලංකා කණ්ඩායම පුහුණුකිරීමේ අභියෝගය තමන් සතුටින් බාරගන්න...
මෙන්ඩිස් - ලක්ෂාන් ශ්‍රී ලංකාව දිනවති...
2018-01-14 18:21:25
කාසියේ වාසිය දිනාගත් අයර්ලන්ත යොවුන් පිලේ නායක හැරී ටෙක්ටර් කීවේ විශාල ලකුණු සංඛ්‍යාවක් පුවරුවට එකතු කිරීමෙන් පසු ශ්‍රී ලංකා කණ්ඩා...