. බටහිර ආසියානු බේස්බෝල් ශූරතාව ශ්‍රී ලංකාවට | කෙළිමඬල
2018 අපේ‍්‍රල් මස 25 වැනි බදාදා
බටහිර ආසියානු බේස්බෝල් ශූරතාව ශ්‍රී ලංකාවට
2017-03-01 21:37:09 | ශානුක අරවින්ද

පාකිස්තානයේ ඉස්ලාමාබාද් නුවරදී පැවැති 13 වැනි බටහිර ආසියානු බේස්බෝල් තරගාවලියේ ශූරතාව දිනාගැනීමට ශ්‍රී ලංකාව අද (01 වැනිදා) සමත් විය. අවසන් මහ තරගයේදී ලකුණු 4-2 ක් ලෙස සත්කාරක පාකිස්තානය පරාජය කරමින් ශ්‍රී ලංකාව එම ශූරතාවට හිමිකම් කීවේය.

ජයග්‍රාහී ශ්‍රී ලංකා කණ්ඩායම නායකයා ලෙස අකලංක රණසිංහ කටයුතු කළ අතර සමීර රත්නායක එහි උප නායකත්වය දැරීය. ඉරේෂ් කෝසල, නිලංක කරුණාරත්න, සම්පත් රුවන් කුමාර, අසංක ලක්මාල්, ලසන්ත සංජීව, චරිත් හපුආරච්චි, සංජීව ජයරත්න, අරුණ ශාන්ත, සඳුන් මධුෂංක, තරිඳු මධුමාල්, සාලිය අනුරාධ, අවිෂ්ක ගුණසේකර, සුබාෂ් ගුණසිරි, නවීන් අනුරාධ, කෞෂල්‍ය ප්‍රබුද්ධ සහ අෂාන් වීරසේකර ශ්‍රී ලංකා කණ්ඩායම නියෝජනය කළ සෙසු ක්‍රීඩකයෝ වූහ.

මිලිඳු හේවගේ මහතා ප්‍රධන පුහුණුකරු ලෙසද, දිනේෂ් පෙරේරා මහතා කලමණාකරු ලෙසද කණ්ඩායමට එක්ව සිටි අතර ජපන් ජාතික හිදෙකි කොයාමා සහ කසුයා යාගි යන මහත්වරු කණ්ඩායමේ සහයක පුහුණුකරුවන් ලෙස කටයුතු කළහ.

අවසන් පූර්ව වටයේදී ලකුණු 11-0 ක් ලෙස නේපාලය පරාජය කරමින් ශ්‍රී ලංකාව අවසන් මහ තරගයට සුදුසුකම් ලබාගත් අතර පාකිස්තානය අවසන් මහ තරගයට සුදුසුකම් ලබාගත්තේ ලකුණු 11-0 ක් ලෙස ඉරානය පරාජය කරමිනි.

ශ්‍රී ලංකාව, පාකිස්තානය, ඉන්දියාව, ඉරානය, ඉරාකය සහ නේපාලය යන රටවල් මෙම තරගාවලියට සහභාගි විය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
කොල්කටා පිලට කඩුලු 7 ක ජයක්...
2018-04-18 20:08:08
අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...