. චාමික සඳුන් පළමු අදියර ජයගනී | කෙළිමඬල
2018 පෙබරවාරි මස 18 වැනි ඉරිදා
චාමික සඳුන් පළමු අදියර ජයගනී
2017-03-04 15:35:44 | ශානුක අරවින්ද

ශ්‍රී ලංකා ගුවන් හමුදාවේ 66 වැනි සංවත්සරය නිමිත්තෙන් ශ්‍රී ලංකා පාපැදි සම්මේලනය සමග එක්ව සංවිධානය කරන 18 වැනි ගුවන් හමුදා පාපැදි සවාරියේ පළමු අදියර ජයගැනීමට වරාය අධිකාරියේ චාමික සඳුන් කුමාර සමත් විය. තරගය නිමා කළ පළමු තරගකරුවන් 12 අතරින් ආරක්ෂක අංශයන්ට අයත් නොවන එකම ක්‍රීඩකයා වූයේද චාමික සඳුන් කුමාරය.

ගුවන් හමුදාවේ සමන්ත ලක්මාල් සහ නවීන් රුචිර පිළිවෙලින් පළමු අදියරේ දෙවැනි සහ තෙවැනි ස්ථාන හිමිකරගත්හ. පළමු පොකුරේ පැමිණි ක්‍රීඩකයන් 12 දෙනාම පැය 4.46:12 ක කාලයකින් තරගය නිමා කිරීම මෙහිදී කැපීපෙනෙන සිදුවීමක් විය.

අබාන්ස් ආයතනයේ අනුග්‍රහයෙන් පැවැත්වෙන මෙම පාපැදි සවාරියේ පළමු අදියර ඊයේ (3 වැනිදා) පෙරවරු 8.30 ට කොළඹ ගුවන් හමුදා මූලස්ථානය ඉදිරිපිටින් ආරම්භ වී පුත්තලම දක්වා කිලෝ මීටර් 128.2 ක දුරක් ගමන් කිරීමෙන් අනතුරුව අවසන් විය. පළමු අදියර සඳහා ත්‍රිවිධ හමුදාව, පොලිසිය සහ ක්‍රීඩා සමාජ රැසක් නියෝජනය කරමින් තරගකරුවන් 185 දෙනෙක් සහභාගි වූ අතර ඉන් 140 දෙනෙක් තරගය අවසන් කළහ.

මෙවර පාපැදි සවාරියට ඉන්දීය ගුවන් හමුදාවේ සහ පාකිස්තාන ගුවන් හමුදාවේ තරගකරුවන් පිරිසක්ද සහභාගි වූ අතර ඔවුන් අතරින් මංජිත් සිං 7 වැනියා ලෙස පළමු අදියර නිමා කිරීමට කැපී පෙනෙන සිදුවීමක් විය.

පළමු අදියර ජයගැනීමට චාමික සඳුන් කුමාර සමත් වුවද, එම අදියර අතරතුර පැවැති විශේෂ අවස්ථාවන් වලදී ලබාගත් ප්‍රසාද ලකුණු වල එකතුවට අනුව මේ වන විට සමස්ත තරගයේ පෙරමුණ ගැනීමට දෙවැනි ස්ථානය හිමිකරගත් සමන්ත ලක්මාල් සමත්ව සිටියි. ඒ අනුව සමස්ථ තරගයේ පෙරමුණ ගන්නා ක්‍රීඩකයාට හිමිවන කහ පැහැති බැනියම පැළඳ ලක්මාල් අද (5 වැනිදා) පැවැත්වෙන දෙවැනි අදියරට සහභාගි වීමට නියමිතය. දෙවැනි අදියර පුත්තලමේ සිට වව්නියාව දක්වා පැවැත්වෙන අතර එහි දුර කිලෝ මීටර් 138.5 කි.

දකුණු ආසියානු ක්‍රීඩා උළෙලේදී වේගවත්ම ක්‍රීඩකයා ලෙස රන් පදක්කම දිනූ ගුවන් හමුදාවේ ජීවන් ජයසිංහට හිමිවූවේ පළමු අදියරේ 13 වැනි ස්ථානයයි. දෙවැනි පොකුරේ පැමිණි ක්‍රීඩකයන් අතුරින් ඉදිරියෙන්ම තරගය නිමා කිරීමට ඔහු සමත් විය.

ඉකුත් වසරේ පැවැති ගුවන් හමුදා පාපැදි සවාරියේ සමස්ත ශූරතාව දිනාගත් ගුවන් හමුදාවේ අශේන් තාරකට මෙවර පාපැදි සවාරියේ පළමු අදියරේ 47 වැනි ස්ථානයෙන් සෑහීමකට පත් වීමට සිදුවිය.

 

පළමු අදියරේ ප්‍රතිඵල


1 චාමික සඳුන් කුමාර (වරාය අධිකාරිය)
2 සමන්ත ලක්මාල් (ගුවන් හමුදාව)
3 නවීන් රුචිර (ගුවන් හමුදාව)
4 සුපුන් ප්‍රදීප් කුමාර (යුද හමුදාව)
5 අවිෂ්ක උමයංග (පොලිසිය)
6 කුෂාන් රාජපක්ෂ (යුද හමුදාව)
7 මන්ජිත් සිං (ඉන්දීය ගුවන් හමුදාව)
8 ඩිල්ෂාන් නයනප්‍රිය (ගුවන් හමුදාව)
9 ඬේන් නුගේරා (ගුවන් හමුදාව)
10 දිමුතු සංජීව (ගුවන් හමුදාව)

 

(ඡායාරූප - ගුවන් හමුදා නිල වෙබ් අඩවිය අනුග්‍රහයෙනි)


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවදානමෙන් ගැලවෙන්න ශ්‍රී ලංකාව ජය සොයයි ...
2018-02-14 18:39:38
බංග්ලාදේශය, පාකිස්තානය සහ ඉන්දියාව හමුවේ පිට පිටම ලද විස්සයි20 තරග 8 ක පරාජයන් පසෙකලා, මාසයකට ආසන්න කාලයක් තුළ බංග්ලදේශයේදී ලැබූ සාර්ථකත්ව...
විස්සයි-20 න් තරුණයන් බේරාගන්න ඕනෑ...
2018-02-11 13:04:12
විස්සයි විස්ස තරග වෙනුවෙන් තරුණ ක්‍රීඩකයන් ටෙස්ට් තරග මගහැරීම බලවත් ප්‍රශ්නයක්ව තිබෙන බවත් එබැවින් ටෙස්ට් ක්‍රිකට් තරග සඳහා...
පිතිකරුවෝ ශ්‍රී ලංකාව දිනවති...
2018-02-15 16:44:38
ශ්‍රී ලංකාව සහ බංග්ලාදේශය අතර ඩකාහි ශ්‍රේ බංග්ලා ක්‍රීඩාංගණයේදී අද (15 වැනිදා) පැවැති පළමු විස්සයි20 ක්‍රිකට් තරගයෙන් කඩුල...
චනිඳුගෙන් නව ශ්‍රී ලංකා වාර්තාවක්...
2018-02-12 14:44:31
වැලිසර නාවික හමුදා වෙඩි පිටියේ පැවති ජාතික වෙඩිතැබීමේ ශූරතාවලියේ වායු රයිෆල් ඉසව්වේ යොවුන්, කනිෂ්ඨ සහ විවෘත කාණ්ඩවල රන් පදක්කම් දිනාගැනීමට...