. රසාංජනගෙන් අලංකාර ශතකයක් | කෙළිමඬල
2018 ජූනි මස 24 වැනි ඉරිදා
රසාංජනගෙන් අලංකාර ශතකයක්
2017-03-05 16:44:50 | .

ආනන්ද - නාලන්දා 88 වැනි සුලෝහිත සංග්‍රාමය වාර්ෂික මහා ක්‍රිකට් තරගය අද පස්වරුවේ ජයපරාජයෙන් තොරව නිමාවට පත්විය. තරගය නිමාවෙද්දී සිය දෙවැනි ඉනිම ක්‍රීඩා කරමින් සිටි නාලන්දා විදුහල කඩුලු 4ක් දැවී ලකුණු 286 ක් ලබා සිටි අතර විශිෂ්ට ඉනිමක් ක්‍රීඩා කළ ලක්ෂිත රසාංජන නොදැවී ලකුණු 113 ක් රැස් කරමින් සියලු ගෞරව දිනාගැනීමට සමත්විය.

පළමු දිනය වූ ඊයේ තරගය නිමාවනවිට කඩුලු 5 කට ලකුණු 160 ක් ලබා සිටි ආනන්ද විදුහල් පිල අද දහවල් වනවිට කඩුලු 8ක් දැවී ලකුණු 190 ක් ලබා ඉනිම අත්හිටුවන ලදි.

දෙවැනි ඉනිම ආරම්භ කළ නාලන්දාවේ මුල්පෙළ පිතිකරුවන් අඩු ලකුණු සංඛ්‍යාවකට දැවීයාමෙන් පසුව රසාංජන සහ විජේවර්ධන එක්ව ඉනිම පිළිසකර කරමින් සිවුවැනි කඩුල්ලට ලකුණු 90 ක සම්බන්ධතාවක් ගොඩ නැගිම කැපී පෙනුණි. රසාංජනට අනගි සහයක් ලබා දුන් සුහංග විජේවර්ධන රැස් කළ ලකුණු සංඛ්‍යාව 43 කි. අවසන් මොහොතේ රසාංජන සමග එක්වූ කසුන් සඳරුවන් ලකුණු 50ක් ලබාගැනිමට සමත්විය.

ඊයේ ආනන්ද ඉනිම ගොඩ නැගූ අවුරුදු 19 න් පහළ යොවුන් පිලේ ප්‍රබලතම තුන්ඉරියව් ක්‍රීඩක සම්මු අෂාන් අද උදෑසන ලකුණු 67 කට දැවී ගියේය. ආනන්ද විදුහල් පිලේ පසුපෙළ පිතිකරුවන්ට දැඩි පීඩනයක් එල්ල කළ කළණ පෙරේරා සහ අසේල් කුලතුංග කඩුලු 3 බැගින් දවාලීමට සමත්වූහ.


නාලන්දා විදුහල - පළමු ඉනිම 144යි.
(අවිශ්ක පෙරේරා 26, සුහංග විජේවර්ධන 37, මධුෂාන් හසරංග 31, කවිෂ්ක අන්ජුල 37/3, චාමික ගුණසේකර 23/2, සුපුන් වරාගොඩ 26/2)

ආනන්ද විදුහල - පළමු ඉනිම 190/8යි. ඉනිම අත්හිටුවන ලදි
(දුෂාන් හෙට්ටිගේ 37, කවිශ්ක අන්ජුල 25, සම්මු අෂාන් 67, කමේෂ් නිර්මාල් 28, අසේල කුලතුංග 45/3, කළණ පෙරේරා 35/3)

නාලන්දා විදුහල - දෙවැනි ඉනිම - 286/4යි.
(දසුන් සෙනෙවිරත්න 39, මාලිංග අමරසිංහ 21, ලක්ෂිත රසාංජන නොදැවී 113, සුහංග විජේවර්ධන 43, මාලිංග අමරසිංහ 21, කසුන් සඳරුවන් නොදැවී 50, කවිෂ්ක අන්ජුල 22/2යි)

 

- 077

 

 

ආනන්ද - නාලන්දා පාසල් මහ ක්‍රිකට් තරගයේ විශේෂ අවස්ථා ...

(ඡායාරූප - ශාන්ත රත්නායක)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...