. ආදරවන්තයන්ගේ සටන විසදුමක් නෑ | කෙළිමඬල
2018 අපේ‍්‍රල් මස 22 වැනි ඉරිදා
ආදරවන්තයන්ගේ සටන විසදුමක් නෑ
2017-03-18 14:38:00 | .

ගාලු පුරවරය දින දෙකක් පුරා ක්‍රිකට් උන්මාදයෙන් පුරවා දැමූ රිච්මන්ඞ් සහ මහින්ද දෙවිදුහල් අතර 112 වැනි ආදරවන්තයන්ගේ සටන ජය පරාජයෙන් තොරව අද නිමාවට පත්විය.

ගාල්ල අන්තර්ජාතික ක්‍රීඩාංගණයේ පැවැති මේ තරගයේ වැඩි ගෞරවය අත්කර ගත් රිච්මන්ඞ් විදුහල දිනය නිමාවනවිට සිය දෙවැනි ඉනිම සඳහා එක් කඩුල්ලක් දැවී ලකුණු 205 ක් රැස් කිරීමට සමත් වූ අතර ධනංජය ලක්ෂාන් නොදැවී ලකුණු 101 ක් ලබා ගනිමින් තරගයේ අගභාගය වර්ණවත් කළේය.

තරගයේ දෙවැනි දිනය වූ අද දිවා ආහාරයෙන් පසුව මහින්ද විදුහල පලකුණු 180 කට දැවී යාමෙන් පසුව සිය දෙවැනි ඉනිම ආරම්භ කළ රිච්මන්ඞ් විදුහල තරගයේ සියලු ගෞරව දිනා ගැනීමට සමත්වීම කැපී පෙනුණි. 112 වැනි ආදරවන්තයන්ගේ සටන විශිෂ්ට ශතකයකින් ඔප් නැංවූ ධනංජය සිය ක්‍රිකට් දිවියට ස්වර්ණමය මතක සටහනක් එක් කර ගනිද්දී ඔහුට අගනා සහයක් ලබා දුන් නායක කමිඳු මෙන්ඩිස් දැවී ගියේ තවත් ශතකයකට ලකුණු 8 ක් එපිටින් සිටියදීය.

මහින්ද විදුහල් පළමු ඉනිම ලකුණු අද දිවා ආහාරයෙන් පසුව ලකුණු 180කට සීමා කළ අවිඳු තීක්ෂණ කඩුලු 4ක් දවාලූ අතර සඳුන් මෙන්ඩිස් බිඳ දැමූ කඩුලු සංඛ්‍යාව 3 කි.


රිච්මන්ඩ් විදුහල පළමු ඉනිම - 184
(අවිඳු තීක්ෂණ 38, කමිඳු මෙන්ඩිස් 32, ධනංජය ලක්ෂාන් 30, කවීෂ අභිෂේක් නොදැවී 37, ආදිත්‍ය සිරිවර්ධන 26, කලිඳු එදිරිසිංහ 2/19, නිපුන් මාලිංග 50/2, කවිඳු එදිරිවීර 24/2)

මහින්ද විදුහල පළමු ඉනිම - 180
(විනුර හිරන්ජිත් 57,  නවෝද් පරණවිතාන 20, කවිඳු එදිරිවීර 27, සඳුන් මෙන්ඩිස් 47/3, අවිඳු තීක්ෂණ 59/4)

රිච්මන්ඩ් විදුහල දෙවැනි ඉනිම - 205/1
(ධනංජය ලක්ෂාන් නොදැවී 101, කමිඳු මෙන්ඩිස් 92)

 

- 077

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...