. ජයවර්ධනපුර හටන විසඳුමකින් තොරයි | කෙළිමඬල
2017 දෙසැම්බර් මස 12 වැනි අගහරුවාදා
ජයවර්ධනපුර හටන විසඳුමකින් තොරයි
2017-03-18 17:33:09 | .

නුගේගොඩ ශාන්ත ජෝන් විදුහල සහ කෝට්ටේ ආනන්ද ශාස්ත්‍රාලය අතර කොළඹ පොලිස් ක්‍රීඩාංගණයේදී පැවැති 21 වැනි ‘ජයවර්ධනපුර හටන’ වාර්ෂික මහ ක්‍රිකට් තරගය අද (18 වැනිදා) ජය පැරදුමකින් තොරව අවසන් විය.

ජයග්‍රහණය සඳහා ලකුණු 154 ක ඉලක්කයක් හඹා යමින් සිටි ආනන්ද ශ්‍රාස්ත්‍රාලය අද දිනයේදී තරගය නිමා වන විට සිය දෙවැනි ඉනිම වෙනුවෙන් කඩුලු 6 ක් දැවී ලකුණු 41 ක් ලබා සිටියේය.

ආනන්ද ශාස්ත්‍රාලයේ ආරාධනය මත ලකුණු 24 ක් පසුපසින් සිටිමින් දෙවැනි ඉනිම ඇරඹූ ශාන්ත ජෝන් ක්‍රීඩකයෝ, සියලු දෙනා දැවී ලකුණු 177 ක් රැස්කරමින් ආනන්ද ශාස්ත්‍රාලයට තරගය ජය ගැනීම සඳහා ලකුණු 154 ක ඉලක්කයක් ලබා දුන්හ.

පළමු දිනය වූ ඊයේ (17 වැනිදා) තරගය නතර කරන විට කඩුලු 4 ක් දැවී ලකුණු 127 ක් ලබා සිටි ආනන්ද ශාස්ත්‍රාලයට අද දිනයේදී කඩුලු 5 ක් දැවී සිය පළමු ඉනිමට එක්කරගත හැකි වූයේ තවත් ලකුණු 7 ක් පමණි. ඒ අනුව ඔවුහු කඩුලු 9 ක් දැවී ලකුණු 134 ක් ලබා සිටියදී සිය ඉනිම අත්හිටුවා ශාන්ත ජෝන් විදුහලට පන්දුවට පහරදීම සඳහා ආරාධනා කර සිටියහ.


ශාන්ත ජෝන් විදුහල පළමු ඉනිම - ඕවර 43.4 කදී සියලු දෙනා දැවී 110
(දිනුජ ගීත් 48, හංසක සාලින්ද 30/4, තිමිර මල්ෂාන් 14/2, සඳරු වික්‍රමරත්න 17/2)

ආනන්ද ශ්‍රාස්ත්‍රාලය පළමු ඉනිම - ඕවර 44.2 කදී කඩුලු 9 ක් දැවී 134
(සොනාර කරුණාතුංග 51, තිමිර මල්ෂාන් 27, බිම්සර අවිනාෂ් 21, මිතිල පූර්ණජිත් 27/3, තරුෂ සඳරුවන් 9/2)

ශාන්ත ජෝන් විදුහල දෙවැනි ඉනිම - ඕවර 75.2 කදී සියලු දෙනා දැවී 177  
(කේෂාන් මලින්ද 55, අෂේන් මිලින්ද 32, හංසක සාලින්ද 37/3, බිම්සර අවිනාෂ් 53/3)  

ආනන්ද ශ්‍රාස්ත්‍රාලය දෙවැනි ඉනිම - ඕවර 20 කදී කඩුලු 6 ක් දැවී 41
(තරුෂ සඳරුවන් 17/4)

 

- 036

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පිතිකරුවෝ ශ්‍රී ලංකාව බේරාගනිති...
2017-12-06 16:00:46
ඉන්දියාවට එරෙහිව දිල්ලිහි ෆෙරෝස්ශා කොට්ලා ක්‍රීඩාංගණයේදී පැවැති තෙවැනි ටෙස්ට් තරගය ජය පරාජයෙන් තොරව අවසන් කරගැනීමට ශ්‍රී ලංකාව අද ...
දෝනිව දවාගත්තා නම්......
2017-12-11 19:04:24
වසර 17 ක වාර්තාවක් අලුත් කිරීමට තිබූ අනගි අවස්ථාවක් මහේන්ද්‍ර සිං දෝනි විසින් වළක්වන ලදි. ඉන්දීය කණ්ඩායම සිය මවුබිමේ පැවැති...
ශ්‍රී ලංකාවට කඩුලු 7 ක ජයක්...
2017-12-10 11:50:11
පරාජයන් වැළකට තිත තබමින් සුරංග ලක්මාල් ඇතුළු ශ්‍රී ලංකා පන්දු යවන්නන්ගේ විශිෂ්ට පන්දු යැවීම හමුවේ ධර්මසාලාහිදී අද (10 ව...
චන්දිමාල් - මැතිව්ස් ඉහළ නගිති...
2017-12-07 17:31:49
අන්තර් ජාතික ක්‍රිකට් සභාවේ නවතම ශ්‍රේණිගත කිරීම්වලට අනුව ටෙස්ට් පිතිකරුවන් අතර 9 වැනි ස්ථානය දක්වා ඉහළ නැගීමට ශ්‍රී ලංකා ටෙස්...