. ඌව රන් හටනේදී ලක්මාල්ගෙන් කඩුලු 10 ක් | කෙළිමඬල
2018 මැයි මස 22 වැනි අගහරුවාදා
ඌව රන් හටනේදී ලක්මාල්ගෙන් කඩුලු 10 ක්
2017-03-18 17:30:25 | .

බණ්ඩාරවෙල ශාන්ත ජෝෂප් විදුහල සහ බණ්ඩාරවෙල මධ්‍ය මහ විදුහල අතර බණ්ඩාරවෙල නගර සභා ක්‍රීඩාංගණයේදී පැවැති 13 වැනි ‘ඌව රන් හටන’ වාර්ෂික මහ ක්‍රිකට් තරගය අද (18 වැනිදා) ජය පැරදුමකින් තොරව අවසන් විය.

ජයග්‍රහණය සඳහා ලකුණු 226 ක ඉලක්කයක් හඹා යමින් සිටි බණ්ඩාරවෙල මධ්‍ය මහ විදුහල අද දිනයේදී තරගය නිමා වන විට සිය දෙවැනි ඉනිම වෙනුවෙන් කඩුලු 7 ක් දැවී ලකුණු 114 ක් ලබා සිටියේය.

එහිදී ලකුණු 44 කට කඩුලු 5 ක් දවාගනිමින් පන්දුවෙන් දස්කම් දැක්වීමට ශාන්ත ජෝෂප් විදුහලේ අයේෂ ලක්මාල් සමත් විය. ඒ අනුව පළමු ඉනිමේදී දවාගත් කඩුලු 5 ත් සමගින් අයේෂ මෙවර ඌව රන් හටනේදී දවාගත් කඩුලු සංඛ්‍යාව 10 කි.

පළමු ඉනිමේදී ලබාගත් ලකුණු 4 ක වාසියත් සමග දෙවැනි ඉනිම ඇරඹූ ශාන්ත ජෝෂප් ක්‍රීඩකයෝ, සියලු දෙනා දැවී ලකුණු 221 ක් රැස්කරමින් බණ්ඩාරවෙල මධ්‍ය මහ විදුහලට තරගය ජය ගැනීම සඳහා ලකුණු 226 ක ඉලක්කයක් ලබා දුන්හ. එහිදී දක්ෂ පිතිහරඹයක නිතර වූ දුමිඳු දමිෂ්ක (81) සහ කෞෂාන් සසංක (54) ශාන්ත ජෝෂප් විදුහල වෙනුවෙන් අර්ධ ශතක ලබාගත්හ.

පළමු දිනය වූ ඊයේ (17 වැනිදා) තරගය නතර කරන විට කඩුලු 4 ක් දැවී ලකුණු 147 ක් ලබා සිටි බණ්ඩාරවෙල මධ්‍ය මහ විදුහල් ක්‍රීඩකයෝ අද දිනයේදී සිය පළමු ඉනිමට තවත් ලකුණු 78 ක් එක්කර ගත්හ.


ශාන්ත ජෝෂප් විදුහල පළමු ඉනිම - ඕවර 54.4 කදී සියලු දෙනා දැවී 229
(චන්දන රුවන් 60, මලිත මදීව 52, කෞෂාන් සසංක 31, ඉෂාර සඳරුවන් 26, ජනිත් හේෂාන් 63/5, උදිත බණ්ඩාර 88/3)

බණ්ඩාරවෙල මධ්‍ය මහ විදුහල පළමු ඉනිම - ඕවර 51.3 කදී සියලු දෙනා දැවී 225
(රුචිර අයෝද්‍ය 52, හේෂාන් රත්නායක 35, උදිත බණ්ඩාර 25, චරිත බස්නායක 20, අයේෂ ලක්මාල් 42/5, කෞෂාන් සසංක 60/4)

ශාන්ත ජෝෂප් විදුහල දෙවැනි ඉනිම - ඕවර 54 කදී සියලු දෙනා දැවී 221  
(දුමිඳු දමිෂ්ක 81, කෞෂාන් සසංක 54, ජනිත් හේෂාන් 50/4, තිරංජය අත්තනායක 32/2)

බණ්ඩාරවෙල මධ්‍ය මහ විදුහල දෙවැනි ඉනිම - ඕවර 16 කදී කඩුලු 7 ක් දැවී 114
(හසරැල් නයනජිත් 28, අයේෂ ලක්මාල් 44/5)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
කොදෙව් සංචාරයේ සංයුතිය වෙනස් වෙයි...
2018-05-19 19:07:13
මේ මස අගදී ආරම්භ වීමට නියමිත ශ්‍රී ලංකා කණ්ඩායමේ කොදෙව් සංචාරයේදී පැවැත්වීමට නියමිත ටෙස්ට් තරග තුනෙන් එකක් වෙනුවට එක්දින තරග දෙකක් හෝ ...