. 3 වැනි ‘නීල හරිත සංග්‍රාමය’ අද - හෙට | කෙළිමඬල
2018 අපේ‍්‍රල් මස 22 වැනි ඉරිදා
3 වැනි ‘නීල හරිත සංග්‍රාමය’ අද - හෙට
2017-03-20 21:04:49 | .

ගම්පහ බණ්ඩාරනායක විදුහල සහ කොළඹ ලුම්බිණි විදුහල අතර තුන්වැනි ‘නීල හරිත සංග්‍රාමය’ වාර්ෂික මහා ක්‍රිකට් තරගය අද සහ හෙට (20 සහ 21) කොළඹ කෝල්ට්ස් ක්‍රීඩාංගණයේදී පැවැත්වේ.

දෙවිදුහල් අතර මේ දක්වා පැවැති තරග තුනේදී ලුම්බිණි විදුහල 2015 වසරේ තරුෂාන් ඉද්දමල්ගොඩගේ නායකත්වයෙන් පූර්ණ ජය ලැබීය. පසුගිය වසරේ තරගය විසඳුමකින් තොරව අවසන් විය.

මෙවර ලුම්බිණි විදුහල් පිලේ නායකයා ලෙස තනුක දාබරේ ද, බණ්ඩාරනායක විදුහල් පිලේ නායකයා ලෙස සසිරි අදිකාරි ද, කටයුතු කරති.

ලුම්බිණි විදුහල මෙම තරග වාරයේ තරග 12 කට සහභාගි වී මාතර ශාන්ත ශර්වේසස් විදුහලට සහ මොරටුව වේල්ස් කුමර විදුහලට එරෙහිව පූර්ණ ජයග්‍රහණ ලැබීය.

ශ්‍රී ලංකා වයස 19 න් පහළ පිල නියෝජනය කළ නායක තනුක දාබරේ මෙවර ලුම්බිණි විදුහල් පිලේ ප්‍රබලතම ක්‍රීඩකයා ලෙස හැදින්විය හැකිය. තුන් ඉරියව් ක්‍රීඩක තනුක මෙම තරග වාරයේ ලකුණු 600 ඉක්මවා රැස්කරමින් කඩුලු 50 ක් ද, දවාගෙන තිබේ.

උප නායක රවිඳු සංජීව මම තරග වාරයේදී තුන් ඉරියව් දස්කම් දක්වමින් ලකුණු 500 ඉක්මවා රැස්කර කඩුලු 60 ක් ද දවාගෙන සිටියි.

බණ්ඩාරනායක විදුහල මෙම තරග වාරයේ තරග 13 කට සහභාගි වී වෙන්නප්පුව ශාන්ත ජෝශප් වාස් සහ මරදාන සහිරා යන විදුහල්වලට එරෙහිව පූර්ණ ජයග්‍රහණ ලබා තිබේ.

නායක සසිරි අදිකාරි, බණ්ඩාරනායක විදුහල් පිලේ ප්‍රබලතම ක්‍රීඩකයා බවට පත්වෙමින් මෙම තරග වාරයේදී ලකුණු 723 ක් රැස්කරමින් කඩුලු 26 ක් ද දවාගෙන සිටියි. හවිත නිමාෂ් (ලකුණු 527) සහ සිසින මදනායක (ලකුණු 524) බණ්ඩාරනායක විදුහල් පිතිකරු ලැයිස්තුවේ සෙසු ප්‍රබල පිතිකරුවෝ වෙති.

අරෝෂ මධුෂාන් කඩුලු 31 ක් දවා ගනිමින් මෙම තරග වාරයේ බණ්ඩාරනායක විදුහල් පිලේ වැඩිම කඩුලු ලාභියා බවට පත්ව සිටියි.

ගම්පහ බණ්ඩාරනායක විදුහල

කොළඹ ලුම්බිණි විදුහල

 

- 048

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි ඉන්දියන්ස්ට ලකුණු 46 ක ජයක්...
2018-04-17 20:49:10
අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා...
හිරුණි විජේරත්න...
2018-04-16 19:26:26
“අද මම කළේ මගේ හොඳම මැරතන් තරගය නෙමේ. ඒත් මට පුළුවන් තරම් හොඳින් මම තරග කළා. කිලෝ මීටර 15 ක් විතර ගියාට මගේ තියෙන සියලුම ශක්තිය ඉවර වෙයි කියල...
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
අපේ කාලයේ පන්දු යැවීම පහසුයි - මුරලි...
2018-04-17 16:34:31
දඟ පන්දු යැවීමෙන් මුත්තයියා මුරලිදරන් පිතිකරුවන්ට කළ බලපෑම අති මහත්ය. ටෙස්ට් මෙන්ම එක්දින තරග වලදීත් ලෝකයේ වැඩිම කඩුලු සංඛ්‍යාවක් දවාග...