. මදුෂාන් පරණවිතාන දක්ෂ පන්දු යැවීමක | කෙළිමඬල
2018 ජූනි මස 24 වැනි ඉරිදා
මදුෂාන් පරණවිතාන දක්ෂ පන්දු යැවීමක
2017-03-25 21:40:18 | ශානුක අරවින්ද

මහනුවර ශ්‍රී සුමංගල විදුහල සහ මහනුවර ශ්‍රී රාහුල විදුහල අතර පල්ලෙකැළේ ජාත්‍යන්තර ක්‍රිකට් ක්‍රීඩාංගණයේදී පැවැති 17 වැනි ‘කන්ද උඩරට රන් සටන’ වාර්ෂික මහා ක්‍රිකට් තරගය අද (25 වැනිදා) ජය පරාජයෙන් තොරව අවසන් විය.

තරගය නිමාවන විට දෙවැනි ඉනිම වෙනුවෙන් පන්දුවට පහරදෙමින් සිටි රාහුල විදුහල් ක්‍රීඩකයෝ කිසිවකු නොදැවී ලකුණු 3 ක් ලබා සිටියහ.

රාහුල විදුහලට වඩා ලකුණු 14 ක් පසුපසින් සිටිමින් දෙවැනි ඉනිම ඇරඹූ සුමංගල විදුහල කඩුලු 6 ක් දැවී ලකුණු 118 ක් ලබා ගැනීමෙන් අනතුරුව ඉනිම අත්හිටුවා රාහුල විදුහලට දෙවැනි ඉනිම සඳහා පන්දුවට පහර දීමට ආරාධනා කර සිටියේය.

එහිදී දක්ෂ පන්දු යැවීමක නිතර වූ රාහුල විදුහලේ මදුෂාන් පරණවිතාන ලකුණු 30 කට කඩුලු 4 ක් බිඳ හෙළීමට සමත් විය. ඒ අනුව පළමු ඉනිමේදී දවාගත් කඩුලු 5 ත් සමගින් මදුෂාන් මෙවර කන්ද උඩරට රන් සටනේදී දවාගත් කඩුලු සංඛ්‍යාව 9 ක් දක්වා ඉහළ ගියේය.

පළමු දිනය වූ ඊයේ (24 වැනිදා) තරගය නතර කරන විට කඩුලු 5 ක් දැවී ලකුණු 87 ක් ලබා සිටි රාහුල විදුහල් ක්‍රීඩකයෝ අද දිනයේදී සිය පළමු ඉනිමට තවත් ලකුණු 67 ක් එක් කරගත්හ.

 

ශ්‍රී සුමංගල විදුහල පළමු ඉනිම - ඕවර 51.4 කදී සියලු දෙනා දැවී 140
(චමෝද් ප්‍රේමරත්න 57, විහඟ වීරතුංග 23, මදුෂාන් පරණවිතාන 37/5, දිලීෂ මධුෂංක 34/3)

ශ්‍රී රාහුල විදුහල පළමු ඉනිම - ඕවර 78.2 කදී සියලු දෙනා දැවී 154
(ක්‍රිෂාන්ත දිල්ෂාන් 43, දිලීෂ මධුෂංක 29, ඉසුරු කුලතුංග 10/3, එරංග විජේසිරි 20/2, ළහිරු බණ්ඩාර 40/2)

ශ්‍රී සුමංගල විදුහල දෙවැනි ඉනිම - ඕවර 55 කදී කඩුලු 6 ක් දැවී 118
(මිතුන් කරුණාරත්න 29, මදුෂාන් පරණවිතාන 30/4)

ශ්‍රී රාහුල විදුහල දෙවැනි ඉනිම - ඕවර 4 කදී කිසිවකු නොදැවී 3

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...